Навіны літаратуры

4 сакавіка 2010

Назвалі найлепшую кнігу-падарунак

Прадказаць пераможцу было няцяжка: на першым месцы – цыкл Джоан Роўлінг пра Гары Потэра. Патэрыяне саступіў нават «Код да Вінчы» Дэна Браўна. «Змярканне» ідзе толькі на пятым месцы.Апытанне было прымеркаванае да Сусветнага дня кнігі (23 красавіка), у ім удзельнічала больш за тысячу чалавек ва ўзросце ад 16 да 64 гадоў. Тры чвэрці рэспандэнтаў хаця б аднойчы на працягу апошняга года абіралі ў падарунак кнігу.У топ-10 трапіла шмат нон-фікшн, уключна са справаздачай камісіі па расследаванні тэрактаў 11 верасня. У рэйтынгу таксама мемуары Абамы і бестсэлер галоўнага атэіста планеты Рычарда Докінза. Пры гэтым Бібліі ў спісе не аказалася.Лепшыя кнігі-падарункі для моладзі: 1. Цыкл «Гары Потэр» - Джоан Роўлінг; 2. «Код да Вінчы» - Дэн Браўн; 3. «Чаму ў пінгвінаў не мерзнуць лапы? І яшчэ 114 пытанняў, якія паставяць у тупік любога вучонага »- часопіс New Scientist;4. «Кароткая гісторыя амаль ўсяго на свеце» - Біл Брайсан;5. Цыкл «Змярканне» - Стэфані Маер;6. «Даганяючы вецер» - Халед Хасэйні;7.…

Чытаць цалкам

4 сакавіка 2010

Лявон Вольскі запісаў альбом на вершы беларускіх класікаў

На дыску будзе 12 песень, напісаных на вершы розных класікаў XIX-XX стагоддзяў: ад Яна Чачота, Адама Міцкевіча, Францішка Багушэвіча праз Максіма Багдановіча, Янку Купалу, Якуба Коласа да Максіма Танка, Пімена Панчанкі і Рыгора Барадуліна. «Ідэя альбому нарадзілася гадоў сем таму, — распавядае Лявон Вольскі. — Неяк амаль выпадкова мне патрапіў у рукі зборнік вершаў Багушэвіча. Я пачытаў і зразумеў — гэта ж сапраўдны гангста-рэп! І вось тады быў зроблены першы дэма-запіс песні на яго верш «Немец». Але потым неяк усё часу не было зрабіць гэты праект». Час знайшоўся ў 2009 годзе, калі «N.R.M.» і «Крамбамбуля» разыйшліся на творчыя вакацыі. У межах альбому «Белая яблыня грому» вершы патрапілі ў рознабаковы музычны кантэкст — ад року і блюзу да рэпу і хэві-мэталу. Лявон Вольскі спадзяецца, што гэты праект дапаможа сучаснай публіцы наноў адкрыць для сябе творы ўсім вядомых паэтаў. «На жаль, школьная адукацыя часцей за ўсё адбівае цікавасць да літаратуры і паэзіі. Нават у мяне так было, нягледзячы…

Чытаць цалкам

4 сакавіка 2010

Конкурс маладых літаратараў імя Ларысы Геніюш

Да ўдзелу запрашаюцца творцы ад 15 да 26 гадоў (на момант абвяшчэння конкурсу). Лаўрэаты конкурсу будуць запрошаныя на літаратурны семінар і майстар-класы ў Мінск, дзе змогуць прадставіць і абмеркаваць свае творы з вядомымі пісьменнікамі, выкладчыкамі, навукоўцамі.Да разгляду журы прымаюцца вершы, кароткая проза, эсэістыка, пераклады. Творы мусяць быць дасланыя (паводле даты на паштовым штэмпэлі або даты адпраўкі электроннага ліста) не пазней за 10 красавіка 2010 г. Падвядзенне вынікаў адбудзецца 20 красавіка.Творы можна дасылаць на адрас: e-mail: pen@vessobel.by (з пазнакай “Літаратурны конкурс”).Паштовы адрас: 220050, а/с 218, Мінск, РГА “Беларускі ПЭН-цэнтр”.Даведкі праз электронную пошту ці тэлефон (017) 284-73-29.

Чытаць цалкам

4 сакавіка 2010

“Сьвятая праўда” ў Мінску

Сярод выступоўцаў: Павел Анціпаў, Віталь Рыжкоў, Анка Упала, Марыйка Мартысевіч, Андрэй Хадановіч, Інна Заікіна, Ганна Янкута, Кацярына Зыкава, Дар’я Вашкевіч (спіс увесь час папаўняецца).Пачатак у 19.00.Уваход: 5 тыс. ці 10 тыс. (кніга ў падарунак).Увага! Маркетынгавая акцыя: першыя 10 білетаў па 9 тыс. (вядома ж, з кніжкай).

Чытаць цалкам

4 сакавіка 2010

Пісьменнік атрымаў прэмію за раман з аднаго радка

Цырымонія ўганаравання так званай “Нобелеўскай прэміяй «Бука»” прайшла ў Екацярынбургу ў сераду, 3 сакавіка. Блінаў атрымаў прэмію за “самы арыгінальны ў 2009 годзе твор, што развівае прынцыпы мінімалізму ў літаратуры Расіі”. Разам з прызнаннем арыгінальнасці яго рамана Блінаў атрымаў спецыяльны медаль і дыплом.У рамане, напісаным Уладзімірам Блінавым, прысутнічае ўсяго адзін выраз: “Не надо! Я сама”. Акрамя гэтага выразу, у кнізе ўтрымліваюцца ілюстрацыі, а таксама артыкул літаратурнага крытыка Канстанціна Камарова.Колькі часу спатрэбілася Блінаву, каб напісаць гэты раман, а таксама іншыя падрабязнасці працы над творам, не паведамляюцца.“Нобелеўская прэмія «Бука»” была заснаваная арт-рухам “Старик Букашкин”, які, у сваю чаргу, з’явіўся пасля смерці выдомага екацярынбуржскага мастака і пісьменніка Яўгенія Малахіна. Пакуль прэмія ўручаецца толькі у галіне літаратуры, аднак у будчым арганізатары абяцаюць не пакідаць без увагі і іншыя накірункі мастацтва.

Чытаць цалкам

3 сакавіка 2010

“Арабскім Букерам” уганаравалі сатырычны раман пра жыццё эліты Саудаўскай Аравіі

Дзеянне рамана, назва якога ўтрымлівае алюзію на пекла ў Каране, адбываецца ў горадзе Джыда, дзе ў сапраўднасці жыве пісьменнік. Твор выяўляе спакушальную сілу палаца і тых, хто зрабіўся яго марыянеткамі, а таксама апавядае “гісторыю канання тых, хто стаў яго закладнікамі, паддаўшыся яго прыцягальнай прыгажосці”, гаворыцца ў тлумачальным лісце арганізатараў прэміі, таксама вядомай як “Арабскі Букер”. Абдэль Халь, які вывучаў паліталогію ў Джыдзе, перш чым стаць пісьменнікам ў 1980 годзе, падзяліўся з мясцовымі журналістамі сваімі ўражаннямі і выказаўся, што гэта прэмія для яго "нібыта медаль на грудзі". "І хоць я быў абраны ў лік фіналістаў, я не спадзяваўся, што перамагу", кажа аўтар, чые кнігі не прадаюцца ў Саудаўскай Аравіі. У 2004 годзе аўтар сцвярджаў, гэта звязана з тым, што ў сваіх творах ён “звяртаецца да трох свяшчэнных табу ў арабскім свеце: секс, палітыка і рэлігія". У той жа час Халь абараняў гэтыя тэмы, кажучы, што “з такіх рэчаў і складаецца чалавечае жыццё". Халь быў абвешчаны…

Чытаць цалкам

3 сакавіка 2010

Прысудзілі Ганкураўскую прэмію

Назва рамана "HHhH" расшыфроўваецца як "Мозг Гімлера завецца Гайдрыхам" (Himmlers Hirn heisst Heydrich). Раман апаавядае гісторыю шэфа Гестапа і стваральніка СД Рэйнхарда Гайдрыха, і, ў першую чаргу, асвятляе аперацыю "Антрапоід" па яго знішчэнні ў 1942 годзе. Гайдрыха называлі "мясніком Прагі", "катам" і "чалавекам з жалезным сэрцам". Ён быў адказны за "канчатковае вырашэнне габрэйскага пытання". Гітлер жа вельмі цаніў Гайдрыха за яго арыйскую знешнасць, жорсткасць і паталагічную нянавісць да габрэйскага народу.Трыццацісямігадовы прафесар французскай мовы Ларан Бінэ ў сваім рамане зацікавіўся Гайдрыхам, калі праходзіў ваенную службу ў Славакіі. У 1942 годзе два маладыя чэшскія парашутысты Ёзэф Габчык і Ян Кубіш, дзейнічаючы па загадзе чехаславацкага ўрада, які знаходзіўся ў гэты час у выгнанні ў Лондане, змаглі смяротна параніць Гайдрыха, кінуўшы ў яго бомбу. Знішчэнне Гайдрыха каштавала ім жыцця. Бінэ дазваляе чытачу параўнаць жыццё і памкненні маладых патрыётаў і нацысцкага злачынцы,…

Чытаць цалкам

3 сакавіка 2010

"Дзеяслоў" распачаў галасаванне за найлепшую публікацыю ў 2009 годзе

Гэтым разам у інтэрнэт-галасаванцы могуць удзельнічаць не толькі зарэгістраваныя ўдзельнікі сацыяльнай сеткі livejournal.com, а ўсе без абмежавання карыстальнікі інтэрнэту. Прэмія “Залаты апостраф” была заснаваная ў 2003 годзе і ўручаецца за публікацыі ў часопісе “Дзеяслоў” у трох намінацыях: “Проза”, “Паэзія”, “Дэбют”. У розныя гады лаўрэатамі прэміі станавіліся Усевалад Сцебурака, Глеб Лабадзенка, Леанід Дранько-Майсюк, Андрэй Хадановіч, Уладзімір Някляеў, Віталь Рыжкоў і іншыя беларускія літаратары. Азнаёміцца з тэкстамі, а таксама прагаласаваць за ўлюбёную публікацыю можна ў жж-суполцы часопіса.

Чытаць цалкам

3 сакавіка 2010

Дзіцячая кніга расійскамоўнай беларускі выйшла па-ўкраінску

«Нашае выдавецтва цэніць у тэкстах для юнацтва лёгкую манеру, датрыманы стыль, дынамічны сюжэт і магчымасць суперажываць апаведзенаму. Усё гэта ў кнізе Мядзведзевай «Шкляны, алавянны, драўляны» ёсць», — кажа Ўладзімір Брыскін, кіраўнік вініцкага выдавецтва «Тэза», якое спецыялізуецца на выданні фантастычнай і дзіцячай літаратуры па-ўкраінску. «Шкляны, алавянны, драўляны» — казка для падлеткаў і дарослых з элементамі фэнтэзі для падлеткаў і дарослых пра прыгоды прынцэсы Янтарыны. Акрамя яе ў кнігу ўвайшлі аповесць і колькі апавяданняў беларускай пісьменніцы. Міжнародны конкурс рукапісаў «Дзіцячы партал» праводзіцца ва Ўкраіне штогод. Конкурс асацыяваны з асамблеяй фантастыкі ў Кіеве «Партал». Конкурс прымаў тэксты на любых мовах, зразумелых журы: украінскай, беларускай, ангельскай, польскай і расійскай. Мядзведзева даслала свой рукапіс у катэгорыю «13+» (кнігі для падлеткаў) і ў 2007 перамагла, заслужыўшы пры гэтым права выдаць уласную кнігу. Кніга выйшла нядаўна, і пакуль што зарана казаць…

Чытаць цалкам

3 сакавіка 2010

Кнігу пра Хірасіму знялі з друку

Сумненні ў выдавецтва ўзніклі ў студзені, калі высветлілася, што адзін з дзейных персанажаў, які дапамагаў Пелегрына аднавіць карціну бамбардзіроўкі, Ёзэф Фуока, борт-інжынер аднаго з двух самалётаў, якія суправаджалі бамбавік да Хірасімы, быў самазванцам. Пасля яго смерці ў 2008 г. ва ўзросце 84 гадоў Фуока быў дыскрэдытаваны сям'ёй гэтага інжынера, гісторыкамі, навукоўцамі і яго баявымі таварышамі. Тады аўтар "Апошняга цягніка з Хірасімы" прызнаў сваю памылку, паабяцаўшы выправіць тэкст кнігі ў наступных выданнях. Пасля гэтага інцыдэнту ў кіраўніка выдавецтва сталі узнікаць усё новыя і новыя пытанні, на якія ён не мог атрымаць ад Пелегрына ўцямных адказаў. Па словах прадстаўніка выдавецтва Ніколь Дзюэль (Nicole Dewey), супрацоўнікі, якія займаліся публікацыяй кнігі, сталі цікавіцца, ці існуюць насамрэч два святары - айцец МакКвіці і айцец Маціас, чые словы прыводзяцца на старонках выдання, таксама ў іх з'явіліся сумненні з нагоды сапраўднасці яго доктарскага звання. Згодна афіцыйнай заяве…

Чытаць цалкам

№21: Знак прысутнасці

Змест