№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Змест


Алок Вайд-Мэнан Вулічны гвалт Вершы Фрэнк О’Хара Трымаю воблака ў абдымках Вершы Пэт Паркер Так прагну з табой кахацца і словы замест гэтага пішу Вершы Ўолт Ўітмэн Як Адам на золку ўранні Вершы Эмі Лоўэл Калі б я здолела злавіць зялёны ліхтар светляка Вершы Сара ТысдэйлЭрына Верш Алфрэд Эдвард Хаўсмэн Больш не пытай: баюся, не змаўчу Вершы Гедрэ Казлаўскайтэ Размаўляць на забытых мовах Вершы Івар Сільдпачуццё што нешта не так Вершы Сімона дэ БавуарДругі пол Фрагмент кнігі Жан Както Белая кніга
Іда Ліндэ Мама забойцы Урывак з рамана Жорж Экгаўт Татуіроўка Апавяданне Уладзіслаў Гарбацкі Апошні ўраніст Эсэ
Крысціна Бандурына Something Special Вершы Карэкцыя перспектывы Апавяданне Надзя Гусакоўская не вставать рано утром, чтоб не упасть Вершы Уладзіслаў Гарбацкі Прыдарожныя макі Апавяданне Каровы ды мужыкі Апавяданне Дар’я Трайдэн Нямая Апавяданне Вампірызм Апавяданне Хвароба Апавяданне Дзмітрый Ермаловіч-Дашчынскі Небесный сеанс прерывается Вершы
“Вось так я пішу” Рэпрэзентацыя негетэранарматыўнай сэксуальнасці ў літаратуры Матэрыялы круглага стала
Вольга Гапеева Гульня ў гендар, або Чаму качкі размаўляюць на лавандавай мове Эсэ Альгерд Бахарэвіч “Зразумейце маю адзіноту”: “Дзёньнік” Вітальда Гамбровіча як досьлед уласнае сэксуальнасьці Эсэ Дар’я Трайдэн Бог і мілыя хлопчыкі: рэлігія і гомаэротыка ў творах Герарда Рэвэ Эсэ Кацярына Маціеўская Эфект Пігмаліёна Эсэ Ганна Янкута Гісторыя аднаго сына Эсэ Справа Роджэра Кейсмента Эсэ Літаратурнае жыццё бостанскага шлюбу Эсэ Уладзіслаў Гарбацкі Як беларусы ў 1928 годзе гей-шлюбам палохалі Эсэ Апошні enfant terrible ХХ стагодзьдзя Эсэ Жанчына, што кахала мужчынаў, якія кахалі мужчынаў Эсэ Уладзімір Валодзін Уголовное преследование гомосексуалов в СССР (1946-1991): цифры и дискурсы

У гэты дзень, 7 красавіка

  • 1770

    Нарадзіўся Ўільям Вордсварт (анг. William Wordsworth, памёр 23 сакавіка 1850), ангельскі паэт-рамантык, прадстаўнік “азёрнай школы”. Падчас навучання ў Кембрыджскім універсітэце, на вакацыях, ён абышоў Азёрны край і Ёркшыр і напісаў гераічным двувершам паэму “Вечаровы шпацыр” (An Evening Walk, 1793), у якой шмат карцін прыроды. Абстрактную і напышлівую мову паэзіі класіцызму Вордсварт знізіў да ўзроўню размоўнай мовы; ён лічыў, што мова паэзіі не павінная адрознівацца ад мовы прозы. Вордсварт верыў, што яго паэтычнае прызначэнне — паказаць прыроду не як ратаванне чалавека ад пакутаў і абавязкаў, а як крыніцу “найчысцейшай жарсці і радасці”.

  • 1889

    Нарадзілася Габрыэла Містраль (гішп. Gabriela Mistral, сапр. Лусіла дэль Перпетуа Сакора Гадой-Алькаяга; памерла 10 студзеня 1957), чылійская паэтка баскска-індыйскага паходжання, змагарка за правы жанчынаў, першы з лацінаамерыканскіх пісьменнікаў лаўрэат Нобелеўскай прэміі па літаратуры (1945) — “за паэзію сапраўднага пачуцця, якая зрабіла яе імя сімвалам ідэалістычнага імкнення для ўсёй Лацінскай Амерыкі”. Яе вершы прасякнутыя разважаннямі пра прыроду, здраду, каханне, матчыную любоў, смутак і вяртанне, вандраванням і лацінаамерыканскай ідэнтычнасці. На беларускую мову вершы Містраль перакладаў Рыгор Барадулін.

  • 1908

    Памёр Аляксей Жамчужнікаў (руск. Алексей Жемчужников, нар. 22 лютага 1821), рускі паэт, сатырык і гумарыст. На раннім этапе творчасці самай заўважнай яго часткай была створаная разам з братам Уладзімірам і стрыечным братам Аляксеем Талстым літаратурная маска Казьмы Пруткова.

  • 1911

    Нарадзіўся Сяргей Пятроў (руск. Сергей Петров, памёр 31 кастрычніка 1988), рускі паэт, празаік і перакладчык. Вучыўся ў Казанскім усходнім педагагічным інстытуце, датэрмінова скончыў факультэт мовазнаўства і матэрыяльнай культуры Ленінградскага ўніверсітэта (аддзяленне заходнееўрапейскіх моваў і літаратураў). Арыштаваны 28 лютага 1933 году, высланы ў сяло Бірылюсы Заходне-Сібірскага краю, з таго часу арыштоўваўся неаднакроць, адседзеў тры гады ў турме і сямнаццаць гадоў правёў у сібірскай высылцы, выкладаючы на пасяленні замежныя мовы. Латышскую вывучыў ад непісьменнага сукамерніка-латыша, гішпанскую — атрымаўшы замову з выдавецтва на пераклад Франсіска Кеведа (і прыдумаў з гэтай нагоды жартоўнае двухрадкоўе: “Переведу Кеведо я, испанского не ведая”). Агулам ведаў больш за два дзясяткі моваў, на палове з іх пісаў арыгінальныя вершы. Перакладаў на рускую мову творы Райнэра Марыі Рыльке, Баляслава Лесьмяна, Поля Валеры, Карла Міхаэля Бельмана, Роберта Бэрнса, Вальтэра Скота, Дж. Г. Байрана, Ганса Сакса, Фрыдрыха Гёльдэрліна, Тэафіля Гацье, Клемана Маро, Шарля Леконта дэ Ліля, Серэна К’еркегора, паэзію скальдаў і многіх іншых. Калі пераклады Пятрова выдаваліся неаднакроць, хоць далёка не ўсе, арыгінальную яго творчасць пачалі адкрываць толькі цяпер. На сённяшні дзень у расійскім выдавецтве “Водолей” выйшлі тры тамы паэтычных твораў Пятрова, прычым ні адзін з твораў трэцяга тома дагэтуль ніколі нідзе не друкаваўся.

  • 1973

    Памёр Язэп Дыла (Восіп Лявонавіч Дыла, нар. 14 красавіка 1880), псеўд. і крыпт.: Н. Бываеўскі; Наз. Бываеўскі; Назар Бываеўскі; Nazar Bywajeuski; А. Дыл; А. Дыла; Жорсткі; Л. Жорсткі; Тодар Кулеш; Т. Кулеша; Язэп; Н.Б.; Наз. Б.; Н. Б-і; Н. Б-скі; Наз. Б-скі; Я.Д.; Язэп Д.; Яз.Д-а), беларускі празаік, драматург, грамадскі і культурны дзеяч. Дэбютаваў у 1912 у “Нашай Ніве”. Арыштаваны ДПУ БССР 18 ліпеня 1930 па справе “Саюза вызвалення Беларусі”, высланы ў Кунгур Пермскай вобласці на 5 гадоў. 22 жніўня 1938 зноў арыштаваны (10 сакавіка 1939 справа спыненая). Асабістая справа захоўваецца ў архіве КДБ Беларусі.

  • 1983

    Памерла Ларыса Геніюш (у дзявоцтве Міклашэвіч, нар. 9 жніўня 1910), беларуская паэтка, дзяячка нацыянальнага руху, аўтарка кнігі ўспамінаў “Споведзь”. 8 гадоў правяла ў лагерах, усё астатняе жыццё, 27 гадоў у Зэльве, прайшло пад наглядам КДБ.