№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Змест


Алок Вайд-Мэнан Вулічны гвалт Вершы Фрэнк О’Хара Трымаю воблака ў абдымках Вершы Пэт Паркер Так прагну з табой кахацца і словы замест гэтага пішу Вершы Ўолт Ўітмэн Як Адам на золку ўранні Вершы Эмі Лоўэл Калі б я здолела злавіць зялёны ліхтар светляка Вершы Сара ТысдэйлЭрына Верш Алфрэд Эдвард Хаўсмэн Больш не пытай: баюся, не змаўчу Вершы Гедрэ Казлаўскайтэ Размаўляць на забытых мовах Вершы Івар Сільдпачуццё што нешта не так Вершы Сімона дэ БавуарДругі пол Фрагмент кнігі Жан Както Белая кніга
Іда Ліндэ Мама забойцы Урывак з рамана Жорж Экгаўт Татуіроўка Апавяданне Уладзіслаў Гарбацкі Апошні ўраніст Эсэ
Крысціна Бандурына Something Special Вершы Карэкцыя перспектывы Апавяданне Надзя Гусакоўская не вставать рано утром, чтоб не упасть Вершы Уладзіслаў Гарбацкі Прыдарожныя макі Апавяданне Каровы ды мужыкі Апавяданне Дар’я Трайдэн Нямая Апавяданне Вампірызм Апавяданне Хвароба Апавяданне Дзмітрый Ермаловіч-Дашчынскі Небесный сеанс прерывается Вершы
“Вось так я пішу” Рэпрэзентацыя негетэранарматыўнай сэксуальнасці ў літаратуры Матэрыялы круглага стала
Вольга Гапеева Гульня ў гендар, або Чаму качкі размаўляюць на лавандавай мове Эсэ Альгерд Бахарэвіч “Зразумейце маю адзіноту”: “Дзёньнік” Вітальда Гамбровіча як досьлед уласнае сэксуальнасьці Эсэ Дар’я Трайдэн Бог і мілыя хлопчыкі: рэлігія і гомаэротыка ў творах Герарда Рэвэ Эсэ Кацярына Маціеўская Эфект Пігмаліёна Эсэ Ганна Янкута Гісторыя аднаго сына Эсэ Справа Роджэра Кейсмента Эсэ Літаратурнае жыццё бостанскага шлюбу Эсэ Уладзіслаў Гарбацкі Як беларусы ў 1928 годзе гей-шлюбам палохалі Эсэ Апошні enfant terrible ХХ стагодзьдзя Эсэ Жанчына, што кахала мужчынаў, якія кахалі мужчынаў Эсэ Уладзімір Валодзін Уголовное преследование гомосексуалов в СССР (1946-1991): цифры и дискурсы

У гэты дзень, 20 чэрвеня

  • 1870

    Памёр Жуль дэ Ганкур (фр. Jules de Goncourt, нар. 17 снежня 1830), французскі пісьменнік, малодшы брат Эдмона дэ Ганкура. Браты былі неразлучныя з дзяцінства і ў сталым узросце ўтварылі літаратурны дуэт. Разам імі былі напісаныя раманы “Сястра Філамэна” (Soeur Philomène, 1861), “Рэнэ Мапрэн” (Renée Mauperin, 1864), “Жэрміні Ласэрто” (Germinie Lacerteux, 1864), “Манэт Саламон” (Manette Salomon, 1867), “Мадам Жэрвезэ” (Madame Gervaisais, 1869), сюжэты і героі якіх былі ўзятыя з жыцця знаёмых і сваякоў. Браты таксама цікавіліся жывапісам і гісторыяй, у выніку чаго былі выдадзеныя працы “Мастацтва XVIII стагоддзя” (L’Art du dix-huitième siècle, 1859—1875), “Гісторыя французскага грамадства эпохі Рэвалюцыі” (Histoire de la Société francaise pendant la Révolution, 1854) і інш. Пасля смерці Жуля, Эдмон працягнуў пісаць раманы самастойна, але ўжо з меншым поспехам.

  • 1932

    Нарадзіўся Роберт Раждзественскі (руск. Роберт Рождественский, сапр. Пяткевіч; памёр 19 жніўня 1994), рускі паэт, перакладчык, лаўрэат Дзяржпрэміі СССР (1979). Прадстаўнік “маладой паэзіі” 1950—1960-х, які сваім энергічным, пафасным пісьмом на актуальныя тэмы выступіў паслядоўнікам У. Маякоўскага. Напісаў тэксты мноства папулярных песняў, супрацоўнічаў практычна з усімі эстраднымі кампазітарамі.

  • 1934

    Нарадзіўся Юрый Візбар (руск. Юрий Визбор, памёр 17 верасня 1984), рускі паэт, журналіст, сцэнарыст, кінаактор. Адзін з заснавальнікаў жанру аўтарскай песні і песні-рэпартажу, напісаў больш за 300 пессняў. Сур’ёзна захапляўся падарожжамі і альпінізмам, удзельнічаў у экспедыцыях на Каўказ, Памір, Цянь-Шань. Песні Візбара былі вельмі папулярныя сярод турыстаў, і не ўсе ведалі пра аўтарства, лічачы іх сапраўды народнымі.

  • 1951

    Нарадзіўся Пол Малдун (анг. Paul Muldoon), ірландскі англамоўны паэт. Выдаў больш за трыццаць зборнікаў паэзіі, уганараваны прэміяй Т. С. Эліята (1994), Пулітцэраўскай (2003), Шэкспіраўскай (2004) і інш. З 2007 г. з’яўляецца рэдактарам паэтычнага раздзела часопіса The New Yorker і старшынём Брытанскага паэтычнага таварыства. Акрамя паэзіі займаўся рэдагаваннем шэрагу анталогій, напісаў дзве дзіцячыя кнігі, перакладаў творы іншых аўтараў і публікаваў крытычныя працы.

  • 1963

    Памёр Пётра Сыч (нар. 18 студзеня 1912), беларускі пісьменнік, мемуарыст, журналіст. Пасля Другой сусветнай вайны жыў у Вялікабрытаніі, з 1951 — у Германіі, дзе і памёр. Быў адным з першых супрацоўнікаў Радыё Свабода (тады Радыё “Вызваленне”). Найбольш значны яго твор “Смерць і салаўі” прысвечаны адной з вызначальных стратэгічных аперацыяў Другой сусветнай вайны — бітве пад Монтэ-Касіна ў студзені-траўні 1944 году.