Навіны літаратуры

20 студзеня 2010

Нельга знесці з сабой краіну…

Нядаўна ў Полацку быў вынесы прысуд у дачыненні да 22-гадовага маладога чалавека, што скраў падарункавае выданне фотаальбома “Белавежскае дзіва” з кнігарні. Злодзея заўважылі і нават паспрабавалі затрымаць, але аматар Белавежскай пушчы вырашыў: лепш уступіць у кароткую бойку з гандляром, чым аддаць кнігу. Проста з кнігарні хлопец накіраваўся на рынак, дзе прадаў выданне за 15 тысяч рублёў. Дакладней, ледзь не падараваў, калі ўлічыць той факт, што ў інтэрнэт-каталогах фотаальбом каштуе каля 120 тысяч.Суд вырак злодзея на адзін год абмежавання волі. У якасці памякчальнай акалічнасці было ўлічанае поўнае пакрыццё стратаў і раскаянне ва ўчынку. Сам фотаальбом, які крыху страціў таварны выгляд, але не сваё пазнавальнае значэнне, вярнулі асуджанаму. Як напамін пра тое, што краявідамі пушчы ўсё ж лепш насалоджвацца на волі.

Чытаць цалкам

20 студзеня 2010

Лаўрэатам галоўнай паэтычнай прэміі Вялікабрытаніі стаў Філіп Грос

На радзіме Грос – адметны паэт, але імя яго не вядомае шырока. І ўсё ж перад такімі значнымі асобамі ў сучаснай брытанскай паэзіі, як Эліс Освальд (Alice Oswald), Шэран Олдс (Sharon Olds) і Крыстафер Рэйд (Christopher Reid), журы аддало перавагу яму. “The Water Table” – зборнік, што адначасова ахоплівае тэмы метафізічныя, палітычныя і рэлігійныя, але ў самым сэрцы яго – тэма вады. У кнізе паэт раскрывае праблемы навадненняў, змены клімату, экалогіі, крохкасці месца чалавецтва на планеце і сутнасці мастацтва.Паэт Сайман Эрмітыдж (Simon Armitage), што сёлета ўзначальваў журы, заявіў, што конкурс атрымаўся даволі моцным. Суддзі адбіралі лаўрэатаў са спісу ў 98 аўтараў, якія для шорт-ліста быў скарочаны да 10.Прэмія Эліята была заснаваная ў 1993 годзе на скродкі Валеры Эліят, удавы Т. С. Эліята. Летась пераможцай стала Джэн Хітфілд за зборнік “Nigh-No-Place”. Грашовая частка прэміі складае 15 тысяч фунтаў стэрлінгаў ($24,6 тысячы), што і робіць…

Чытаць цалкам

20 студзеня 2010

Памёр Эрык Сігал, аўтар знакамітай “Гісторыі кахання”

Па словах яго 29-гадовай дачкі Франчэскі (Francesca Segal), пісьменнік, што цягам 25 гадоў пакутаваў на хваробу Паркінсона, сканаў у нядзелю ў сваім доме ў Лондане, яго пахаванне прайшло ў аўторак.У 1967 годзе Эрык Сігал напісаў сцэнар да культавага мультыплікацыйнага фільма “Жоўтая падводная лодка” на аднайменную песню легендарнага брытанскага рок-гурта “The Beatles”. У 1970 годзе выйшаў яго самы знакаміты твор – аповесць “Гісторыя кахання”, што стаў бестсэлерам і разышоўся тыражом у 30 мільёнаў экзэмпляраў. У тым жа годзе паводле раману быў зняты аднайменны фільм, які намінаваўся на прэмію “Оскар” адразу ў сямі намінацыях, у тым ліку за найлепшы сцэнар. У выніку кінастужка атрымала адзін “Оскар” за музыку да фільма."Гісторыя кахання" ў перакладзе Алеся Асташонка выходзіла і па-беларуску. Прачытаць яе ў інтэрнэце можна тут.

Чытаць цалкам

19 студзеня 2010

Выйшла новая кніга Рыгора Барадуліна

, былога амерыканскага дыпламата. Фотамайстэрства і філасофія, кароткія выказванні вобразаў у тэксце і іх мастацкае адлюстраванне ў здымках ствараюць малюнак шматграннага роздуму над адвечнымі пытаннямі жыцця.Народны паэт Рыгор Барадулін не здолеў прысутнічаць на вечарыне па стане здароўя. Падрабязней пра кнігу распавёў яе ўкладальнік і рэдактар, Алесь Камоцкі:– Гэта кніжка, якую трэба гартаць. Для зручнасці ў ёй няма нумарацыі старонак. Калі сёння нейкае выслоўе не выклікае эмоцыяў, то заўтра абавязкова выкліча. Не кожны афарызм змяшчае гучную філасофію, некаторыя з іх асацыятыўныя, некаторыя выдзяляюць толькі адну эмоцыю, як усё ў жыцці.Здымкі Джона Кунстадтэра — праваднікі па абшарах мудрасці, запаветаў, разваг і думак Барадуліна. Крыжы і буслянкі, бабулькі-сялянкі, вясковае жыццё беларускай вёскі, што адкрывае вачам чытачоў сутнасць і глыбіню беларускай культуры і прыроднай прыгажосці.Джон Кунстадтэр працаваў у амерыканскай дыпламатычнай службе, у тым ліку і ў Беларусі ў якасці намесніка…

Чытаць цалкам

18 студзеня 2010

“Дон Кіхота” Сервантэса надрукуюць у Twitter

Па словах аўтара ідэі, вэб-дызайнера з Віга Пабла Лопэса, твор гішпанскага пісьменніка будзе надрукаваны па пэўных правілах. Для праекту быў створаны спецыяльны сайт – twijote , і кожны наведнік гэтага сайта зможа надрукаваць толькі адно паведамленне.Такім чынам, на друк першай часткі прыгодаў Дон Кіхота і Санча Пансы спатрэбіцца каля году. Ідэя праекту, па словах Лопэса, складаецца ў тым, каб “паказаць, што сацыяльныя сеткі не толькі для батанікаў і псіхаў, што ў іх таксама можа існаваць культура”. Сачыць за друкам “Дон Кіхота” можна тут: #twijote. Раздзелы з "Дон Кіхота" ў перакладзе Якуба Лапаткі можна прачытаць на нашым сайце.

Чытаць цалкам

13 студзеня 2010

Вальжына Морт атрымала прэстыжную амерыканскую прэмію

Літаратурныя прэміі Фундацыі Лэннэна (Lannan Literary Awards) — серыя ўзнагарод і стыпендый, заснаваная ў 1989 годзе, якой штогод уганароўваюцца як вядомыя, гэтак і маладыя “аўтары надзвычайных літаратурных якасцяў, якія зрабілі значны ўнёсак у ангельскамоўную літаратуру і выяўляюць патэнцыял для далейшай яскравай працы”.Прэмія лічацца адной з самых фінансава прывабных у свеце. Гэтак, за апошнія 20 год узнагароды Фундацыі Лэннэна атрымалі 173 чалавекі, а агульная сума прэмій склала 13 млн даляраў. Напрыклад, у 2006 годзе памер прэмій ў галіне паэзіі, мастацкай і дакументальнай літаратуры склаў па $150 тысяч кожная.Характэрна, што фонд не прымае заяваў на ўзнагароды або стыпендыі. Кандыдаты вулучаюцца ананімна “сеткай пісьменнікаў, літаратуразнаўцаў, выдаўцоў і рэдактараў ", пасля чаго літаратурны камітэт фундацыі прымае канчатковае рашэнне.Апроч Морт лаўрэаткай літаратурнай стыпендыі Фундацыі Лэннана за 2009 год стала 50-гадовая амерыканская паэтка Сара Ліндсэй.Вальжына Морт (Мартынава)…

Чытаць цалкам

12 студзеня 2010

За Гертай Мюлер шпіёніў пісьменнік

Пра гэта паведамляецца ў выпуску перадачы Report Mainz, нямецкага палітычнага тэлечасопіса кампаніі ARD за 11 студзеня. Журналісцкі доказ пацвярджаецца дакументамі і паказаннямі сведкаў.Паводле дадзеных журналістаў, Шляйх паведаміў секурытатэ – румынскай палітычнай паліцыі, – што ў першай кнізе Мюлер Niederungen (“Нізіны”, першае цэнзураванае выданне – 1982) праявіліся “антыдзяржаўныя настроі” аўтара. Затым у 1980-х гадах Шляйх шпіёніў за Мюлер для секурытатэ, карыстаючыся пры гэтым таемным іменем Войку (Voicu). Сама Мюлер пацвердзіла, што Войку і Шляйх – гэта адна асоба.Журналістам таксама стала вядома, што нават пасля эміграцыі Шляйха ў Заходнюю Германію ён працягваў супрацоўнічаць з секурытатэ і на некаторы час вяртаўся ў Румынію, дзе зноўку даносіў спецслужбам. Пры гэтым былы сексот заявіў Report Mainz, што быў ахвярай рэжыму Чаўшэску, і адмовіўся адказваць на абвінавачанні.Герта Мюлер піша па-нямецку. У 1987 годзе…

Чытаць цалкам

10 студзеня 2010

Памёр казачнік Сяргей Казлоў

Прычынай яго смерці стала запаленне лёгкіх.Сяргей Казлоў нарадзіўся 22 жніўня 1939 года ў Маскве. Скончыў Літаратурны інстытут імя М. Горкага.З 1960-х гадоў ён пісаў казкі, многія з якіх леглі ў аснову самых папулярных савецкіх мультфільмаў. Сярод іх “Осенняя рыбалка” (1968), “Страшный, серый, лохматый” (1971), “Как Львенок и Черепаха пели песню” (1974), “Как Ежик и Медвежонок встречали Новый год” (1975), “Трям! Здравствуй!” (1980), “Поросенок в колючей шубке” (1981), “Зимняя сказка” (1981).“Ежик в тумане” (1975), зняты Юрыем Нарштэйнам па сцэнару Сяргея Казлова, у 2003 годзе быў прызнаны найлепшым мультфільмам усіх часоў і народаў па выніках апытання 140 кінакрытыкаў і мультыплікатараў з розных краінаў.Акрамя таго, Сяргей Казлоў быў аўтарам многіх празаічных і паэтычных кнігаў, а таксама перакладаў і пераказаў фальклору народаў СССР.

Чытаць цалкам

8 студзеня 2010

Абвешчаны лаўрэат найстарэйшай прэміі Гішпаніі

Раман апавядае гісторыю двух мужчынаў за восемдзесят, былога нацыста, што жыве на ўсходнім узбярэжжы Гішпаніі, і былога палонніка канцлагера Маўтхаўзэн, які жыве ў Аргентыне і ўсё жыццё прысвяціў высочванню жывых дагэтуль нацыстаў.Па кнізе маладая цяжарная жанчына паступова пачынае здагадвацца, кім насамрэч ёсць яе сусед, былы нацыст, і якую ролю ён адыграў у канцэнтратыйным лагеры ў Аўстрыі.Грашовы эквівалент прэміі, заснаванай яшчэ ў 1944 годзе, складае 18 тысяч еўра. У розныя гады яе пераможцамі былі Мігель Дэлібэс, Кармэн Лафарэт, Рафаэль Санчэс Ферлосіа, Кармэн Мартын Гайтэ і Хуан Хасэ Мільяс.

Чытаць цалкам

5 студзеня 2010

Колэм Тайбін -- галоўны прэтэндэнт на Брытанскую прэмію Коста 2009

Кнігу “Brooklyn”, што апавядае гісторыю маладой ірландкі, якая ў 1950 годзе эмігруе з Ірландыі 1950-х гадоў у Нью-Ёрк, журы прызнала лепшай за сёлетняга ўладальніка Букера – “Wolf Hall” Хілары Мэнтэл.Галоўны ж лаўрэат прэміі Коста абіраецца з пераможцаў у пяці намінацыях: раман, дэбютны раман, паэзія, біяграфія і кніга для дзяцей. Яе грашовы эквівалент складае 30 000 фунтаў.Найлепшай паэтычнай кнігай году стаў зборнік "A Scattering" Крыстафера Рэйда (Christopher Reid).Астатнія лаўрэаты:Рафаэль Сэлбарн (Raphael Selbourne), былы гандляр скутэрамі, за дэбютны раман "Beauty";Грэм Фармэла (Graham Farmelo) за “The Strangest Man: The Hidden Life of Paul Dirac, Quantum Genius", біяграфію Поля Дырака, піянера квантавай механікі;Патрык Нэс (Patrick Ness) за дзіцячую кнігу "The Ask and the Answer", другую кнігу з трылогіі "Chaos Walking".Літаратурная прэмія Коста (Costa Book Award), да 2006 – Ўітбрэдская літаратурная прэмія (Whitbread Book Awards) – заснаваная ў 1971 годзе і ўручаецца Асацыяцыяй кнігароў…

Чытаць цалкам

№21: Знак прысутнасці

Змест