Навіны літаратуры

16 ліпеня 2010

У Расіі рыхтуецца першы wikiраман

Імя Натана Дубавіцкага стала вядома год таму, калі спецыяльным дадаткам да " Русского Пионера" выйшаў яго раман "Околоноля". Тады СМІ прыпісалі аўтарства рамана першаму намесніку кіраўніка адміністрацыі прэзідэнта РФ Уладзіславу Суркову. Сам Суркоў напісаў рэцэнзію на гэтую кнігу, у якой назваў яе найбуйнейшай літаратурнай містыфікацыяў. У сваёй рэцэнзіі першы намеснік кіраўніка адміністрацыі іранізаваў над спробамі журналістаў прыпісаць яму аўтарства рамана.Галоўны рэдактар часопіса “Русский Пионер” Андрэй Калеснікаў адзначыў, што з прапановай да чытачоў дапісаць раман аўтар сам звяртаецца ў прадмове да першай часткі новай кнігі, дасланай па электроннай пошце.“Вось я выкладаю ў РПіянеры пачатак рамана, усё, што мог пакуль зрабіць. Хай гэты тэкст будзе адкрытай платформай, на якой кожны ахвотны можа пабудаваць любы сюжэт”, - гаворыцца ў аўтарскай прадмове.Пры гэтым аўтар рамана адзначае, што пісьменнікі могуць адмовіцца ад зададзенай ў пачатку танальнасці, перацягнуць дзеянне ў іншыя наколькі…

Чытаць цалкам

13 ліпеня 2010

У Польшчы выйдзе комікс пра Шапэна

Кніжка "Шапэн на вяселлі ў Жыхліне, альбо Прыгоды Фрыдэрыка ў немінорнай танальнасці" (Chopin na weselu w Żychlinie, czyli Fryderyka przygody na mniej poważną nutę) будзе адрасаваная перадусім школьнікам і раскажа пра адзін з эпізодаў жыцця славутага кампазітара, калі той наведаў радзіму і трапіў на вяселле Меланіі Браноўскай з Віктарам Адамам Курнатоўскім у Жыхліне, горадзе ў цэнтры Польшчы.Выхад комікса прымеркаваны да 200-годдзя выбітнага кампазітара. Аўтары – мастак Павел Кэндзерскі з Гданьску і Шыман Адамус, які цяпер жыве ў Познані.

Чытаць цалкам

13 ліпеня 2010

У продаж паступіць калекцыя абутку ад Эрнэста Хэмінгуэя

Па словах 82-гадовага Патрыка Хэмінгуэя, асноўная вартасць абутку, названага ў гонар яго знакамітага бацькі, заключаецца ў тым, што яго можна насіць без шкарпэтак. Сын пісьменніка падкрэсліў, што Эрнэст Хэмінгуэй літаральна ненавідзеў хадзіць у шкарпэтках. Вытворчасць абутку імя Хэмінгуэя, якой займаецца кампанія Schnees, знаходзіцца ў Сальвадоры. Для пашыву чаравікаў выкарыстоўваюць скуру бізонаў і быкоў. Рознічная цана адной пары такога абутку складзе ад 150 да 235 даляраў. Усяго на продаж будуць выстаўленыя тры калекцыі абутку, названага ў гонар лаўрэата Нобелеўскай прэміі, – спартыўная, рыбацкая і "літаратурная" (у чым адметнасць "літаратурнай" калекцыі, не ўдакладняецца). Патрык Хэмінгуэй – другое дзіця пісьменніка і яго першы сын ад другой жонкі Палін Пфайфер. Патрык доўгі час жыў у Танзаніі, дзе паляваў на буйных жывёлаў, а таксама займаўся арганізацыяй сафары для турыстаў. На дадзены момант ён на пенсіі.

Чытаць цалкам

12 ліпеня 2010

Папяровыя кнігі чытаць хутчэй за электронныя

Дослед быў праведзены Якабам Нільсэнам, спецыялістам па юзабіліці дацкай кампаніі Nielsen Norman Group, паведамляе партал TG Daily. 24-м добраахвотнікам было прапанавана прачытаць невялікі аповед Эрнэста Хэмінгуэя ў друкаванай кнізе і на экранах трох прыстасаванняў – персанальнага кампутара, рыдэра Kindle 2 і планшэтніка iPad. Затым Нільсэн параўнаў час, які спатрэбіўся "паддоследным", каб адолець пастаўленую задачу.Высветлілася, што хутчэй за ўсё тэкст успрымаўся пры выкарыстанні традыцыйнага носьбіта, то бок кнігі. Чытанне з экрану iPad павальнейшае ў сярэднім на 6,2%, з рыдэру Kindle – на 10,7%, а на прачытанне з экрану кампутара спатрэбілася найбольш часу. Зрэшты, па словах Нільсэна, розніца паміж паказчыкамі iPad і Kindle наўрад ці можа стацца вырашальным фактарам пры куплі, а вось ПК, на ягоную думку, устойліва асацыюецца з працай, таму сур'ёзнай канкурэнцыі адмысловым прыладам для чытання не складае.Нільсэн таксама папрасіў удзельнікаў доследу ацаніць кожны з носьбітаў, якім ім давялося…

Чытаць цалкам

11 ліпеня 2010

Абвешчаны літаратурны конкурс да 80-х угодкаў Караткевіча

Паводле старшыні філіі Людмілы Сіманёнак, галоўных, вызначальных умоваў усяго дзве: на конкурс прымаюцца творы памерам да 10 друкаваных старонак, і аўтарам мусіць быць менш за 35 гадоў. Дасылаць літаратурныя працы можна на адрас nashkonkurs2010@gmail.com не пазней за 1 лістапада.Творы празаікаў зусім не абавязкова мусяць належаць да жанру гістарычнай прозы, у галіне якой імя Уладзіміра Караткевіча найбольш шырока вядомае. І вершы маладых паэтаў таксама не мусяць быць наследаваннем ягонай паэтычнай традыцыі. Арганізатары кажуць, што гатовыя вітаць творцаў, якія пішуць на любыя тэмы, а пераможцаў чакае вандроўка па караткевічаўскіх мясцінах — у Оршу, на малую радзіму пісьменніка.Уладзімір Караткевіч нарадзіўся ў Оршы 26 лістапада 1930 году. Цяпер у будынку, дзе калісьці была радзільня і дзе прыйшоў на свет знакаміты пісьменнік, якраз і месціцца мемарыяльны музей Караткевіча.

Чытаць цалкам

11 ліпеня 2010

Назвалі пераможцу галоўнай нямецкай літаратурнай узнагароды

57-гадовы пісьменнік, што з адзінаццаці гадоў жыў ва Усходняй Германіі, якая ў той час была пад уладай камуністаў, атрымае 40 000 еўра як уладальнік узнагароды, якую цягам ХХ стагоддзя атрымлівалі такія значныя літаратурныя фігуры, як Інгеборг Бахман і Генрых Бёль.У суправаджальным слове да прэміі Нямецкая акадэмія мовы і літаратуры паведамляе, што раманы Іргля знайшлі прызнанне праз “эпічную шырыню і ўважлівае адлюстраванне неадступнай, а часам трывожна-сугестыўнай панарамы нямецкай гісторыі ХХ стагоддзя”.Таксама ў слове гаворыцца, што раманы Іргля прапануюць “штодзённую перспектыву” вялікіх зменаў у пасляваеннай Германіі і прымушаюць “галасы забытых і пахаваных” загучаць ізноў, асабліва яскрава гэта праяўляецца ў двух галоўных творах Райнхарда Іргля – "Die Unvollendeten" (“Няскончаныя”) і "Die Stille" (“Цішыня”). Уручэнне прэміі імя Георга Бюхнера адбудзецца ў кастрычніку ў Дармштаце, дзе і знаходзіцца Нямецкая акадэмія мовы і літаратуры.

Чытаць цалкам

8 ліпеня 2010

Выйшла беспрэцэдэнтная кніга пра Вільню "VILNIUS: miesto portretas"

Cярод аўтараў тэкстаў адным з першых змешаны верш Максіма Багдановіча па-беларуску: Вулкі Вільні зіяюць і гулка грымяць! Вір людзкі скрозь заліў паясы тротуароў... Усе тэксты ўсіх аўтараў, пачынаючы ад ліста Гедыміна, прадстаўленыя на мовах арыгіналаў: па-беларуску, па-польску, па-расейску, на ідыш. А затым - у перакладах. Сама кніга выйшла двума паралельнымі накладамі - літоўскім і ангельскім. У кнізе прадстаўленыя самыя розныя дакументы, мастацкія тэксты і фатаздымкі XIX-XXI стагоддзяў, прысвечаныя любаму месту розных народаў - Вільні. Сярод славутых фатографаў ячшэ з ХІХ стагоддзя тут ёсць Язэп Чаховіч, які здымаў яшчэ паўстанцаў Каліноўскага, з пачатку ХХ - шмат здымкаў Яна Булгака, літоўскія класікі Вітаўтас Аўгусцінас, Арунас Бальцэнас, Рымантас Дзіхавічус. Перад намі паўстае ўражлівая панарама ў прасторы і часе: сады і праспекты, храмы і хаты. Шыкоўны альбом фатаграфіяў укладзены па асобных кварталах, здымкі сгрупаваны паводле эстэтычнай логікі. Апроч таго ў кнізе змешчаныя эсэ пра…

Чытаць цалкам

6 ліпеня 2010

Новы раман Умбэрта Эка

Дзеянне раману адбываецца ў Еўропе дзевятнаццатага стагоддзя, на 500 старонках чытач сустрэнецца са шпіёнамі, хлуслівымі цынікамі, змовамі, каралямі і рэвалюцыянерамі."Раман апавядае пра самыя таемныя і неверагодныя палітычныя перыпетыі таго часу, якія праліваюць святло на неспакойны час, у якім мы жывем цяпер", – піша El Pais.Чаканая кніга будзе шостым раманам Умбэрта Эка, апошні – "Таемнае полымя царыцы Лааны" – пабачыў свет шэсць гадоў таму. Да гэтага публікаваліся "Імя ружы" (1980), "Ківач Фуко" (1998), "Востраў напярэдадні" (1994) і "Баўдаліна" (2000).

Чытаць цалкам

6 ліпеня 2010

Пабачыла свет новая кніга паэзіі Генадзя Бураўкіна

Як паведаміў БелаПАН дырэктар выдавецтва Генадзь Вінярскі, кнігу "Лісты да запатрабавання" склалі паэмы "Узнясенне" і "Развітанне", прысвечаныя Францішку Багушэвічу і Якубу Коласу, а таксама лірычныя вершы. Кніга выйшла накладам у 1 тыс. асобнікаў у аздабленні вядомага беларускага графіка Паўла Татарнікава. Генадзь Бураўкін нарадзіўся 28 жніўня 1936 у вёсцы Традовічы Расонскага раёну Віцебскай вобласці. Пасля заканчэння Беларускага дзяржуніверсітэта працаваў у друкаваных СМІ і на Беларускім радыё, галоўным рэдактарам часопіса "Маладосць", старшынём Дзяржаўнага камітэта БССР па тэлебачанні і радыёвяшчанні, пастаянным прадстаўніком Беларусі пры ААН, абіраўся дэпутатам Вярхоўнага Савета БССР. Аўтар шэрагу кніг паэзіі, у якой спалучаюцца грамадзянскі запал і лірычнае перажыванне. Бураўкін таксама выступае як кінадраматург, перакладчык, публіцыст і крытык.

Чытаць цалкам

6 ліпеня 2010

Кніжнай сталіцай свету ў 2012 годзе стане Ерэван

Сёлетняя кніжная сталіца – славенская Любляна. Наступным годам ганаровы тытул пяройдзе да Буэнас-Айрэса, а ў 2012 годзе – да Ерэвана.Традыцыйна тытул Кніжнай сталіцы свету горад носіць з 23 красавіка, Сусветнага дня кнігі, абвешчанага ЮНЭСКА, да 22 красавіка наступнага году.Генеральны сакратар Міжнароднай асацыяцыі выдаўцоў Джэнс Бамэл наступным чынам выказаўся пра такі выбар: “Ерэван распрацаваў выдатную праграму, звернутую ў першую чаргу на свабоду слова, выяўлення, а таксама на мерапрыемствы для дзяцей, заўтрашніх чытачоў, пісьменнікаў і выдаўцоў. Мы ў вялікай ступені спадзяемся на супрацоўніцтва з армянскімі арганізатарамі свята, асабліва з мясцовымі выдаўцамі, каб найлепшым чынам паспрыяць ператварэнню Ерэвана ў Сусветную сталіцу кнігі ў 2012 годзе”.Ерэван стане ўжо 12-й кніжнай сталіцай пасля Мадрыда (2001), Александрыі (2002), Нью Дэлі (2003), Антвэрпена (2004), Манрэаля (2005), Турына (2006), Баготы (2007), Амстэрдама (2008), Бейрута…

Чытаць цалкам

№21: Знак прысутнасці

Змест