Навіны літаратуры

28 ліпеня 2010

Папа Бенедыкт XVI напісаў кнігу для дзяцей

Кніга "Ісусавы сябры" (Gli Amici di Gesù), выдадзеная ў італьянскім выдавецтве Piccola Casa Editrice, уключае фрагменты са штотыднёвых казаняў Бенедыкта XVI. Папа "бярэ нас за руку і ідзе побач пакуль мы дазнаемся, хто быў першымі Ісусавымі прыяцелямі, як яны з Ім пазнаёміліся, і як Ён захапіў іх настолькі, што яны ніколі больш Яго не пакінулі", - піша ў прадмове гішпанскі святара Юліян Карон (Julian Carron).48 старонак кнігі аздобіў малюнкамі італьянскі мастак Франка Віньяцыа (Franco Vignazia).На сёння кніга надрукаваная толькі на італьянскай мове, але чакаецца, што ўжо ў наступным годзе свет пабачыць гішпанская і ангельская версіі.

Чытаць цалкам

27 ліпеня 2010

Элтан Джон напіша мюзікл па “Ферме” Оруэла

Хол распавёў журналістам, што ўжо цалкам заглыбіўся ў працу над мюзіклам і піша песні для свіней і іншых жывёл. На яго думку, "Ферма" ідэальна падыходзіць для перанясення на сцэну, а оруэлаўскія выразы кшталту " Усе жывёлы роўныя. Але некаторыя жывёлы раўнейшыя за іншых" выдатна ўпісваюцца ў вершы для нумароў. Па словах Хола, на досведзе "Білі Эліёта" ён пераканаўся, што Элтан Джон любіць брацца за працу, калі тэксты ўжо амаль гатовыя. Праца над мюзіклам мусіць заняць каля двух гадоў.

Чытаць цалкам

27 ліпеня 2010

Дублін назвалі "Горадам літаратуры"

Міністр турызму, культуры і спорту Ірландыі Мэры Ханафін лічыць, што гэты тытул Дублін атрымаў цалкам заслужана, бо "ён мае багатае літаратурнае мінулае, сучасную літаратуру, якая энэргічна развіваецца, мноства фестываляў і турыстычных цікавостак", да таго ж менавіта тут "нарадзіліся і пісалі вялікія пісьменнікі". Спн. Ханафін мяркуе, што гэтая падзея прыцягне большую колькасць турыстаў у ірландскую сталіцу ды "павялічыць прывабнасць усяго вострава".паб з "Уліса" Джэймса ДжойсаВядома, што пры наданні звання "Горад літаратуры" ЮНЭСКА кіруецца шэрагам крытэраў, такіх як колькасць і якасць рэдакцыяў, выдавецтваў, бібліятэк, кнігарань і навучальных установаў. Улічваюцца літаратурныя фестывалі, імпрэзы і іншыя падобнага кшталту мерапрыемствы, што ладзяцца ў горадзе, а таксама "інтэграцыя літаратуры ў гарадское асяроддзе" і ўдзел у літаратурным жыцці СМІ.Дагэтуль тытул "Горад літаратуры" атрымалі Эдынбург (Шатландыя, 2004), Мельбурн (Аўстарлія, 2008) і Аёва-Сіты (ЗША, 2008).

Чытаць цалкам

27 ліпеня 2010

У Львове з'явіцца кнігарня імя Антоныча

Летась у жніўні споўнілася 100 гадоў з нараджэння Багдана-Ігара Антоныча. Юбілей шырока адзначаўся ва Украіне, але хіба што самай значнай падзеяй стаўся выхад поўнага збору твораў выбітнага паэта. Наведаць кнігарню можна будзе па адрасе вул. С. Бэндэры 33.

Чытаць цалкам

21 ліпеня 2010

Чытанне як альтэрнатыва вязніцы?

Амаль дваццацігадовая гісторыя праграмы паказвае: большасць злачынцаў, якія дакрануліся да прыгожага пісьменства, не ідуць на паўторнае парушэнне закону.Пачынальнікам праграмы “Мяняем жыцці праз літаратуру” (Changing Lives Through Literature (CLTL)) выступіў прафесар ангельскай мовы і літаратуры Роберт Ўокслер пры ўніверсітэце горада Мічыган. У якасці эксперыменту ён пераканаў свайго сябра суддзю Кейна запісаць 8 злачынцаў, якія перыядычна праходзілі праз рукі правасуддзя, на праграму чытання літаратуры пры ўніверсітэце. На дадзены момант такія праграмы працуюць у васьмі штатах ЗША, уключна з Тэхасам, Арызонай і Нью-Ёркам.Часцей за ўсё ўдзельнічаць у такіх праграмах прапануюць рэцыдывістам, вінным у даволі цяжкіх злачынствах: разбой, напад, наркотыкі. Групы з прыкладна 30 чалавек складаюцца з асобаў аднаго полу. Падчас заняткаў “чытачы” абмяркоўваюць класічныя літаратурныя творы (“Забіць перасмешніка”, “Пра мышэй і людзей”, “Стары і мора” і г.д.), але праграма часцей за ўсё складаецца з…

Чытаць цалкам

21 ліпеня 2010

Сірыйскі даследнік расшыфраваў фінікійскі гімн

Таблічку, што адносіцца да сярэдзіны другога тысячагоддзя да нашай эры, знайшлі сярод іншых у пачатку 1950-х гадоў на паўночным захадзе Сірыі, у мястэчку Рас Шамра. Калісьці тут быў адзін з самых старых гарадоў старажытнага свету – Угарыт, перыяд найвышэйшага росквіту якога прыпаў на сярэдзіну II тысячагоддзя да нашай эры. Ва Угарыце быў вынайдзены першы ў свеце алфавіт і, як лічаць сірыйскія навукоўцы, зарадзілася нотная грамата.За апошнія паўстагоддзя было зроблена нямала спробаў расшыфраваць угарыцкія нотныя запісы. Аднак Аджай стаў першым, каму ўдалося аднавіць мелодыю і тэкст песняў."Разам з іншымі даследчыкамі я змог расшыфраваць знакі і прайграць мелодыю і тэкст гімну", – сказаў ён. Ключом да поспеху, па словах Аджая, стала разуменне значэння лічбаў, запісаных на таблічцы паміж радкамі з нотнымі знакамі. Гэтыя лічбы, а таксама падрабязная інструкцыя для выканаўцы гімну і акампаніятара і ўказанні па настройцы ліры дазволілі сумясціць музычную мелодыю са словамі гімну. Узнагародай…

Чытаць цалкам

20 ліпеня 2010

У Швейцарыі адкрылі сейфы з рукапісамі Кафкі

Як піша The Independent, нямецкія літаратуразнаўцы ўжо пачалі вывучаць архіў, які, як лічыцца, уключае мноства неапублікаваных рукапісаў Кафкі, а таксама яго лісты, малюнкі і паштоўкі.Спецыялісты не выключаюць, што сярод папераў, напісаных больш за 80 гадоў таму, ёсць унікальныя рукапісы, са зместам якіх ніхто раней не знаёміўся. Як піша The Guardian, швейцарскія сейфы з паперамі Кафкі адкрылі па пастанове ізраільскага суда. Тыдзень таму ён таксама пастанавіў адкрыць банкаўскія ячэйкі ў Тэль-Авіве, дзе захоўвалася другая частка архіва пісьменніка. Паведамляецца таксама, што падчас адкрыцця архіва, што захоўваўся ў Цюрыху з 1956 году, прысутнічалі юрысты, прадстаўнікі Нямецкага літаратурнага архіва і Нацыянальнай бібліятэкі Ізраілю, а таксама сёстры Ева і Рут Хофэ (другую сястру ў СМІ часам называюць Руці Віслер), якія таксама прэтэндуюць на рукапісы Кафкі. Судовыя працэсы вакол архіва пісьменніка, які памёр у 1924 годзе, звязаныя з тым, што да гэтага часу незразумела, хто законны ўладальнік…

Чытаць цалкам

19 ліпеня 2010

Французскі кампазітар напіша оперу па п'есе Бэкета

Як піша французская Le Monde, Булез, лідэр пасляваеннага музычнага авангарду, даўно планаваў стварыць оперу, аднак выбар п'есы Бэкета за літаратурную аснову стаўся неспадзяванкай.Цікава, што дагэтуль 85-гадовы музыка неаднойчы дырыжаваў оперы, але сам як кампазітар у гэтым жанры не працаваў.

Чытаць цалкам

17 ліпеня 2010

“Вечар з Дзеясловам” у галерэі “Ў”

Месца ДЗЕяння:Галерэя “Ў” (г. Мінск, пр. Незалежнасці, 37А).Пачатак а 19-й.Уваход вольны.Імпрэза ладзіцца ў межах грамадска-культурніцкай кампаніі “Будзьма беларусамі!”Мадэратар сустрэчы – Анатоль Івашчанка.Кантакт: +375297782982; a_thomas@tut.byДЗЕйнічайце!

Чытаць цалкам

16 ліпеня 2010

Свята паэзіі і песні “Ракуцёўскае лета” пройдзе 25 жніўня

Добры настрой, пазітыўныя эмоцыі і незабыўныя ўражанні арганізатары гарантуюць.Філіял «Фальварак Ракуцёўшчына» знаходзіцца ў в. Ракуцёўшчына. Дабрацца можна электрычкай Мінск — Маладзечна, даехаўшы да станцыі Уша. Адпраўленне з Мінска: 8.29, 9.14, 10.01, 11.23.

Чытаць цалкам

№21: Знак прысутнасці

Змест