Навіны літаратуры

6 чэрвеня 2013

Найбуйнейшую нямецкую прэмію ўручылі Сібіл Левічараў

Раманы нямецкай пісьменніцы вылучаюцца “невычэрпнай энергіяй, магутным апавядальным уяўленнем і моўным багаццем”, — падкрэслівае журы прэміі, якая ўручаецца штогод Акадэміяй нямецкай мовы і літаратуры ў Дармштаце. Сібіл Левічараў, якая нарадзілася ў 1954 годзе ў Штутгарце ў сям'і балгарына і немкі, — аўтар сямі раманаў і некалькіх зборнікаў эсэ. Грашовы памер самай прэстыжнай нямецкай літаратурнай прэміі, што носіць імя паэта і драматурга Георга Бюхнера, складае 50 тысяч еўра. Узнагароду ўручаюць з 1951 году. Яе лаўрэатамі былі, у прыватнасці, Гюнтэр Грас, Генрых Бёль, Эльфрыда Елінэк, якія пазней атрымалі Нобелеўскую прэмію.

Чытаць цалкам

6 чэрвеня 2013

Летняя школа міжкультурнага дыялогу

Да ўдзелу запрашаюцца мэнэджары ў галіне культуры, прадстаўнікі НДА, якія ажыццяўляюць культурныя праекты, журналісты, што асвятляюць культурную тэматыку. Камунікацыя ў школе будзе адбывацца на ангельскай мове. Падрабязнасці на сайце: http://epccongress.eu/en/news/bordelralnd-school-call-for-participants/

Чытаць цалкам

6 чэрвеня 2013

Прэмію Кафкі ўручылі Амосу Озу

Оз быў абраны па выніках галасавання журы, у якое ўваходзіў, у прыватнасці, вядомы нямецкі крытык Марсэль Райх-Раніцкі. Цырымонія ўручэння прэміі і грашовага прыза ў памеры 10 тысяч даляраў адбудзецца ў Празе ў кастрычніку гэтага года. Творы 74-гадовага Амоса Оза перакладзеныя больш чым на 40 моваў свету. У 2009 годзе ён быў адным з прэтэндэнтаў на Нобелеўскую прэмію па літаратуры. Міжнародная прэмія Франца Кафкі была заснаваная ў 2001 годзе, яе уручае мэрыя Прагі — горада, дзе жыў і нарадзіўся пісьменнік, — сумесна з Таварыствам Кафкі. Прэмія прысуджаецца аўтару, чые творы “звернутыя да ўсіх чытачоў незалежна ад іх паходжання, нацыянальнасці і культуры”. Лаўрэатамі прэміі ў розныя гады былі Гаральд Пінтэр, Эльфрыда Елінэк, Харукі Муракамі, а таксама Вацлаў Гавэл.

Чытаць цалкам

4 чэрвеня 2013

Памёр Юрась Бушлякоў

29 траўня яму споўнілася 40 гадоў. Пасля заканчэння мінскай сярэдняй школы з залатым медалём Юрась паступіў на філалагічны факультэт Беларускага дзяржаўнага ўніверсітэта, які скончыў з чырвоным дыпломам. У 2003 годзе ён абараніў дысертацыю на тэму “Моватворчая практыка Янкі Станкевіча (з гісторыі нармалізацыі беларускай мовы)”. Выкладаў у БДУ, у Нацыянальным гуманітарным ліцэі ў Мінску, у Карлавым універсітэце (Прага). Журналістыкай Юрась займаўся ад 1994 году, працаваў у незалежных СМІ, на Радыё Рацыя, апошнія дзесяць гадоў — на Радыё Свабода. У Юрася Бушлякова засталіся бацькі і сын. Развітанне адбудзецца ў Мінску 6 чэрвеня з 13 да 14 гадзіны ў рытуальнай зале №1 па вуліцы Альшэўскага, 12.

Чытаць цалкам

1 чэрвеня 2013

Уваход дарослым зноў забаронены

Безумоўна, абараніць дзіця з дапамогай электроннай публікацыі трошкі складаней, чым, напрыклад, з дапамогай важкай таміны кілаграмы на два. Тым не менш гісторыя пра Сланяня можа даць любому дзіцяці карысную параду пра тое, як можна ўратавацца ад небяспекі хобатам і дзе гэты хобат здабыць. Ну а шведскія казкі — гэта ўвогуле ўніверсальны сродак самаабароны: некаторыя такія страшныя, што іх можна расказваць злачынцам у якасці пакарання. Аднак сёння ж свята, таму ніякіх жахаў — а толькі прынцэсы і шчаслівыя развязкі! Прыемнага чытання!Рэд’ярд Кіплінг. Казка пра Сланяня Варанянка. Шведская народная казка Каціны начальнік, або Прынцэса з Катаграда. Шведская народная казка

Чытаць цалкам

24 траўня 2013

Школьна-літаратурны выпускны на “Параходзіку сучаснасці”

Маладыя аўтары прадставяць адно аднаго і пачытаюць свае тэксты. Бяруць удзел: Раман Абрамчук, Павел Анціпаў, Марына Варабей, Андрэй Вылінскі, Наста Грышчук, Кірыл Дубоўскі, Павел Капанскі, Андрэй Касцюкевіч, Марыя Лапо, Дар’я Латышава, Аня Міхальчук, Антон Рудак, Аня Рудак, Кірыл Стаселька, Воля Чайкоўская, Наталля Ярмольчык, Юля Цімафеева, Дар'я Вашкевіч, Наста Манцэвіч, Яна Бандарчык. “Параходзік сучаснасці” (а менавіта такую назву носіць вечарына-выпускны) адчальвае ў 18.30. Уваход вольны. Аўтар фота -- Алена Казлова.

Чытаць цалкам

23 траўня 2013

Міжнародны Букер-2013 атрымала Лідзія Дэвіс

У ліку прэтэндэнтаў на атрыманне прэстыжнай узнагароды быў і рускі пісьменнік Уладзімір Сарокін. Пасля Людмілы Уліцкай, якая была ўключаная ў лік намінантаў у 2009 годзе, ён стаў другім расіянінам, які трапіў у спіс прэтэндэнтаў на гэтую прэмію. На Букер-2013 таксама прэтэндавалі Аарон Апельфельд з Ізраіля, У. Р. Анантамурці з Індыі, Мэрылін Робінсан з ЗША, Мары Ндзьяй з Францыі, Інцізар Хусэйн з Пакістана, Ёсіп Наваковіч з Канады, Янь Ліэньке з Кітая і Пітэр Штам са Швейцарыі. 65-гадовая Лідзія Дэвіс атрымала вядомасць як аўтар раманаў, кароткіх і вельмі кароткіх апавяданняў і эсэ. Да прыкладу, яе апавяданне “Двайное адмаўленне” гучыць наступным чынам: “На пэўным этапе свайго жыцця яна разумее: справа не столькі ў тым, што яна хоча мець дзіця, колькі ў тым, што яна не хоча не мець дзіця ці не хоча дзіця не займець”. (“At a certain point in her life, she realises it is not so much that she wants to have a child as that she does not want not to have a child, or not to have had a child”).…

Чытаць цалкам

22 траўня 2013

Першае выданне “Гары Потэра” з аўтарскімі пазнакамі прадалі за 230 тысяч даляраў

Выданне ўяўляе сабой адзін з 500 асобнікаў самага першага рамана пра Гары Потэра. Ён змяшчае рукапісныя пазнакі аўтара на палях, 22 малюнкі Роўлінг і яе 43-старонкавы каментар. Кнігу набыў невядомы пакупнік, які ўдзельнічаў у таргах праз тэлефон. Акрамя “Гары Потэра” з малатка пайшлі яшчэ 50 першых выданняў вядомых раманаў брытанскіх аўтараў. У прыватнасці, “Мацільду” Руала Дала прадалі за 45 тысяч даляраў, за “Рэшту дня” Кадзуа Ісігура пакупнік выклаў 27 тысяч даляраў, а “Метралэнд” Джуліяна Барнса набылі за 21 тысячу. Агульная выручка дабрачыннага аўкцыёну склала крыху больш за 650 тысяч даляраў. Усе гэтыя сродкі перададуць ангельскаму ПЭН-клубу, які займаецца абаронай правоў чытача і адстойвае свабоду выказвання меркаванняў. “Гары Потэр і філасофскі камень” — дэбютны раман Джоан Роўлінг і першая з сямі кніг пра чараўніка Гары Потэра. Ён быў апублікаваны ў 1997 годзе. Крытыкі прызналі раман найлепшай дзіцячай кнігай году. У 2001 годзе выйшла экранізацыя гэтага рамана, знятая Крысам Каламбусам.

Чытаць цалкам

22 траўня 2013

Новую кнігу Віялеты Пачкоўскай прэзентуюць 28 траўня

“Арэхападзенне — гэта кніга пра шчасце, простае як два пальцы… Вас чакаюць успаміны пра бабуліны перапечкі, крыштальнае паветра і бесклапотную пенсію... Сумныя вершы пра шчаслівае каханне, самотнага бога і грамадскі транспарт”, — паведамляецца ў анатацыі да выдання. У вечарыне возьмуць удзел: Андрэй Адамовіч, Павел Анціпаў, Уладзь Лянкевіч, Андрэй Пакроўскі, Віялета Пачкоўская, Юлія Цімафеева, Юля Арцёмава. Пачатак а 19-й. Уваход вольны.

Чытаць цалкам

22 траўня 2013

У Даніі выйдзе фільм пра Астрыд Ліндгрэн

Паводле словаў стваральніцы, творчасць Ліндгрэн ёй вельмі блізкая, і ў стужцы Крыстэнсэн плануе перадаць працэс стварэння вядомых казак пісьменніцы праз прызму яе нялёгкага лёсу. Праца над фільмам будзе завершаная ў 2014 годзе, а прэм’ера запланаваная на пачатак 2015. Адной з цэнтральных тэмаў стужкі “Астрыд” будуць адносіны паміж пісьменніцай і яе сынам Ларсам. Зацяжараўшы ў 18-гадовым узросце (у 1926) ад жанатага мужчыны, Астрыд аддала сына ў дацкую прыёмную сям’ю, бо не мела магчымасці клапаціцца пра хлопчыка. Пазней, знайшоўшы пастаянную працу, пісьменніца забрала хлопчыка, а ў 1934 годзе нарадзіла дачку Карын, для якой, дарэчы, прыдумала першыя гісторыі пра Піпі Доўгуюпанчоху, якія пазней леглі ў аснову аповесцяў. Сярод кніг пісьменніцы, якія з дзяцінства знаёмыя многім з нас, — казкі пра Эміля з Лёнебергі, Малога і Карлсана, серыя апавяданняў пра Кале Блюмквіста, аповесці “Міё, мой Міё” і “Роні, дачка разбойніка”. Нагадаем, Астрыд Ліндгрэн памерла ў 94-гадовым узросце ў 2002 у Стакгольме.…

Чытаць цалкам

№21: Знак прысутнасці

Змест