Навіны літаратуры

13 жніўня 2013

Лэдзі Гага адкрыла марафон чытання “Салярыса”

Першапачаткова Лэдзі Гага не значылася ў спісе выступоўцаў на марафоне, але было вядома, што Марына Абрамавіч запрасіла некалькі “сакрэтных удзельнікаў”. Сярод іх была і поп-зорка, якая даслала запіс свайго выступу за 15 хвілін да пачатку марафона. Спявачка выбрала арыгінальную форму для чытання навукова-фантастычнага рамана — яна прамаўляла словы нараспеў. Паводле словаў арганізатараў, мэта марафону была ў тым, каб прымусіць слухачоў засяродзіцца толькі на слыхавых адчуваннях і максімальна глыбока адчуць момант. У марафоне ўзяла ўдзел і сама Марына Абрамавіч — яна выступіла па Skype, папрасіўшы гасцей надзець павязкі на вочы, каб сканцэнтравацца на тэксце рамана. Усе ўдзельнікі марафона былі апранутыя ў белыя халаты, якія былі патрэбныя, каб адцягнуць увагу ад выгляду чытальнікаў. Да таго ж, са словаў кіраўніка аддзела камунікацый Інстытута Сіены Арыстагла, белыя халаты добра спалучаюцца з сюжэтам рамана, “дзе навукоўцы выпраўляюцца даследаваць звар’яцелую планету”. Марафон праводзіўся…

Чытаць цалкам

2 жніўня 2013

Том Стопард атрымаў прэмію Пінтэра

Узнагарода будзе ўручаная ў Брытанскай бібліятэцы 7 кастрычніка. На цырымоніі Стопард выступіць з традыцыйным зваротам да прысутных. Стопард раней заяўляў, што драматургія Гаральда Пінтэра, у гонар якога ўручаецца прэмія, была “адной з прычынаў, якая падштурхнула яго да пісання п’есаў”. У журы прэміі сёлета ўвайшлі драматург Крыстафер Блэнд, паэтка Кэрал Эн Дафі, лаўрэат прэміі 2012 году, празаік Антонія Фрэйзер і тэатральны дзеяч Дэвід Лэн. Старшынёй журы стала аўтар дэтэктыўных раманаў Джыліян Слова. Каментуючы рашэнне ўручыць прэмію Стопарду, Слова падкрэсліла, што працы драматурга “адпавядаюць высокім крытэрам, зададзеным п'есамі Пінтэра”. Прэмія была заснаваная ў 2009 годзе ў гонар Гаральда Пінтэра, брытанскага драматурга і лаўрэата Нобелеўскай прэміі па літаратуры. Штогод прэмію ўручаюць двум пісьменнікам. Асноўную прэмію атрымлівае брытанскі літаратар, які адказвае патрабаванню, сфармуляванаму Пінтэрам у яго нобелеўскай лекцыі: дэманструе “непахісную інтэлектуальную і грамадзянскую…

Чытаць цалкам

26 ліпеня 2013

Выйдзе працяг “Байцоўскага клуба”

Упершыню пра намер напісаць сіквел Паланюк расказаў на фестывалі Comic-Con, які праходзіў у Сан-Дыега з 18 па 21 ліпеня. Там пісьменнік сустракаўся з фанатамі, меў зносіны з журналістамі, казаў пра сваю апошнюю кнігу “Асуджаны” (Doomed), а таксама пра твор, над якім ён збіраецца працаваць. Працяг “Байцоўскага клуба” выйдзе ў выглядзе графічнага рамана, як мяркуецца, не пазней за 2015 год. Паводле словаў пісьменніка, ён ужо сустракаўся з прадстаўнікамі выдавецтваў Marvel, DС і Dark Horse. Паланюк расказаў, што хутчэй за ўсё гэта будзе серыя кніг, якая расказвае пра галоўных герояў рамана праз дзесяць гадоў пасля падзей, апісаных у арыгінальнай кнізе. Гэтым разам аповед будзе весціся не ад асобы галоўнага героя першай кнігі (яго імя раней не называлася, цяпер Паланюк вырашыў назваць яго Джэкам), а яго альтэр-эга Тайлера Дэрдэна, які ўварвецца ў сумнае жыццё жанатых Джэка і Марлі. Тайлер выкрадзе іх сына, і ў жыцці Джэка, які…

Чытаць цалкам

20 ліпеня 2013

Выйшла першая кніга Кірылы Анохіна

* * * заблукалым дзіцём шукаючы выйсце са свайго лядашчага лесу ўжо чую як асцярожна зачыняюцца дрэвы З анатацыі да кнігі: Аўтар гэтай кнігі нешматслоўны — ён піша не толькі вершы, але і маўчанне, у якім яны гучаць. Кірыла Анохін ведае, чым і як трэба пацерці старое, пакрытае іржой слова, каб яно ажыло і само здзівілася свайму новаму існаванню. “Асцярожна, дрэвы зачыняюцца” — гэта хутчэй заклік да ўваходу, чым перасцярога, бо нават сезонныя змены надвор’я тут робяцца цудам, які варта перажыць разам з аўтарам. Пра аўтара: Кірыл Анохін нарадзіўся ў 1987 годзе ў Мінску. У 2009 г. скончыў гістарычны факультэт БДУ. Пераможца фестывалю аднаго верша (Мінск, 2011). Зацікаўленасці: верлібры, музыка, філасофія.

Чытаць цалкам

19 ліпеня 2013

23 ліпеня — прэзентацыя кнігі Юрася Бушлякова

“Жывая мова” — гэта калекцыя практычных эсэ пра тое, як гаварыць па-беларуску правільна і прыгожа. Падчас сваёй рэдактарскай працы на Радыё Свабода аўтар выяўляў складаныя, спрэчныя ці памылковыя моманты ў жывой мове, аналізаваў іх і даваў парады, якія склалі цыкл радыёперадач і леглі ў аснову кнігі. Гэтую кнігу Юрась дапісваў і ўдасканальваў да апошніх дзён жыцця. Яна ўбачыла свет да саракавін з дня ягонай заўчаснай смерці. Прэзентацыя кнігі адбудзецца 23 ліпеня а 18-й гадзіне ў памяшканні сядзібы БНФ (Мінск, вуліца Чарнышэўскага, 3). Усе прысутныя атрымаюць кнігу Юрася Бушлякова “Жывая мова” з адбіткам пячаткі-экслібрыса, зробленым рукой ягонай маці.

Чытаць цалкам

17 ліпеня 2013

Джоан Роўлінг раскрыла свой мужчынскі псеўданім

Джоан Роўлінг прызналася брытанскай газеце The Sunday Times, што яна аўтар дэтэктыўнага рамана The Cuckoo's Calling, які з'явіўся ў продажы ў канцы красавіка гэтага года і быў даволі высока ацэнены крытыкамі. Цёплы прыём дэбютнага твора пісьменніка, якога нібыта звалі Роберт Гелбрэйт, праўда, не тое каб істотна адбіўся на продажах: за тры з лішнім месяцы было прададзена ўсяго каля 1,5 тыс. асобнікаў. Затое цяпер магутны ўсплёск чытацкай цікавасці кнізе забяспечаны: як выявілася, твор напісаў зусім не паліцэйскі следчы ў адстаўцы, а адна з самых камерцыйна паспяховых пісьменніц у сусветным маштабе (не кажучы пра родную Брытанію) — Джоан Роўлінг. Калі верыць журналістам газеты, яны адразу западозрылі, што “дэбют” — зусім не дэбют, і твор выйшаў з-пад пяра дасведчанага аўтара. Падчас праведзенага расследавання ўсе сляды прывялі да Джоан Роўлінг. У мінулыя выходныя яна афіцыйна прызнала сваё аўтарства, заўважыўшы, што з велізарным задавальненнем і пачуццём свабоды апублікавала раман пад псеўданімам…

Чытаць цалкам

16 ліпеня 2013

Прэзентацыя “Бэўвульфа” — 25 ліпеня

Апроч перакладчыка паэмы Антона Францішка Брыля ў прэзентацыі возьмуць удзел: Лявон Баршчэўскі, Ганна Янкута, Кацярына Маціеўская, Ігар Кулікоў, Зміцер Колас. Кнігарня “логвінаЎ” (пр-т Незалежнасці, 37А). Пачатак а 19-й. Уваход вольны. Крыху пра кнігу: “Бэўвульф” — паэма пра мора, па якім плывуць чаўны і марскія змеі, пра неба, у якім лунаюць найчасцей птушкі, але часам і цмокі, пра цёмныя багны і ззяючыя палаты, пра шлях, які лёг між усяго названага, ды пра чалавека, які праходзіць гэтым шляхам. Яна ператвараецца то ў элегію, то ў гімн, то ў казань, але не збіваецца з роўнага кроку, пакуль апошняя алітэрацыя не змацуе апошні радок.

Чытаць цалкам

15 ліпеня 2013

Злачынства здзейсненае: Новы зборнік дэтэктыўнага апавядання

Зборнік часткова дублюе творы, змешчаныя ў дэтэктыўным нумары часопіса “ПрайдзіСвет” “Art detected” (27 сакавіка 2012), аднак уключае таксама новыя пераклады. Раней у серыі “PostScriptum” выйшаў зборнік выбраных твораў Эдгара По “Маска Чырвонае Смерці” (“Кнігазбор”, 2011). Кніга “Злачынства, сэр!” складаецца з дзвюх частак: першая, аднайменная, змяшчае класічныя і сучасныя дэтэктыўныя апавяданні, другая, пад назвай “Бясчынства, сэр!”, — пародыі на дэтэктыўны жанр. У дадатку прадстаўленыя два рэцэпты напісання добрых дэтэктыўных твораў. Прадмову да кнігі пад назвай “Пра бездакорнасць метаду” напісала Кацярына Маціеўская, укладальнік зборніка — Ганна Янкута. Канцэпцыя зборніка “Злачынства, сэр!” грунтуецца на меркаванні, што дэтэктыўнае апавяданне — неабавязкова жанр масавай літаратуры. Для зборніка абіраліся творы, якія паказваюць дэтэктыў з розных бакоў, дэманструюць розныя эпохі і аўтарскія…

Чытаць цалкам

12 ліпеня 2013

Рукапіс першага рамана Сэмюэла Бэкета прадалі за 1,5 мільёна даляраў

Новым уладальнікам чарнавіка стаў брытанскі Універсітэт Рэдынга, у якім ужо захоўваецца частка архіва Бэкета і актыўна вядзецца праца па вывучэнні яго творчасці. У навучальнай установе падкрэслілі, што тэкст, які каля 50 гадоў знаходзіўся ў прыватных руках, цяпер будзе даступны даследчыкам. Рукапіс уяўляе сабой шэсць сшыткаў агульным аб’ёмам больш чым 700 старонак, паведамляе The Guardian. Тэкст напісаны на ангельскай мове розным атрамантам і суправаджаецца аўтарскімі замалёўкамі. Выкладзеная ў рукапісе версія рамана значна адрозніваецца ад фінальнай. Раман “Мэрфі”, першапачаткова названы “Саша Мэрфі”, прысвечаны маладому ірландцу, які жыве ў Лондане і спрабуе ажыццявіць свае мары. Бэкет пачаў пісаць гэты твор у 1935 годзе, аднак доўгі час не мог яго апублікаваць. Раман пабачыў свет у 1938. Сэмюэл Бэкет, які нарадзіўся ў Ірландыі і жыў у Францыі, — адзін з заснавальнікаў тэатра абсурду. Ён пісаў свае творы як на ангельскай, так і на французскай мове. Адна з самых вядомых яго п'ес — “У чаканні…

Чытаць цалкам

8 ліпеня 2013

Прэмію Інгеборг Бахман атрымаў раман пра Кіеў

Ужо пасля першага тура галасавання журы вырашыла, хто стане ўладальнікам прэміі і 25 тысяч еўра. Як паведамляе DW.DE са спасылкай на агенцтва dpa, пісьменніца ўкраінскага паходжання Каця Пятроўская атрымала галоўны прыз літаратурнага фестывалю “Дні нямецкамоўнай літаратуры” ў аўстрыйскім Клагенфурце ў нядзелю, 7 ліпеня. 43-гадовая Пятроўская захапіла журы сваім творам “Магчыма, Эстэр” (Vielleicht Esther). У ім расказваецца пра родны горад аўтаркі Кіеў падчас Другой сусветнай вайны, выгнанне і знішчэнне ўкраінскіх габрэяў у 1941 годзе на прыкладзе яе прабабулі. Пісьменніца апавядае трагічную гісторыю ад імя праўнучкі. За твор Пятроўскай журы прагаласавала амаль аднагалосна. “Выдатна, моцна, свабодна і лёгка вытканы тэкст”, — так растлумачылі сваё рашэнне сябры журы. Такое прызнанне аказалася для аўтара нечаканым. “Наогул я хацела пачуць трохі больш крытыкі”, — сказала яна, атрымліваючы ўзнагароду на сцэне. Каця Пятроўская нарадзілася ў 1970 годзе ў Кіеве. Пасля атамнай катастрофы на Чарнобыльскай…

Чытаць цалкам

№21: Знак прысутнасці

Змест