№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Змест


Алок Вайд-Мэнан Вулічны гвалт Вершы Фрэнк О’Хара Трымаю воблака ў абдымках Вершы Пэт Паркер Так прагну з табой кахацца і словы замест гэтага пішу Вершы Ўолт Ўітмэн Як Адам на золку ўранні Вершы Эмі Лоўэл Калі б я здолела злавіць зялёны ліхтар светляка Вершы Сара ТысдэйлЭрына Верш Алфрэд Эдвард Хаўсмэн Больш не пытай: баюся, не змаўчу Вершы Гедрэ Казлаўскайтэ Размаўляць на забытых мовах Вершы Івар Сільдпачуццё што нешта не так Вершы Сімона дэ БавуарДругі пол Фрагмент кнігі Жан Както Белая кніга
Іда Ліндэ Мама забойцы Урывак з рамана Жорж Экгаўт Татуіроўка Апавяданне Уладзіслаў Гарбацкі Апошні ўраніст Эсэ
Крысціна Бандурына Something Special Вершы Карэкцыя перспектывы Апавяданне Надзя Гусакоўская не вставать рано утром, чтоб не упасть Вершы Уладзіслаў Гарбацкі Прыдарожныя макі Апавяданне Каровы ды мужыкі Апавяданне Дар’я Трайдэн Нямая Апавяданне Вампірызм Апавяданне Хвароба Апавяданне Дзмітрый Ермаловіч-Дашчынскі Небесный сеанс прерывается Вершы
“Вось так я пішу” Рэпрэзентацыя негетэранарматыўнай сэксуальнасці ў літаратуры Матэрыялы круглага стала
Вольга Гапеева Гульня ў гендар, або Чаму качкі размаўляюць на лавандавай мове Эсэ Альгерд Бахарэвіч “Зразумейце маю адзіноту”: “Дзёньнік” Вітальда Гамбровіча як досьлед уласнае сэксуальнасьці Эсэ Дар’я Трайдэн Бог і мілыя хлопчыкі: рэлігія і гомаэротыка ў творах Герарда Рэвэ Эсэ Кацярына Маціеўская Эфект Пігмаліёна Эсэ Ганна Янкута Гісторыя аднаго сына Эсэ Справа Роджэра Кейсмента Эсэ Літаратурнае жыццё бостанскага шлюбу Эсэ Уладзіслаў Гарбацкі Як беларусы ў 1928 годзе гей-шлюбам палохалі Эсэ Апошні enfant terrible ХХ стагодзьдзя Эсэ Жанчына, што кахала мужчынаў, якія кахалі мужчынаў Эсэ Уладзімір Валодзін Уголовное преследование гомосексуалов в СССР (1946-1991): цифры и дискурсы

У гэты дзень, 17 верасня

  • 1771

    Памёр Тобіяс Смолет (анг. Tobias George Smollett, нар. 19 сакавіка 1721), шатландскі пісьменнік. Вядомым зрабіўся дзякуючы махлярскім раманам — “Прыгоды Родэрыка Рэндама” (The Adventures of Roderick Random, 1748), “Прыгоды Перэгрына Пікла” (The Adventures of Peregrine Pickle, 1751), “Жыццё і прыгоды сэра Лансэлота Грыўса” (The Life and Adventures of Sir Launcelot Greaves, 1760), “Падарожжа Хамфры Клінкера” (The Expedition of Humphry Clinker, 1771). Смолет таксама зрабіў новы пераклад “Дон Кіхота” Сервантэса на ангельскую (1755) і выдаў “Поўную гісторыю Англіі” (1757—1765), якая карысталася вялікай папулярнасцю. Яго творчасць звязаная з зараджэннем сентыменталізму ў ангельскай літаратуры і паўплывала на такіх раманістаў, як Ч. Дыкенс.

  • 1863

    Памёр Альфрэд дэ Віньі (фр. Alfred de Vigny, нар. 27 сакавіка 1797), французскі пісьменнік, адзін з пачынальнікаў французскага рамантызму. Віньі пачынае як паэт, але з 1826 году звяртаецца да жанраў рамана (“Сэн-Мар”, “Stello”) і п’есы (“Парыж”, “Чатэртан”), перакладае “Венецыянскага купца” і “Атэла” Шэкспіра. П’еса “Чатэртан” (апошняя п’еса дэ Віньі, 1833) прысвечаная ангельскаму паэту Томасу Чатэртану, аднак прататыпам яе зрабіўся хутчэй гётэўскі Вэртэр; твор выклікаў шмат спрэчак, аўтара нават абвінавачвалі, што ён прапагандуе самагубства. Пасля гэтай п’есы дэ Віньі напісаў свой апошні твор — мемуарнае “Рабства і веліч ваеннага жыцця”. У 1842 годзе быў выбраны ў Акадэмію, але ў літаратурным жыцці больш не ўдзельнічаў.

  • 1864

    Нарадзіўся Міхайла Кацюбінскі (укр. Михайло Коцюбинський, памёр 25 красавіка 1913), класік украінскай літаратуры і грамадскі дзеяч. У гісторыю ўкраінскай літаратуры ўвайшоў як “мастак рэвалюцыі”, які зрабіў моцны ўплыў на развіццё ўкраінскай прозы.

  • 1907

    17 верасня (паводле іншых звестак 27 верасня) Нарадзіўся Сяргей Дзяргай (памёр 25 снежня 1980), беларускі паэт і перакладчык. Лаўрэат Літаратурнай прэміі імя Янкі Купалы (1964) за зборнік вершаў і паэмаў “Чатыры стыхіі”. Пераклаў на беларускую мову паэмы “Гражына” А. Міцкевіча, “Бацька зачумленых” Ю. Славацкага, “Дванаццаць” А. Блока, “На ўвесь голас” У. Маякоўскага, “Сінія гусары” М. Асеева, “Сын” П. Антакольскага, “1905 год” Б. Пастарнака, паасобныя творы М. Канапніцкай, У. Бранеўскага, Ю. Тувіма, І. Бехера, Г. Зегерс, М. Лермантава, С. Шчыпачова, Л. Украінкі і інш.

  • 1912

    Нарадзіўся Максім Танк (сапр. Яўген Скурко, псеўд.: Аўгень Бура, А. Граніт; памёр 7 жніўня 1995), беларускі паэт, празаік і перакладчык, адзін з першых верлібрыстаў у Беларусі. Народны паэт Беларусі (1968), акадэмік АН Беларусі (1972). Аўтар кніг паэзіі “На этапах” (1936, факсімільнае ў 1983), “Каб ведалі” (1948), “Хай будзе святло” (1972), “Дарога, закалыханая жытам” (1976), “Прайсці праз вернасць” (1979), “Мой каўчэг” (1994) і інш. Перакладаў на беларускую асобныя творы А. Пушкіна, У. Маякоўскага, П. Тычыны, М. Рыльскага, А. Венцлавы, Я. Судрабкална, А. Міцкевіча, Ю. Славацкага, Ю. Тувіма, У. Бранеўскага, Р. Дабравольскага, Т. Ружэвіча, А. Германава і іншых.

  • 1922

    Нарадзіўся Антонію Агушцінью Нэту (парт. António Agostinho Neto, памёр 10 верасня 1979), ангольскі паэт, дзяржаўны дзеяч, першы прэзідэнт Народнай Рэспублікі Ангола. Лаўрэат прэміі Асацыяцыі пісьменнікаў краін Азіі і Афрыкі (1970).

  • 1935

    Нарадзіўся Кен Кізі (анг. Ken Elton Kesey, памёр 10 лістапада 2001), амерыканскі пісьменнік, адзін з галоўных аўтараў біт-пакалення і пакалення хіпі. Шырока вядомы як аўтар рамана “Над зязюліным гняздом” (One Flew Over the Cuckoo's Nest, 1962), экранізаванага Мілашам Форманам у 1975. Быў арганізатарам і актыўным удзельнікам хіпаўскай камуны “Вясёлыя свавольнікі” (Merry Pranksters), якая ладзіла канцэрты-хэпенінгі пад назвай “Кіслотныя тэсты” з раздачай ЛСД усім ахвотным. Акрамя чатырох раманаў Кізі напісаў процьму эсэ і апавяданняў.

  • 1984

    Памёр Юрый Візбар (руск. Юрий Визбор, нар. 20 чэрвеня 1934), рускі паэт, журналіст, сцэнарыст, кінаактор. Адзін з заснавальнікаў жанру аўтарскай песні і песні-рэпартажу, напісаў больш за 300 песняў. Сур’ёзна захапляўся падарожжамі і альпінізмам, удзельнічаў у экспедыцыях на Каўказ, Памір, Цянь-Шань. Песні Візбара былі вельмі папулярныя сярод турыстаў, і не ўсе ведалі пра аўтарства, лічачы іх сапраўды народнымі.