№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Змест


Алок Вайд-Мэнан Вулічны гвалт Вершы Фрэнк О’Хара Трымаю воблака ў абдымках Вершы Пэт Паркер Так прагну з табой кахацца і словы замест гэтага пішу Вершы Ўолт Ўітмэн Як Адам на золку ўранні Вершы Эмі Лоўэл Калі б я здолела злавіць зялёны ліхтар светляка Вершы Сара ТысдэйлЭрына Верш Алфрэд Эдвард Хаўсмэн Больш не пытай: баюся, не змаўчу Вершы Гедрэ Казлаўскайтэ Размаўляць на забытых мовах Вершы Івар Сільдпачуццё што нешта не так Вершы Сімона дэ БавуарДругі пол Фрагмент кнігі Жан Както Белая кніга
Іда Ліндэ Мама забойцы Урывак з рамана Жорж Экгаўт Татуіроўка Апавяданне Уладзіслаў Гарбацкі Апошні ўраніст Эсэ
Крысціна Бандурына Something Special Вершы Карэкцыя перспектывы Апавяданне Надзя Гусакоўская не вставать рано утром, чтоб не упасть Вершы Уладзіслаў Гарбацкі Прыдарожныя макі Апавяданне Каровы ды мужыкі Апавяданне Дар’я Трайдэн Нямая Апавяданне Вампірызм Апавяданне Хвароба Апавяданне Дзмітрый Ермаловіч-Дашчынскі Небесный сеанс прерывается Вершы
“Вось так я пішу” Рэпрэзентацыя негетэранарматыўнай сэксуальнасці ў літаратуры Матэрыялы круглага стала
Вольга Гапеева Гульня ў гендар, або Чаму качкі размаўляюць на лавандавай мове Эсэ Альгерд Бахарэвіч “Зразумейце маю адзіноту”: “Дзёньнік” Вітальда Гамбровіча як досьлед уласнае сэксуальнасьці Эсэ Дар’я Трайдэн Бог і мілыя хлопчыкі: рэлігія і гомаэротыка ў творах Герарда Рэвэ Эсэ Кацярына Маціеўская Эфект Пігмаліёна Эсэ Ганна Янкута Гісторыя аднаго сына Эсэ Справа Роджэра Кейсмента Эсэ Літаратурнае жыццё бостанскага шлюбу Эсэ Уладзіслаў Гарбацкі Як беларусы ў 1928 годзе гей-шлюбам палохалі Эсэ Апошні enfant terrible ХХ стагодзьдзя Эсэ Жанчына, што кахала мужчынаў, якія кахалі мужчынаў Эсэ Уладзімір Валодзін Уголовное преследование гомосексуалов в СССР (1946-1991): цифры и дискурсы

У гэты дзень, 11 красавіка

  • 1722

    Нарадзіўся Крыстафер Смарт (анг. Christopher Smart, памёр 21 траўня 1771), ангельскі паэт. Вядомы паэмамі “Песня Давіду” (A Song to David) і “Узвесяліцеся ў ягняці” (лац. Jubilate Agno), часткова напісанымі падчас знаходжання ў вар’ятні, куды паэт быў заключаны пасля шматлікіх скаргаў на яго паводзіны: паводле сведчанняў сучаснікаў, ён увесь час маліўся на поўны голас, падаў на калені і ўздымаў рукі да неба ў людных месцах, патрабуючы, каб астатнія бралі з яго прыклад. Пасля выхаду на волю ён жыў у нястачы, у 1770 годзе быў арыштаваны за пазыкі і памёр у галечы і напаўзабыты. Паэзія Смарта была наноў адкрытая Робертам Браўнінгам, які шмат зрабіў для яе папулярызацыі і стварыў рамантычную легенду пра Смарта — “геніяльнага вар'ята”. Дантэ Габрыэль Расэці называў “Песню Давіду” “самым дасканалым вершам, напісаным на ангельскай мове ў XVIII стагоддзі”. На рускую мову “Песню Давіду” пераклаў Я. Віткоўскі.

  • 1879

    Нарадзіўся Ёнас Білюнас (літ. Jonas Biliūnas, памёр 8 снежня 1907), літоўскі празаік, крытык, паэт, публіцыст, родапачынальнік літоўскай лірычнай прозы. Творы Ё. Білюнаса перакладаліся на беларускую мову і друкаваліся ў газеце “Наша Ніва” (“Кветка шчасця”) і ў часопісе “Крывіч”.

  • 1937

    Памёр Цішка Гартны (сапр. Зміцер Жылуновіч, нар. 4 лістапада 1887), беларускі пісьменнік, грамадскі і дзяржаўны дзеяч, удзельнік рэвалюцыі 1905—1907. Аўтар раманаў “Сокі цаліны” і “Перагуды”, п’есаў, зборнікаў апавяданняў, артыкулаў па гісторыі рэвалюцыйнага руху ў Беларусі. Выключаны з ВКП(б) 16 студзеня 1931 з фармулёўкай “за сувязь з <…> нацдэмаўскімі і фашысцкімі элементамі”. Арыштаваны 15 лістапада 1936, 7 красавіка 1937 пераведзены ў Магілёўскую псіхіятрычную лякарню, дзе і памёр (паводле афіцыйнай версіі, ад гангрэны лёгкіх; паводле іншых звестак, скончыў жыццё самагубствам).

  • 1970

    Памёр Джон О’Хара (анг. John O'Hara, нар. 31 студзеня 1905), амерыканскі пісьменнік, вядомы перш за ўсё дзякуючы сваім апавяданням і раманам — ужо першы яго раман “Спатканне ў Самары” (Appointment in Samarra, 1934) стаў бэстсэлерам і трапіў у спіс 100 найлепшых твораў ангельскамоўных раманаў ХХ ст. паводле Modern Library. На беларускую мову некалькі апавяданняў Джона О’Хары пераклаў Уладзімір Шчасны (“Далягляды”, 1984).

  • 1977

    Памёр Жак Прэвэр (фр. Jacques Prévert, нар 4 лютага 1900), французскі паэт і кінадраматург. Свой першы паэтычны зборнік “Словы” (Paroles, 1946) Прэвэр выдаў, калі быў ужо даволі вядомым літаратарам, выбітным сцэнарыстам, аўтарам тэкстаў да шматлікіх знакамітых песняў. На дадзены момант зборнік выдадзены накладам у 3 мільёны асобнікаў.

  • 2007

    Памёр Курт Вонэгут (анг. Kurt Vonnegut, нар. 11 лістапада 1922), амерыканскі пісьменнік. Нарадзіўся ў Індыянапалісе, штат Індыяна, у сям'і архітэктара. Ягоныя бацькі паходзілі з сем'яў нямецкіх перасяленцаў. У снежні 1944 году Вонэгут трапіў у нямецкі палон, а ў лютым 1945-га, яшчэ знаходзячыся ў палоне, стаў сведкам бамбавання Дрэздэна авіяцыяй саюзнікаў. Вонэгут быў адным з сямі амерыканскіх палонных, якія здолелі перажыць гэтае бамбаванне, схаваўшыся ў сутарэннях пад бойняй. Уражанні пра гэта адлюстраваныя ў розных творах, асабліва ў адным з самых вядомых раманаў Вонэгута “Бойня нумар пяць, ці Крыжовы паход дзетак”, перакладзеным на беларускую Паўлам Касцюкевічам.