Навіны літаратуры

10 ліпеня 2014

Прыём перакладаў на конкурс працягнуты да 15 верасня!

Часопіс "ПрайдзіCвет" і Цэнтр "Экумена" вырашылі працягнуць прыём працаў на конкурс паэтычнага беларускамоўнага перакладу псалмоў да 15 верасня. Для перакладу прапануюцца наступныя псалмы (нумарацыя Септуагінты, у дужках — масарэцкая): Пс. 1 (1) Пс. 8 (8) Пс. 22 (23) Пс. 50 (51) Пс. 62 (63) Пс. 83 (84) Пс. 136 (137) У склад журы конкурсу ўвайшлі: Валянціна Аксак, журналістка, паэтка, Наталля Васілевіч, тэолаг, Цэнтр "Экумена", Уладзімір Лянкевіч, паэт, часопіс "ПрайдзіСвет",Дзмітры Строцаў, паэт, Сяргей Шупа, перакладчык. Умовы конкурсу: Перакладчыкі могуць перакладаць з наступных крыніцаў: з арыгінальнай старажытнагабрэйскай, з арыгінальнай старажытнагрэцкай Септуагінты (пры валоданні, адпаведна, старажытнагабрэйскай і старажытнагрэцкай мовамі), а таксама могуць спампаваць падрыхтаваныя Аргкамітэтам конкурсу тэксты псалмоў па-старажытнагабрэйску з падрадковым перакладам са…

Чытаць цалкам

7 ліпеня 2014

Дыскусія "Прэмія Гедройца: ці ёсць стратэгія?"

8 чэрвеня ў 19.00 медыяпраект “pARTisan” запрашае на дыскусію “Прэмія Гедройца: ці ёсць стратэгія?”. Месца правядзення дыскусіі — кнігарня "логвінаЎ". У пачатку чэрвеня адбылося трэцяе ўручэнне літаратурнай прэміі імя Ежы Гедройца, заснаванай для прасоўвання і падтрымкі беларускамоўнай літаратуры. Ці атрымалася за гады існавання прэміі павялічыць прысутнасць белліту на кніжным рынку? З аднаго боку, з’яўленне прэміі відавочна паўплывала на колькасць новых кніг па-беларуску, актыўна пачалі пісацца рэцэнзіі, ладзіцца сустрэчы з аўтарамі. З іншага боку, сацыёлаг Лідзія Міхеева, праманіторыўшы прысутнасць кніг-пераможцаў у дзяржаўных крамах, канстатавала фактычную іх адсутнасць і ўвогуле няведанне прадаўцоў пра такую прэмію. Севярын Квяткоўскі на гэта прапанаваў не забывацца на кантэкст, у якім вымушаная існаваць беларуская, асабліва незалежная, літаратура: «Дзяржава жыве ў паралельным людзям свеце, таму шукаць кнігі Гедройца ў дзяржаўных кнігарнях і рабіць якія-кольвек высновы проста недарэчна».…

Чытаць цалкам

24 чэрвеня 2014

Лаўрэатам брытанскай прэміі Пінтэра названы Салман Рушдзі

Брытанскі ПЭН-клуб прысудзіў прэмію “Пэн Пінтэр” пісьменніку Салману Рушдзі. Пісьменнік індыйскага паходжання Салман Рушдзі стаў лаўрэатам “Пэн Пінтэр” — прэміі, якую з 2009 года ўручаюць ў памяць пра нобелеўскага лаўрэата, драматурга Гаральда Пінтэра. Лаўрэатам прэміі мусіць быць чалавек, з “адважнымі і непахіснымі” поглядамі, які “хоча сказаць праўду пра нашае жыццё і нашае грамадства”. Раней лаўрэатамі прэміі былі паэт і драматург Тоні Харысан, пісьменнік, драматург і сцэнарыст Ханіф Курэйшы, драматург Дэвід Хэйр, паэтка і драматург Кэрал Эн Дафі і драматург Том Стопард. Каментуючы рашэнне ПЭН-клуба, Салман Рушдзі заявіў: “Я крануты прысуджэннем мне прэміі імя майго сябра Гаральда Пінтэра, чый літаратурны геній быў не меншым, чым яго імкненне да сацыяльнай справядлівасці”. Старшыня журы прэміі, амерыканская пісьменніца, перакладчыца твораў Архана Памука Морын Фрылі, назвала прысуджэнне прэміі “магчымасцю выказаць Салману Рушдзі падзяку не толькі за яго кнігі і шматгадовую прыхільнасць…

Чытаць цалкам

23 чэрвеня 2014

У Чылі знайшлі 20 невядомых вершаў Пабла Неруды

Падчас каталагізацыі рукапісаў нобелеўскага лаўрэата Пабла Неруды знайшлі 20 невядомых яго вершаў, паведамляе BBC. Эксперты правялі даследаванне і зрабілі выснову: гэта сапраўды творы Неруды. Большасць вершаў была напісаная ў 1956 годзе. Шэсць з іх — пра каханне. Знаходкі неўзабаве надрукуюць у Лацінскай Амерыцы (да 110-гадовага юбілею з дня нараджэння пісьменніка), а ў наступным годзе — у Гішпаніі. Паэт вядомы ў свеце палкай любоўнай лірыкай і камуністычнымі поглядамі.

Чытаць цалкам

23 чэрвеня 2014

Найбуйнейшыя пісьменнікі Украіны па версіі Forbes — Жадан, Андруховіч і Прахаська

Украінскі Forbes вызначыў дзясятку найбуйнейшых пісьменнікаў сваёй краіны. Для большасці рэйтынгаў выданне звычайна выкарыстоўвае колькасныя паказчыкі: цана актываў, лічбы прыбыткаў, частату згадак у медыях і г.д. Але ў выпадку з дзеячамі мастацтва такую методыку прызналі нерэлевантнай. Дзясятку вызначалі апытаннем экспертаў: Веры Балдынюк, Наталлі Бельчанка, Аляксандра Бойчанкі, Андрэя Бондара, Андрэя Дразды, Марыяны Кіяноўскай, Таццяны Каханоўскай, Алега Коцарава, Ірыны Славінскай, Святланы Пыркала. Адзінаццатым экспертам выступіў Forbes. Вынікі: 1. Сяргій Жадан — 104 балы 2. Юры Андруховіч — 75 3. Тарас Прахаська — 57 4. Аксана Забужка — 52 5. Андрэй Куркоў — 35 6. Аляксандр Кабанаў — 25 7. Юры Іздрык — 24 8. Барыс Херсонскі — 22 9. Андрэй Бондар — 21 10. Марыяна Кіяноўская – 21 Больш падрабязна пра пісьменнікаў тут: forbes.ua

Чытаць цалкам

19 чэрвеня 2014

Прэзентацыя кнігі вершаў Таццяны Нядбай "Сірэны спяваюць джаз"

20 чэрвеня ў мінскай кнігарні "логвінаЎ" пройдзе прэзентацыя дэбютнага зборніка паэзіі Таццяны Нядбай "Сірэны спяваюць джаз". Напісаныя ў розныя гады, прысвечаныя розным людзям, натхнёныя рознымі падзеямі, вершы складаюцца ў цэльную гісторыю: чакання, кахання, расcтання — але, самае галоўнае, гісторыю акрыяння і спакою. У праграме: Валянцін Акудовіч Уладзімір Арлоў Ціхан Чарнякевіч Марыя Мартысевіч Андрэй Адамовіч Максім Субач Уладзь Лянкевіч Вядоўца — Андрэй Хадановіч. Пачатак у 18.00. Адрас: Незалежнасці, 37А. Уваход вольны.

Чытаць цалкам

18 чэрвеня 2014

У Беларусь прыйшло "Небяспечнае лета"

Па-беларуску зʼявілася чарговая кніга фінскай пісьменніцы Тувэ Янсан, стогадовы юбілей якой сёлета шырока святкуецца ва ўсім свеце. Цяпер прыхільнікі мумітроляў ды іншых жыхароў Мумідола і яго ваколіцаў могуць папоўніць свае калекцыі мумікніг новым выданнем, што выйшла ў перакладзе Алесі Башарымавай у выдавецтве Змітра Коласа. Гэта кніга "Небяспечнае лета", дзе героі вымушаныя развітацца з бесклапотнасцю жыцця ў Мумідоле і прымераць на сябе новыя і часам нечаканыя ролі. Кароткі агляд Агнядышная гара, што доўга спала, раптоўна прачнулася, і пасля вывяржэння марскія хвалі затапілі даліну. Мумісям'я, прыхапіўшы з сабой Хомсу і Місу, якія таксама засталіся без даху над галавой, ратуецца ў дзіўным плывучым доме, дзе раз-пораз грымяць навальніцы, хаця знадворку спакойна, дзе дзверы і лесвіцы нікуды не вядуць, у кладоўцы поўна неядомай ежы, а з кута чуецца чыйсьці кплівы смех. У дадатак да ўсяго, у купальскую ноч некаторыя з новых насельнікаў гэтага таямнічага дома проста знікаюць, а хтосьці нават…

Чытаць цалкам

3 чэрвеня 2014

Прэзентацыя “Календара Бахарэвіча” — 5 чэрвеня

У мінскай галерэі сучаснага мастацтва “Ў” 5 чэрвеня пройдзе прэзентацыя новай кнігі Альгерда Бахарэвіча “Каляндар Бахарэвіча”. Новае выданне з “Бібліятэкі Свабоды” склалі 366 эсэ пра гістарычныя падзеі, па-мастацку пераасэнсаваныя аўтарам. З удзелам Альгерда Б., Аляксандра Л., марсіянаў, душагубаў і іншых персанажаў кнігі. Падчас прэзентацыі каляндар будзе разыграны ў якасці прыза. Пачатак у 19:00. Адрас: Мінск, пр. Незалежнасці, 37А. Набыць кнігу можна ўжо цяпер у кнігарні “логвінаЎ”.

Чытаць цалкам

3 чэрвеня 2014

Уручаная прэмія Гедройца 2014

2 чэрвеня ў кангрэс-холе гатэля “Вікторыя” ўручылі прэмію Гедройца за найлепшую кнігу 2013 года. Лаўрэатам прэміі зрабіўся Ігар Бабкоў з кнігай "Хвілінка: Тры гісторыі", які і атрымаў чэк ад IdeaBank.Другое месца — Артур Клінаў з кнігай "Шклатара". Узнагарода за другое месца прадугледжвае творчую стыпендыю на востраве Готланд (Швецыя).Трэцяе месца атрымаў Вінцэсь Мудроў за кнігу "Багун". Прыз — творчая стыпендыя ў Вроцлаве (Польшча).У журы прэміі сёлета ўвайшлі: з беларускага боку — Валянцін Акудовіч, Уладзімір Арлоў, Альгерд Бахарэвіч, Барыс Пятровіч, Андрэй Хадановіч, Ціхан Чарнякевіч, з польскага боку — Малгажата Бухалік, Адам Паморскі. Ганаровы старшыня журы — Лешак Шарэпка, надзвычайны і паўнамоцны амбасадар Рэспублікі Польшча ў Рэспубліцы Беларусь. Ганаровы старшыня выконвае прадстаўнічыя функцыі і не ўдзельнічае ў працы журы.Папярэднія пераможцы прэміі:2012 — Павел Касцюкевіч з кнігай “Зборная РБ па негалоўных відах спорту”;2013 — Уладзімір Някляеў з кнігай “Аўтамат з газіроўкай…

Чытаць цалкам

30 траўня 2014

Памёр Генадзь Бураўкін

Паэт і дзяржаўны дзеяч Беларусі пайшоў з жыцця ў 77 гадоў. Бураўкін памёр у Мінску ва ўласнай кватэры. Апошнім часам ён пакутаваў на анкалагічнае захворванне. Генадзь Бураўкін нарадзіўся 28 жніўня 1936 года ў вёсцы Шуляціна на Расоншчыне. У 1959 годзе скончыў аддзяленне журналістыкі філалагічнага факультэта БДУ. Працаваў у часопісе “Камуніст Беларусі”, у газеце “Літаратура і мастацтва”, быў карэспандэнтам “Правды” па Беларусі, галоўным рэдактарам часопіса “Маладосць”. У 1978—1990 гг. узначальваў Дзяржтэлерадыё БССР, аднак за падтрымку дэмакратычнага руху быў звольнены з гэтай пасады і накіраваны на дыпламатычную працу. Быў сталым прадстаўніком Беларусі ў ААН, намеснікам міністра культуры і друку. Узначальваў Таварыства беларускай мовы, быў сябрам Саюза беларускіх пісьменнікаў і ПЭН-цэнтра.

Чытаць цалкам

№21: Знак прысутнасці

Змест