Навіны літаратуры

5 лістапада 2009

Прэзентацыя 8-га нумару часопіса ПАМІЖ

На прызентацыі адбудзецца ўрачыстае ўручэнне дыпломаў выпускнікам Калегіюму, а таксама выступы выкладчыкаў і выпускнікоў Калегіюму.Часопіс ПАМІЖ – гэта выпускны праект аддзялення Філасофіі/Літаратуры Беларускага калегіюма. Гэтым разам часопіс прысвечаны канцэпту дзяцінства. Гэта праяўляецца як на зместавым узроўні, так і ў візуальным афармленні часопіса. Гэта адаб’ецца і на самой прэзентацыі.У “дзіцячым” нумары часопіса можна сустрэць вершы Віталя Рыжкова, Насты Манцэвіч, Уладзя Лянкевіча, Міхала Бараноўскага, Святланы Богуш, Кірылы Анохіна, Ганкі Шэпт, прозу Паўла Анціпава, Андрэя Пакроўскага, Кірылы Дубоўскага, Ігара Кулікова, Алесі Лапіцкай, Ані Міхальчук, філасофскія эсэ Вольгі Давыдзік, Вікторыі Осіпчык, Галляша Дзянісава, пераклады Рэя Брэдберы, Яна Бжэхвы, Джойс Кэрал Оўтс, Алешандры Радрыгеша і інш.

Чытаць цалкам

4 лістапада 2009

Шорт-ліст “НОСа”

Сярод фіналістаў прэміі:– Андрэй Аствацатураў. «Люди в голом»;– Таццяна Бачарова. «Новочеркасск: кровавый полдень»;– Леў Гурскі. «Роман Арбитман»;– Сяргей Носаў. «Тайная жизнь петербургских памятников»;– Андрэй Сцяпанаў. «Сказки не про людей»;– Алена Элтанг. «Каменные клены». Лаўрэат прэміі будзе абраны на адкрытым шоў пры канцы студзеня. Пераможца атрымае 700 тысячаў расійскіх рублёў, фіналісты – па 40 тысячаў, уладальнік прызу глядацкіх сімпатый – 200 тысячаў расійскіх рублёў.У чытацкім галасаванні на прыз глядацкіх сімпатый на сайце прэміі ў лідэрах кніга «Перебежчик» Дана Маркавіча. Галасаванне працягнецца да 21 студзеня 2010 году, пры гэтым абраць можна адразу некалькі твораў.Літаратурная прэмія “НОС” (Новая словесность) была заснаваная дабрачынным Фондам Міхаіла Прохарава ў сакавіку 2009 году. Задачай прэміі з’яўляецца “выяўленне і падтрымка новых трэнадў у мастацкай слоўнасці на рускай мове”. У конкурсе…

Чытаць цалкам

4 лістапада 2009

У Мадрыдзе памёр пісьменнік Франсіска Аяла

Аяла нарадзіўся ў Мадрыдзе ў 1906 годзе. У васемнаццацігадовым узросце прыехаў у Мадрыд, каб вучыцца праву, філасіфіі і літаратуры. У канцы Грамадзянскай вайны ён эміграваў з Гішпаніі, працаваў у Паўднёвай Амерыцы і ЗША. З 1950-х гадоў некаторы час быз куратарам перакладчыкаў ААН, а затым выкладаў гішпанскую літаратуру ў некалькіх амерыканскіх універсітэтах, у тым ліку ў Прынстанскім і Рутгерскім.У 1976 годзе Аяла спыніў сваю выкладчыцкую дзейнасць, вярнуўся на пастаяннае жыхарства ў Гішпанію і цалкам прысвяціў сябе літаратуры і публіцыстыцы.Сярод празаічных твораў пісьменніка – вядомыя раманы “Зачараваны” (El hechizado, 1944), “Дно шклянкі” (El fondo del vaso, 1962), зборнік апавяданняў, мемуары "Кнігі памяці і забыцця" (Recuerdos y olvidos, 1982–1983).Сярод літаратурных прэміяў, якімі была адзначаная творчасць Аялы, варта назваць Прэмію Сервантэса (1991) і літаратурную прэмію прынца Астурыйскага (1998).

Чытаць цалкам

3 лістапада 2009

У кароткім спісе прэміі Андрэя Белага – беларус Дзмітрый Строцаў

Прэмія Андрэя Белага была заснаваная ў 1978 годзе ленінградскім самвыдатаўскім часопісам “Часы” і ёсць першай ў Расіі рэгулярнай недзяржаўнай узнагародай у галіне культуры.Прэмію ўручаюць у намінацыях “Паэзія”, “Проза”, “Гуманітарныя даследаванні”. Сёлета таксама будзе прысуджаная спецыяльная прэмія за найлепшы пераклад. Прызавы фонд прэміі Андрэя Белага роўны 1 рублю.Шорт-ліст прэміі за 2009 год выглядае наступным чынам:Намінацыя “Паэзія”:Мікалай Конанаў (Пецярбург). Пилот. М.: Арго-Риск; Книжное обозрение, 2009Алена Кастылёва (Масква). Лидия. Тверь: Kolonna Publications, 2009Станіслаў Львоўскі (Масква). Camera rostrum. М.: НЛО, 2008Валерый Молат (Нью-Ёрк). Так просто. СПб.: Борей-Арт, 2007Андрэй Палякоў (Сімферопаль). Одна маленькая поэма // http://asya-kareva.livejournal.com/310584.htmlФёдар Свароўскі (Масква). Путешественники во времени. М.: НЛО, 2009Дзмітрый Строцаў (Мінск). Бутылки света. М.: Центр современной литературы, 2009Намінацыя “Проза”:Анатолі Барзах (Пецярбург). Причастие…

Чытаць цалкам

3 лістапада 2009

Прэмію Noma афрыканскага кантынента атрымала нігерыйская пісьменніца

Прэмію ў памеры 10 000 даляраў пісьменніца атрымала за зборнік “Lawless and Other Stories”.Па словах журы, “гэты зборнік апавяданняў і навэла ўяўляюць сабой творы першакласнага пісьменніка. Захапляльныя гісторыі, якія апісваюць штодзённае жыццё Нігерыі, вылучаюцца нязменна высокай якасцю і выбітнасцю. Аўтарка валодае адметным дарам мовы і майстэрствам апісання, з дапамогай якіх яна перавызначае ўяўны свет нігерыйскага грамадства.Яна расказвае свае гісторыі рознымі галасамі, з пункту гледжання цэлага шэрагу запамінальных персанажаў, удала спалучаючы форму і яе напаўненне. Яна ні рамантызуе, ні дэманізуе сусвет герояў сваіх твораў. Яе геній у тым, каб пазбавіць апавяданні сенсацыйнасці, што тым самым дазваляе цалкам раскрыцца яе майстэрству. Адна з самых выбітных, творчых і адораных пісьменніц Афрыкі і, верагодна, найлепшая прадстаўніца свайго пакалення”.Сэфі Ата нарадзілася ў Нігерыі. Адукацыю атрымала на радзіме, у Вялікабрытаніі і ЗША. Яе апавяданні друкаваліся ў шматлікіх часопісах, а…

Чытаць цалкам

2 лістапада 2009

Прэмія Рэнадо – Фрэдэрыку Бегбедэру

Гэтая прэмія, гісторыя якой налічвае больш за 80 гадоў, не перадугледжвае наагул ніякай узнагароды. У літаратурным свеце прынята лічыць, што Рэнадо з’яўляецца своеасаблівым адказам на неаб’ектыўнасць ганкураўскага журы. У свой час яе лаўрэатамі былі Марсэль Эмэ, Луі Арагон, Мішэль Бютор, а таксама Жан-Мары Густаў Леклезіё, які летась атрымаў Нобелеўскую прэмію па літаратуры.

Чытаць цалкам

2 лістапада 2009

У Аўстраліі ўручылі літаратурную Прэмію прэм’ер міністра

Самая шчодрая літаратурная прэмія Аўстраліі была заснаваная летась, каб адзначыць важнасць аўстралійскай літаратуры і ўганараваць таленавітых пісьменнікаў сваёй краіны.Пераможцы ў галіне мастацкай і публіцыстычнай прозы атрымліваюць па 100 000 аўстралійскіх даляраў. На кнігу Нама Лі натхніла падарожжа яго сям’і з В’етнама ў Аўстралію ў 1979 годзе. Яго зборнік апавяданняў суддзі рэкамендавалі да прэміі за адважнасць пытанняў, узнятых у кнізе, за дасканаласць іх раскрыцця, за шырыню ахопу эмацыянальных і сацыяльных праблемаў, а таксама за тое хваляванне, якое адчуваецца пры чытанні яго апавяданняў.У намінацыі “Публіцыстыка” прэмію паміж сабой падзялілі Іўлін Джуерс за кнігу “Дом выгнання: жыццё і час”( House of Exile: The Life and Times) пра Генрыха Мана і Нэлі-Кройгер Ман, а таксама гісторыкі Мэрылін Лэйк і Генры Рэйналдс з кнігай “Праводзячы сусветную каляровую мяжу” (Drawing the Global Colour Line), прысвечаную расавай палітыцы “белага” насельніцтва канца ХІХ – пачатку ХХ ст. у Аўстраліі…

Чытаць цалкам

2 лістапада 2009

Ганкураўская прэмія за 2009 год уручаная

На апошнім этапе галасавання журы абірала пераможцу з чатырох раманаў. Апроч раману Ндзьяй, гэта "Людзі" Ларана Мавіньера, "Уся праўда пра Мары" Жана-Філіпа Тусэна і "Утоеныя гадзіны" Дэльфіны дэ Віган.Мары Ндзьяй нарадзілася ў 1967 годзе ў г. Піціўе. Яе бацька – сенегалец, маці – францужанка. Жонка пісьменніка Жана-Іва Сандрэ. Піша з 12 гадоў, упершыню апублікавала свае творы ў 18-гадовым узросце. Аўтар апавяданняў, раманаў, п'есаў, кінасцэнараў. У рамане "Тры моцныя жанчыны" ўпершыню звярнулася да сенегальскіх рэаліяў.З анатацыі да кнігі: "Тры аповеды, тры жанчыны, якія кажуць "не". Кожная змагаецца за тое, каб захаваць сваю годнасць сярод прыніжэнняў, якія з метадычнай і неспасцігальнай упартасцю прыносіць жыццё. Майстэрства Мары Ндзьяй раскрываецца тут ва ўсёй сваёй непаўторнасці і таямнічасці. Чытача зачароўвае бездакорная вытанчаная проза і аддае яго ва ўладу неўтаймоўнае сілы пачуццяў".

Чытаць цалкам

29 кастрычніка 2009

Дзесяцігоддзе сайта, які дазваляе паэзіі гучаць

“Вершы не дастаткова проста чытаць, – кажа Крысціянэ Ланге з Берлінскай літаратурнай майстэрні. – Верш валодае сваім рытмам, ён дыхае. Калі ты чуеш яго, асабліва ў выкананні паэта, то амаль фізічна адчуваеш яго прысутнасць”.Менавіта з гэтай прычыны Ланге і Берлінская літаратурная майстэрня заснавалі сайт lyrikline.org, дзе карыстальнікі атрымалі магчымасць не толькі насалоджвацца чытаннем больш чым 5 500 паэтычных твораў, але і слухаць іх у запісе.“Мы пачыналі з 16 паэтаў, і праект усё разрастаўся, – кажа Крысцінэ, – цяпер жа ў нас партнёры з 41 краіны свету”.Берлінская літаратурная майстэрня разам з партнёрамі вырашае, якія вершы змясціць на сайце. І ў гэтым плане якасць нашмат важнейшая, чым колькасць, заяўляюць арганізатары. Яны хочуць, каб паэты, чые вершы ёсць часткаю праекту, успрымалі гэта як гонар.Творы на сайт трапляюць рознымі шляхамі. Некаторых паэтаў далучыцца да сайта і запісаць вершы запрашаюць стваральнікі сайта. Іншыя самі дасылаюць свае творы, а ўжо кіраўніцтва праекту…

Чытаць цалкам

28 кастрычніка 2009

У Вялікабрытаніі ўручылі прэмію за адзін верш

Па словах былога старшыні прэміі, а таксама біёграфа Кітса, Эндру Моўшна, гэтая перамога сведчыць пра неаслабную прыцягальнасць Кітса для многіх культураў, рэлігій і пакаленняў нават амаль праз 200 гадоў пасля смерці паэта.Ён таксама адзначыў адданасць Кітса паэзіі, нягледзячы на беднасць і няўхвальныя водгукі крытыкаў. “Да таго ж, твор існуе сам па сабе і звяртаецца да пазнавальных аспектаў гуманнасці, не абмежаваных ні рэлігіяй, ні краінай, ні колерам скуры, – сказаў Моўшн. – Пытанні, якія ставіць паэзія, абсалютна фундаментальныя”. Моўшн таксама звярнуў увагу на непрыняцце Кітсам хрысціянства на смяротным ложку, нягледзячы на ўсе спробы яго сябра Джозэфа Сэверна.Мэйтрэябандху, які 19 гадоў таму далучыўся да Заходняга Будыскага Ордэну, кажа, што яго любоў да паэзіі пачалася тады, калі сябар прачытаў яму першыя пяць строфаў “Маскі Анархіі” (Mask of Anarchy) Персі Шэлі. “Гэта быў момант, калі адчуваеш новае захапленне, нават новае пакліканне. Пасля гэтага я апантана чытаў і перачытваў Шэлі…

Чытаць цалкам

№21: Знак прысутнасці

Змест