Навіны літаратуры

14 верасня 2010

У Нідэрландах адбылася прэм'ера оперы на клінгонскай мове

Опера на клінгонскай мове атрымала назву u, што ў перакладзе на беларускую значыць "Сусвет". Пастаноўку ажыццявілі на сцэне тэатра Zeebelt у Гаазе. Пазней оперу плануюць паказаць у Нямеччыне. У красавіку 2010 ініцыятары праекту адправілі запрашэнне на прэм'еру самім клінгонам. Для гэтага быў скарыстаны радыётэлескоп, накіраваны ў бок Арктура – зоркі, вакол якой, як мяркуецца, круціцца планета, населеная гэтай расай."Клінгоны – вядомыя прыхільнікі опернага мастацтва. Аднак мы, зямляне, амаль нічога не ведаем пра іх оперы. Таму для мяне пастаноўка стала свайго кшталту выпрабаваннем – я паспрабаваў зрабіць яе максімальна аўтэнтычнай з улікам усіх складанасцяў", – заявіў Флорэнс Шонфельд, стваральнік оперы

Чытаць цалкам

14 верасня 2010

У Кактэбелі адкрыўся Валошынскі фестываль

У ягоным доме ў пачатку ХХ ст. збіраліся многія дзеячы расійскай культуры і мастацтва.Арганізатары чакаюць, што ў Кактэбель на найбуйнейшы ва Украіне літаратурны фестываль прыедуць Яўген Рэйн, Святлана Васіленка, Андрэй Каровін, Аляксандр Кабанаў, Андрэй Грыцман і іншыя пісьменнікі з Расіі, Украіны, Беларусі, Малдовы, Казахстана, Германіі, Ізраіля, ЗША, Мексікі і Бельгіі.Галоўнымі падзеямі фестывалю стануць уручэнне Валошынскай прэміі і ўзнагароджанне пераможцаў Міжнароднага літаратурнага конкурсу імя Валошына.Адна з намінацый конкурсу – перакладчыцкая і ўручаецца за пераклад сучаснага аўтара з беларускай мовы. Сярод беларусаў, пераклады чыіх твораў былі сёлета прадстаўленыя на конкурс, – Алесь Разанаў, Міхась Скобла, Уладзімір Някляеў, Ларыса Геніюш, Адам Глобус, Марыя Мартысевіч, Леся Беларуска, Вера Бурлак, Андрэй Адамовіч, Віталь Рыжкоў, Югася Каляда і Сяргей Прылуцкі. Са спісам прапанаваных на конкурс твораў, а таксама з імёнамі перакладчыкаў можна пазнаёміцца тут.На…

Чытаць цалкам

14 верасня 2010

Новы літаратурны праект: калі паэзія робіцца відовішчам

Раз на тыдзень на сайтах Budzma.org і litradio.by будзе з’яўляцца па адным відэа беларускіх паэтаў, “адрозных сваёй непаўторнай манерай чытання, з уласнымі тэмамі і падыходамі да іх раскрыцця”.Стваральнікі праекту, не чакаюць, што яго “можна будзе падпарадкаваць пэўнаму фармату” і не збіраюцца “загадваць аўтару, што чытаць альбо што не чытаць”. А таму верш для відэа паэт будзе выбіраць абсалютна самастойна.Сярод першых выканаўцаў паэзіі – Віктар Жыбуль, Андрэй Адамовіч, Наста Манцэвіч, Віталь Рыжкоў, Антон Рудак, Ася Волкава.Папярэднюю згоду на ўдзел у праекце далі Уладзімір Арлоў, Андрэй Хадановіч, Джэці, Югася Каляда, Таццяна Нядбай, Уладзімір Лянкевіч, Таццяна Сівец, Кацярына Зыкава, Дзмітры Строцаў.Імёны ўлюбёных паэтаў, якіх вы жадалі б бачыць у “Чорна-белых вершах”, арганізатары праекту просяць дасылаць на адрас razam@budzma.org з пазнакай “вершы”.

Чытаць цалкам

13 верасня 2010

"Логвінаў" выдасць "прыватную бібліятэку" Акудовіча

Пра мэты і маштабы праекту яго распытвала Валянціна Аксак.Валянціна Аксак: Спадар Акудовіч, у вашых намерах выдаць у новым праекце ўсё найлепшае з беларускай літаратуры. Расшыфруйце, калі ласка, што ўключае ў сябе азначэнне «ўсё найлепшае»?Валянцін Акудовіч: У сваю пару я, як усякі безграшовы чалавек, засынаючы, марыў, што з неба мне зваліцца шмат грошай. І сярод таго, на што я іх патрачу, паўставала думка, што я выдам прыватную бібліятэку В. Акудовіча. Іншымі словамі, я выдам усё тое, што я люблю ў беларускай літаратуры. І тут мне раптам прапануюць зрабіць тое, пра што я мроіў, бо выдавецтва мяне не надта абмяжоўвае. Разам з тым, я не збіраюся рабіць ніводнага кроку ў канфрантацыю з выдавецтвам, калі тая ці іншая кніжка, той ці іншы аўтар выдавецтву не спадабаецца. Аксак: З чаго пачняце, з «Жыцця Ефрасінні Полацкай»?Акудовіч: А пачынаць мы будзем не са старажытнасці. І ўвогуле, у нас усё будзе ўразнабой, чысты нейкі постмадэрн: сёння можа выйсці Міцкевіч, а наступнай кніжкай, да прыкладу,…

Чытаць цалкам

13 верасня 2010

15 верасня ў Беларусі святкуюць Дзень бібліятэк

Святкаванне Дня бібліятэк — знамянальная падзея ў жыцці нашай краіны, якая сведчыць пра ўвагу дзяржавы і грамадства да бібліятэк як да найважнейшага элемента інфармацыйнай прасторы. Свята бібліятэчнай культуры адзначаецца ў нашай краіне з 2001 г. згодна з указам прэзідэнта Рэспублікі Беларусь, паводле якога быў прызначаны Дзень бібліятэк — 15 верасня. Гэта дата была выбрана невыпадкова: 15 верасня 1922 г. лічыцца днём заснавання Нацыянальнай бібліятэкі Беларусі, якая ўзначальвае бібліятэчную сістэму рэспублікі і з’яўляецца ўніверсальнай навуковай бібліятэкай, рэспубліканскім інфармацыйным і сацыякультурным цэнтрам.Святочныя мерапрыемствы традыцыйна пачнуцца з урачыстасці, прысвечанай Дню бібліятэк, што адбудзецца 15 верасня а 12-й гадзіне на плошчы перад Нацыянальнай бібліятэкай Беларусі каля помніка Ф. Скарыну. У мерапрыемстве возьмуць удзел прадстаўнікі дзяржаўных органаў у сферы культуры і бібліятэчнай справы, прадстаўнікі бібліятэчнай грамадскасці з розных рэгіёнаў Беларусі, запланаваныя…

Чытаць цалкам

12 верасня 2010

Новы набор у Беларускі Калегіюм

Да ўдзелу ў конкурсе запрашаюцца студэнты старэйшых курсаў альбо асобы з вышэйшай адукацыяй. У выключных выпадках прымаюцца студэнты малодшых курсаў. Навучэнцамі БК могуць быць тыя, хто пастаянна альбо на час навучання пражывае ў Мінску.Навучальныя праграмы БК арыентаваныя на выкладанне найноўшых фрагментаў сучаснай веды і не дублююць існуючыя праграмы дзяржаўных і недзяржаўных універсітэтаў.Сертыфікат Калегіюму не замяняе дыплому аб вышэйшай адукацыі.Навучанне ў БК – бясплатнае.Пачатак заняткаў з 4 кастрычніка 2010 г.Заяўкі прымаюцца па 25 верасня б.г.Умовы паступлення.Дадатковую інфармацыю можна атрымаць па тэл. +37529 276 27 15 (MTC), +37529 679 26 82 (Velcom) з 15.00 да 19.00 (акрамя суботы і нядзелі) ці праз kalehium@gmail.com

Чытаць цалкам

10 верасня 2010

Абвешчаныя фіналісты расійскай прэміі “Ясная Паляна”

Старшыня журы конкурсу, прапраўнук пісьменніка Уладзімір Талстой, адзначыў, што павелічэнне колькасці фіналістаў звязанае з тым, што ў гэтым годзе было ўдвая больш намінантаў – 43 аўтары.Шорт-ліст прэміі “Ясная Паляна” 2010 году ў намінацыі «XXI стагоддзе» (750 тысяч рублёў): Аляксандр Ілічэўскі (“Перс”) Барыс Клімычаў (“Треугольное письмо”) Максім Осіпаў (“Грех жаловаться”) Алег Паўлаў (“Асистолия”) Міхаіл Таркоўскі (“Замороженное время”) Алена Тахо-Годзі (“У мирного порога моего”) Лаўрэат намінацыі “Сучасная класіка” (900 тысяч рублёў) абіраецца сябрамі журы і ўзнагароджваецца за празаічныя твор, напісаны да 2000 году.Пераможцаў прэміі “Ясная Паляна” абвесцяць у пачатку кастрычніка.Прэмія “Ясная Паляна” з 2003 году прысуджаецца “аўтарам, творы якіх нясуць у сабе ідэалы чалавекалюбства, міласэрнасці і маральнасці, апетыя ў творчасці Л.М. Талстога”.

Чытаць цалкам

10 верасня 2010

Невядомую паэму Вальтэра Скота прадставяць публіцы

Паэма "Узгоркі Кілерна" была выяўленая ў архівах сямейства Бэйлі-Гамільтан у маёнтку непадалёк ад Каландэра. Тут малады паэт часта гасцяваў на працягу дзевяці гадоў. Апроч нявыдадзенага твора спадчыннікі архіваў аддалі даследнікам дзевяць лістоў Вальтэра Скота, адрасаваных яго партнёру па адвакацкай практыцы. У іх, па словах адмыслоўцаў, адлюстраваны ўплыў, які зрабілі на паэта пейзажы наваколляў Стэрлінга. Лісты таксама будуць выстаўленыя на публічны агляд.

Чытаць цалкам

10 верасня 2010

У Беларусі адбудзецца свята нямецкай мовы

Паводле яго слоў, арганізатарамі свята выступаюць мінскі Інстытут Гётэ і Федэральнае міністэрства адукацыі, мастацтва і культуры Аўстрыі. Акцыя прымеркавана да Еўрапейскага дня замежных моў, які адзначаюць 26 верасня.Як паведаміў Клічко, гэтае свята — традыцыйная акцыя, якая праводзіцца ў Беларусі ўжо чацвёрты год. У гэты раз арганізатары маюць намер акцэнтаваць увагу на пытаннях варыятыўнасці нямецкай мовы. Перш за ўсё вывучаюцца тыя нормы мовы, якія існуюць у Германіі, аднак нямецкая мова выкарыстоўваецца таксама ў Швейцарыі і Аўстрыі, адзначыў Клічко.Мерапрыемствы свята прадугледжваюць культурную і адукацыйную праграму. У рамках культурнай праграмы будзе прадстаўлена шоу швейцарскай пісьменніцы і спявачкі Брыгіты Шэр. 21 і 22 верасня яна выступіць у Гродне. Гледачоў чакае арыгінальнае спалучэнне тэксту і музыкі, дэкламацыі і спеваў. Пісьменніца прадставіць свае кнігі з дапамогай сродкаў тэатра, мастацтва і музыкі. 24 і 25 верасня Брыгіта Шэр пакажа сваё музычна-песеннае шоу-чытанне ў…

Чытаць цалкам

9 верасня 2010

Оксфардскі слоўнік ангельскай мовы больш не будзе выходзіць на паперы

Продажы слоўніка ўпалі, як тлумачаць выдаўцы, праз рост папулярнасці онлайн-альтэрнатываў. Апошняя версія слоўніка паспяхова існуе ў сеціве і мае 2 мільёны хітоў у месяц ад карыстальнікаў, якія штогод плацяць за падпіску на сэрвіс па 240 фунтаў стэрлінгаў ($370).“Рынак друкаваных слоўнікаў проста знікае, ён падае на дзясяткі адсоткаў у год”, — кажа Найджэл Портвуд, выканаўчы дырэктар выдавецтва Оксфардскага ўніверсітэта.У выніку наступнае, трэцяе выданне слоўніка, падрыхтаванае яшчэ менш чым на траціну, магчыма, з’явіцца толькі ў электронным выглядзе. Усё залежыць ад попыту, які не прагназуецца значна высокім. Над слоўнікам ужо 21 год працуе каманда з 80 навукоўцаў, і праца наўрад ці скончыцца хутчэй чым праз дзесяцігоддзе. Папярэдняе выданне Оксфардскага слоўніка заняло 20 тамоў.На думку Портвуда, з распаўсюдам такіх онлайн-чытальнікаў, як iPad ад Apple і Amazon Kindle, друкаваным слоўнікам засталося жыць каля 30 гадоў. Паводле стратэгіі распрацоўшчыкаў электронных чытальнікаў, ужо праз…

Чытаць цалкам

№21: Знак прысутнасці

Змест