Навіны літаратуры

18 снежня 2013

Міжнародны конкурс для літаратараў SOUNDOUT!

Аўтары найцікавейшых канцэрт-ідэяў будуць запрошаныя ў Берлін і атрымаюць падтрымку на рэалізацыю сваіх праектаў. Заключнай падзеяй фестывалю зробіцца прэзентацыя ідэяў, сярод якіх міжнароднае журы выбера найлепшую. Пераможца атрымае прыз — 5000 еўра. Літаратурная падзея не заўсёды мусіць асацыявацца са сталом, крэслам, аўтарам, творам і шклянкай вады. Існуе нямала нестандартных спосабаў данесці літаратуру да шырокіх масаў: чытанне вершаў у грамадскім транспарце, літаратурныя перфомансы, раскідванне вершаў з верталёта, чытанні праз скайп і г.д. Частка з іх ужо была рэалізаваная на практыцы. Арганізатары фестывалю запрашаюць творцаў і літаратурных актывістаў узяць удзел у конкурсе на новыя спосабы прадстаўлення літаратуры і прыдумаць у гэтым рэчышчы нешта зусім нечаканае. Усе ахвочыя паўдзельнічаць у фестывалі і прапанаваць уласныя ідэі нестандартнага прадстаўлення літаратуры могуць да 14 студзеня 2014 года падаваць свае заяўкі на адрас mm@lettretage.de. Шэсць аўтараў найлепшых ідэяў будуць…

Чытаць цалкам

16 снежня 2013

Дзень Апошняй Кнігі

У імпрэзе возьме ўдзел яе перакладчык Алесь Разанаў. Пачатак а 19-й гадзіне. Адрас кнігарні “логвінаЎ”: Незалежнасці, 37А. Уваход вольны.

Чытаць цалкам

16 снежня 2013

Каляды з братамі Грымамі ў кнігарні “логвінаЎ”

Дзень з братамі Грымамі Малявальны ранішнік для дзяцей. Васіліса Паляніна-Календа пакажа, як робяцца ілюстрацыі да казак, а Альгерд Бахарэвіч прачытае выбраныя ўрыўкі з кнігі. Дзеці і дарослыя, прыходзьце маляваць і слухаць! Пачатак а 15-й гадзіне. Ноч з братамі Грымамі Начныя агледзіны кнігі для дарослых. Пры святле свечак Альгерд Бахарэвіч раскажа пра недзіцячае ў вядомых казках. З музычным аздабленнем Сержа Мінскевіча. Пачатак а 21-й гадзіне. Адрас кнігарні “логвінаЎ”: Незалежнасці, 37А. Уваход вольны.

Чытаць цалкам

9 снежня 2013

Гары Потэру намалявалі новы твар

Інфармацыя з’явілася ў афіцыйным твітэры выдавецтва 6 снежня. У тым жа твіце была апублікаваная першая выява галоўнага героя, намаляваная мастаком для новага перавыдання. Серыя з сямі кніг пра чараўніка Гары Потэра з каляровымі ілюстрацыямі будзе выпушчаная ў 2015 годзе. Да гэтага кнігі Джоан Роўлінг у Вялікабрытаніі выдаваліся без ілюстрацый. Амерыканскае выдавецтва Scholastic выпускала серыю з невялікімі малюнкамі Мэры Грандпрэ ў пачатку кожнага раздзела. Джым Кей стане аўтарам усіх малюнкаў як унутры кнігі, так і на вокладцы. Раней мастак аформіў фантастычны раман Патрыка Нэса “Голас монстра”. У 2012 годзе за гэтую працу Кей быў узнагароджаны медалём Кейт Грынуэй, якім штогод ганаруецца найлепшы ілюстратар дзіцячых кніг. Выдавецтва Bloomsbury, эксклюзіўны выдавец кніг пра Гары Потэра ў Вялікабрытаніі, упершыню абвясціла пра планы перавыдаць серыю з малюнкамі ў 2012 годзе. У верасні 2013 выдавецтва прадставіла новыя вокладкі “Гары Потэра”, створаныя спецыяльна для дарослых. Дызайн вокладак…

Чытаць цалкам

6 снежня 2013

“Рыбін горад” Наталкі Бабінай выйшаў у Вялікабрытаніі

Кніга выйшла ў папяровым і электронным выглядзе пад назвай Down Among The Fishes у лонданскім выдавецтве Glagoslav. Тут таксама выходзілі пераклады “Дзікага палявання караля Стаха” Уладзіміра Караткевіча і “Хатынскай аповесці” Алеся Адамовіча. “Сёння Беларусь, якая асацыюецца ў асноўным з асобай Аляксандра Лукашэнкі, застаецца ўсё яшчэ невядомай для заходняга свету. Наталка Бабіна піша пра сваю Беларусь, дзе, нягледзячы на шматлікія стэрэатыпы аб гэтай краіне, людзі насалоджваюцца паўнавартасным жыццём: яны кахаюць, працуюць, шукаюць і знаходзяць шчасце, змагаюцца з абставінамі, смяюцца і плачуць. Ціхая і сарамлівая, Беларусь аказваецца краінай, напоўненай веліччу, шырынёй духу і гарачымі сэрцамі”, — такі тэкст змешчаны ў апісанні да кнігі на сайце выдання. Аўтарка “Рыбінага горада” Наталка Бабіна расказала карэспандэнту REST.EJ.BY, што выданнем кнігі зацікавіўся асабіста дырэктар выдавецтва Glagoslav Максім Ходак, які паходзіць з Украіны. Перакласці раман на ангельскую ён прапанаваў беларускай…

Чытаць цалкам

5 снежня 2013

Леа Дамрош напісаў новую біяграфію Свіфта

Выданне “Джонатан Свіфт: яго жыццё і яго свет” (Jonathan Swift: His Life and His World) было прымеркаванае да дня нараджэння пісьменніка 30 лістапада. Нягледзячы на каласальны ўплыў, які пісьменнік зрабіў на развіццё еўрапейскай літаратуры, пра яго жыццё вядома вельмі мала. Дамрош некалькі гадоў літаральна па крупінках збіраў у архівах звесткі пра Свіфта, і яго кнігу крытыкі сёння называюць найбольш падрабязным, дакладным і аб’ектыўным варыянтам жыццяпісу аўтара. Біяграфія чытаецца на адным дыханні: лёгкасць слова і тонкая іронія дазваляюць успрымаць сухія факты як займальны раман, а па колькасці карыснай інфармацыі выданне значна апярэджвае папярэдняга лідара — 2000-старонкавую біяграфію Джонатана Свіфта, напісаную Ірвінам Энтэрпрайзам.

Чытаць цалкам

5 снежня 2013

“Рускага Букера” атрымаў Андрэй Волас

Акрамя таго, Волас атрымаў і прэмію “Студэнцкі Букер”. Яе лаўрэата абіралі навучэнцы расійскіх ВНУ — пераможцы конкурсу на найлепшае эсэ, напісанае пра адзін з раманаў, якія ўвайшлі ў лонг-ліст Букераўскай прэміі. Журы на чале з пісьменнікам Андрэем Дзмітрыевым, леташнім лаўрэатам, выбірала пераможцу з шасці фіналістаў. У шорт-лісце прэміі былі таксама Яўген Вадалазкін (“Лавр”), Дзяніс Гуцко (“Бета-самец”), Андрэй Іваноў (“Харбинские мотыльки”), Маргарыта Хемлін (“Дознаватель”) і Уладзімір Шапко (“У подножия необъятного мира”). У склад журы ў гэтым прэміяльным сезоне ўваходзілі празаік Уладзімір Кантор, крытык і паэт Алена Пагарэлая, крытык і намеснік галоўнага рэдактара часопіса “Урал” Сяргей Белякоў, а таксама рок-музыка Яўген Маргуліс. Лаўрэат прэміі атрымае грашовае ўзнагароджанне ў памеры 1,5 млн расійскіх рублёў. Усім фіналістам будзе прысуджана па 150 тысяч рублёў. Незалежная літаратурная прэмія “Рускі Букер” упершыню прысуджалася ў 1992 годзе. Яе лаўрэатамі ў розныя гады былі Вольга…

Чытаць цалкам

3 снежня 2013

Біблію Гутэнберга выклалі ў інтэрнэт

У прыватнасці, на новым рэсурсе захоўваецца аблічбаваная копія так званай 42-радковай Бібліі, надрукаванай Ёганам Гутэнбергам у 1455 годзе і якая належыць Бадліянскай бібліятэцы. Асобнік, які захоўваецца ў бібліятэцы, уваходзіць у лік ацалелых 50 кніг з першага накладу, выдадзенага ў друкарні Гутэнберга. Таксама на сайце прадстаўленыя аблічбаваныя старонкі з габрэйскіх рэлігійных кніг XI—XVI стагоддзяў і рэлігійныя тэксты на лаціне і грэцкай, датаваныя IX—X стагоддзямі. У цяперашні час ідзе праца над аблічбоўкай іншых тэкстаў, якія захоўваюцца ў дзвюх старажытных бібліятэках. Паведамляецца, што ў далейшым на сайце з’явіцца калекцыя грэцкіх рукапісаў Ватыкана, якая ўключае тэксты Гамэра, Сафокла, Платона і Гіпакрата. Бадліянская бібліятэка, чыя калекцыя значна большая за ватыканскую, плануе аблічбаваць рукапісы і кнігі, якія адносяцца да перыяду XV—XVII ст. Пра праект па аблічбоўцы старажытных рукапісаў і кніг, які быў запушчаны…

Чытаць цалкам

2 снежня 2013

Памерла Наталля Гарбанеўская

Яна падтрымлівала беларускіх палітвязняў і была сярод падпісантаў зваротаў за вызваленне Уладзіміра Някляева і Аляксандра Фядуты. У 2006 годзе Гарбанеўская падтрымлівала беларускіх галадоўнікаў. За свае перакананні яна прайшла савецкую турму і карную псіхіятрыю, але засталася нерэабілітаванай. Наталля Гарбанеўская стала вядомай на ўвесь свет у 1968 годзе, калі ўзяла ўдзел у публічнай акцыі пратэсту супраць уводу войскаў у Чэхаславакію. Разам з сямю іншымі дысідэнтамі яна прыйшла на Красную плошчу ў Маскве, узяўшы з сабой трохмесячнае дзіця. Тады яе не сталі арыштоўваць. А ў 1970 годзе яе накіравалі ў Казанскую псіхіятрычную лякарню турэмнага тыпу, адкуль яна выйшла праз два гады. У 1974 годзе Гарбанеўская ўдзельнічала яшчэ ў некалькіх ініцыятывах савецкіх дысідэнтаў, пасля чаго ёй зноў пачалі пагражаць псіхіятрычнай лякарняй. Яна вырашыла з’ехаць з СССР. Яна пасялілася ў Парыжы і пачала супрацоўнічаць з шэрагам імігранцкіх выданняў, а таксама з Радыё Свабода. Аўтарка паўтара дзясятка кніг…

Чытаць цалкам

2 снежня 2013

Публічная дыскусія “Перакладчык у сваім лабірынце”

Падчас публічнай дыскусіі з удзелам нямецкіх, швейцарскіх і беларускіх экпертаў будуць абмеркаваныя пытанні сучаснага стану нямецкамоўнай літаратуры ў Беларусі і беларускай літаратуры ў Германіі, развіцця прафесійнай адукацыйнай інфраструктуры і праграмаў падтрымкі перакладаў, перспектывы нямецка-швейцарска-беларускага літаратурнага супрацоўніцтва. У праграме возмуць удзел вядомыя літаратуразнаўцы і перакладчыкі з Германіі, Швейцарыі і Беларусі: Юрген Якаб Бекер, Томас Браво, Зорка Цыкламіны і Ірына Герасімовіч. Мадэратар: Юлія Цімафеева (Беларусь). Адрас Інстытута імя Гётэ ў Мінску: вул. Веры Харужай, 25/3; 4 паверх, актавая зала. На нямецкай і беларускай мовах. Уваход вольны. +375 17 2377119, -26 bibl@minsk.goethe.org Пра ўдзельнікаў: Юрген Якаб Бекер (Jürgen Jakob Becker) Нарадзіўся ў 1964 г. Вывучаў германістыку і лацінаамерыканістыку ва ўніверсітэтах Майнца і Берліна. З 1990 г. распрацоўвае і ажыццяўляе праграмы Літаратурнага калоквіюма Берліна, перадусім праграмы падтрымкі перакладаў.…

Чытаць цалкам

№21: Знак прысутнасці

Змест