Навіны літаратуры

17 жніўня 2010

Выйшаў альбом коміксаў пра Грунвальдскую бітву

Мастакі і сцэнарысты з Польшчы, Літвы, Украіны і Беларусі з дапамогай комікса наблізілі да сучаснага грамадства гістарычную падзею, якую большасць ведае пераважна з падручнікаў гісторыі. Каардынатарам супольнага праекта з’яўляецца Міжнародны фестываль коміксаў у Лодзі. З беларускага боку ўдзельнікамі праекта сталі мастак, паэт і празаік Уладзімір Блюднік ды малады літаратар Віталь Воранаў, які ўпершыню ствараў комікс: - Я быў запрошаны да ўдзелу ў праекце як сцэнарыст. Маім заданнем было напісаць гісторыю, якая будзе натхнёная падзеямі Грунвальдскай бітвы. Не абавязкова адлюстроўваць гэтую бітву ў рэальным плане, але проста быць натхнёнай гэтымі падзеямі. Гэта вялікі гонар, таму што астатнія ўдзельнікі – вядомыя стваральнікі коміксаў Польшчы, якія займаюцца гэтай справай з 90-х гадоў, з самага пачатку сучаснай гісторыі польскага комікса. Комікс “Грунвальд-2010” пабачыў свет пакуль што на двух мовах – польскай і літоўскай. Аднак, ужо ў бліжэйшы час беларусы змогуць прачытаць яго і на роднай…

Чытаць цалкам

13 жніўня 2010

Прэзентацыя другога нумару “Верасня”

Імпрэзу праводзіць рэдактар часопіса Эдуард Акулін.Пачатак сустрэчы ў 18.00.Уваход вольны.Мерапрыемства пройдзе ў межах кампаніі “Будзьма беларусамі!”Фота danilchyk.livejournal.com

Чытаць цалкам

12 жніўня 2010

Мішэль Ўэльбэк высмеяў сам сябе

Кніга "Мапа і тэрыторыя" (La Carte et le Territoire) уяўляе сабой сатыру на французскіх знакамітасцяў. Адзін з персанажаў – "пісьменнік-алкаголік, які смярдзіць і апрануты кепска", па імені Мішэль Ўэльбэк. Як адзначае газета, выдуманы Ўэльбэк мае некаторае падабенства са сваім рэальным цёзкам. Так, персанаж жыве ў паўразбураным доме ля ракі Шанон з "найгоршым лужком ва ўсёй Ірландыі". Сапраўдны Ўэльбэк да нядаўняга часу жыў у былым гатэлі ў ірландскім графстве Корк. The Independent бачыць сувязь паміж самаіроніяй Ўэльбэка і скандалам вакол маці пісьменніка. У сваім папярэднім рамане "Платформа" Ўэльбэк выявіў маці ў непрывабным выглядзе. Пасля гэтага Люсі Секальдзі выпусціла аўтабіяграфію, у якой назвала сына няўдзячным падманшчыкам, выскачкай і паразітам, што прыносіць боль сваім блізкім. На тое, што персанажаў новай кнігі Ўэльбэка не варта блытаць з рэальнымі людзьмі, верагодна, паказвае яе назва. Яна, відаць па ўсім, адсылае да выказвання філосафа і семіётыка Альфрэда Каржыбскі "Мапа…

Чытаць цалкам

12 жніўня 2010

У Расіі заснавалі літаратурную прэмію імя Андрэя Платонава

Па словах галоўнага рэдактара "Коммуны" Віктара Рудэнкі, у Маскве ўжо адбыліся некалькі пасяджэнняў журы платонаўскай прэміі; чакаецца, што першы лаўрэат будзе аб'яўлены ў канцы жніўня 2010 года. Памер прэміі складае 100 тысяч рублёў; яе могуць уручыць "за выдатны ўнёсак у развіццё рускай літаратуры, за значныя і таленавітыя творы пра наш складаны і супярэчлівы час, за дасягненні ў галіне даследавання творчасці Андрэя Платонава" і "за вялікі арганізатарскі ўнёсак ва ўмацаванне прафесійнага Саюза пісьменнікаў Расіі ". Старшынёй журы стаў кіраўнік Саюза пісьменнікаў Расіі Валеры Ганічаў. Губернатар рэгіёну Аляксей Гардзееў падтрымаў заснаванне прэміі і заявіў, што ў далейшым яе ўручэнне будзе праходзіць у рамках Платонаўскага фестывалю, які стартуе ў Варонежы ў 2011 годзе. Акрамя таго, Гардзееў прапанаваў адрадзіць журналісцкую Платонаўскую прэмію, якая існавала ў горадзе раней. Платонаў нарадзіўся ў Варонежы ў 1899 годзе; ў Маскву аўтар "Катлавана" пераехаў у 1927 годзе.

Чытаць цалкам

10 жніўня 2010

Мэрылін Манро зачытвалася Джойсам і Бэкетам

Кнігу "Фрагменты" выдадуць французскае выдавецтва Seuil і амерыканскае Farrar, Straus & Giroux у кастрычніку 2010 году. Тое, што Манро была знаёмая з творчасцю Джойса і Ўітмэна, было вядома і раней – так, шырокае распаўсюджанне атрымалі здымкі акторкі, на якіх яна чытае "Уліса" і "Лісце травы". Аднак, па словах Комэна, толькі выданне неапублікаваных матэрыялаў пралье святло на сапраўдныя літаратурныя густы кіназоркі. Так, у запісах асабістага характару неаднаразова згадваецца Джойс: Манро адкрыла яго для сябе ў 26-гадовым узросце і неаднаразова чытала са сцэны ўрыўкі са знакамітага маналогу Молі Блум з апошняга раздзелу "Уліса". Таксама Манро захаплялася Бэкетам: поспех да акторкі і пісьменніка прыйшоў практычна адначасова, у 1950-х. Тое, што Манро любіла вершы Ўітмэна, Комэн назваў дзіўным. Добра вядома, што Манро сабрала вялікую хатнюю бібліятэку, у якой былі, у прыватнасці, кнігі Джорджа Бернарда Шоў, Тэнэсі Ўільямса, Дэвіда Герберта Лоўрэнса, Эрнэста Хэмінгуэя, Фрэнсіса Скота Фіцджэралда…

Чытаць цалкам

9 жніўня 2010

“Шляхціца Завальню” экранізуюць

Кінастудыя плануе пачаць працу над фільмам напрыканцы гэтага года. Па словах А. Клінава, “Беларусьфільм” мяркуе зняць дзве версіі – для тэлебачання і для кінатэатраў.- Цяпер я працую над вялікім праектам, раблю сцэнар па матывах твора Яна Баршчэўскага "Шляхціц Завальня". Гэта будзе такая вялікая экранізацыя Баршчэўскага, праект для "Беларусфільма". 4 серыі для тэлеверсіі плюс блокбастэр - кінаверсія для кінатэатраў. Працу над фільмам плануецца завершыць у 2012 годзе.Гэта ўжо другая версія знакамітага твора, якую збіраецца выпусціць “Беларусьфільм”. Першы фільм пра Шляціца Завальню (рэж. Віктар Тураў) выйшаў у 1994 годзе.

Чытаць цалкам

9 жніўня 2010

Стагоддзе з дня нараджэння Ларысы Геніюш

Ларыса Геніюш (у дзявоцтве Міклашэвіч) нарадзілася 9 жніўня 1910 года ў сядзібе Жлобаўцы (цяпер Ваўкавыскі раён Гродзенскай вобласці). У 1935 годзе выйшла замуж за студэнта Карлаўскага універсітэта Янку Геніюша і ў 1937 годзе паехала да яго на жыхарства ў Прагу. У 1947 годзе атрымала чэхаславацкае грамадзянства. У 1948 годзе па загадзе з Масквы была разам з мужам арыштавана ў чэшскім горадзе Вімперк і дэпартавана ў СССР. Ларысу Геніюш прыгаварылі да 25 гадоў пазбаўлення волі, пакаранне яна адбывала ў Комі АССР.У 1956 году Геніюшы былі вызвалены і вярнуліся на радзіму мужа, у Зэльву, дзе паэтэса жыла да сваёй смерці ў 1983 годзе. Пры жыцці выйшлі кнігі "Невадам з Нёмана" (1967) і "На чабары настоена" (1982), пасля смерці — "Белы сон" (1990), "Споведзь" (1993), "Выбраныя творы" (2000) і "Каб вы ведалі" (2005). Паводле аповесці "Споведзь" на кінастудыі "Беларусьфільм" зняты мастацкі фільм "Птушкі без гнёздаў" (рэжысёр Віталь Дудзін).З нагоды 100-годдзя з дня нараджэння Ларысы Геніюш 7 жніўня…

Чытаць цалкам

6 жніўня 2010

Google падлічыў кнігі ўсіх бібліятэкаў свету

Прааналізаваўшы дадзеныя з больш чым 150 розных крыніцаў, супрацоўнікі кніжнага праекту пашукавіка высветлілі, што ўсяго ў свеце налічваецца каля 130 мільёнаў кніг (дакладней, 129 864 880, як паведамляецца ў блогу праекту.Усяго Google прааналізаваў больш за мільярд бібліятэчных і каталогавых запісаў. У гэты лік увайшлі дадзеныя сістэмы ISBN, якая прысвойвае кнігам індывідуальныя нумары, а таксама найбуйнейшых бібліятэкаў, дзяржаўных каталогаў, каталога WorldCat і многіх іншых крыніцаў.Даследчыкі паведамілі, што падлік быў праведзены для патрэбаў праекту Book Search. Ён быў запушчаны ў 2004 годзе з мэтай перавесці ў лічбавы фармат кнігі з найбуйнейшых бібліятэкаў свету. У далейшым адсканаваныя кнігі будуць выкладацца ў вольным доступе на сайце Google.

Чытаць цалкам

5 жніўня 2010

Вялікі вечар маладой беларускай літаратуры ў Празе

Вечарына адбудзецца ў Празе – горадзе, дзе Геніюш, паводле яе словаў, прабавіла найшчаслівейшыя гады жыцця.З 7 па 10 жніўня 2010 у Празе пройдуць майстар-класы маладых беларускіх літаратараў – пераможцаў традыцыйнага конкурсу Беларускага ПЭН-Цэнтру. Сёлета ён быў прысвечаны адметнаму юбілею, які святкуюць прыхільнікі беларускай культуры па ўсім свеце. Паездка ў адзін з найпякнейшых гарадоў Еўропы стане ўзнагародай для 15 маладых літаратараў, якіх чакаюць экскурсіі, творчыя вандроўкі, сустрэчы з чэшскімі і беларускімі пісьменнікамі. Падчас свайго перабывання ў Празе творчы дэсант яскравых маладых аўтараў зладзіць вялікую літаратурную вечарыну, якая мае на мэце сведчыць: беларуская літаратура працягваецца ў ХХІ стагоддзі.Удзел возьмуць фіналісты і прызёры конкурсу імя Ларысы Геніюш: Ася Волкава, Антон Рудак, Сяргей Календа, Юлія Аляксеенка, Кацярына Макарэвіч, Юлія Качан, Алесь Емяльянаў, Кірыл Дубоўскі і іншыя. Пераможцы мінулагодняга конкурсу маладых літаратараў імені Карласа Шэрмана Уладзь…

Чытаць цалкам

4 жніўня 2010

Адшукалі ліст пра апошнія дні жыцця Роберта Бэрнса

Ліст быў адпраўлены працадаўцам Бэрнса свайму калегу. У апошнія гады жыцця асноўнай крыніцай прыбыткаў для паэта была праца зборшчыка падаткаў. За тыдзень да смерці Бэрнс сустрэўся з працадаўцам, каб атрымаць заработную плату.Аўтар ліста піша, што здароўе паэта прыкметна пахіснулася – ён выглядаў "схуднелым і скрайне стомленым". Аднак ён таксама падкрэслівае, што пачуццё гумару і дасціпнасць ўсё роўна не пакінулі Бэрнса. Акрамя таго, у лісце цытуюцца словы самога паэта: "Мне ўсяго 36, і толькі 10 з гэтых гадоў я маю зносіны са светам. Але, скажу я вам, гэтыя гады я не сядзеў без справы". Бэрнс, відаць, меў на ўвазе дзесяцігоддзе, якое прайшло з моманту выдання яго першай кнігі "Вершы" ў 1786 годзе. Праўда, паэту на момант напісання ліста было ўжо 37 гадоў.Роберт Бэрнс памёр 21 ліпеня 1796 году ў шатландскім горадзе Дамфрыс. Ён быў адным з перадвеснікаў рамантызму ў літаратуры і лічыцца галоўным нацыянальным паэтам Шатландыі. Дзякуючы перакладам Самуіла Маршака Роберт Бэрнс параўнальна папулярны…

Чытаць цалкам

№21: Знак прысутнасці

Змест