Навіны літаратуры

15 траўня 2013

Прадусар “Уладара пярсцёнкаў” прадставіць сенсацыйны фільм пра Сэлінджэра

Рэжысёрам фільма выступае Шэйн Салерна, які здымаў да гэтага часу толькі баевікі. Салерна ўклаў у “Сэлінджэра” два мільёны даляраў з уласных сродкаў, аднак Вайнштэйн купіў праект яшчэ на стадыі чарнавіка: знакаміты “вытворца Оскараў” (на рахунку Вайнштэйна як прадусара — такія карціны, як “Банды Нью-Ёрка” і “Закаханы Шэкспір”, “Чыкага”, “Уладар пярсцёнкаў”, “Забіць Біла” і інш.) адчувае ў карціне велізарны патэнцыял. Фільм будзе часткова паказаны ў Канах на найбліжэйшым фестывалі, але не цалкам, асноўная інтрыга стане вядомая гледачам толькі пасля прэм'еры ў ЗША, якая прызначаная на 6 верасня 2013.

Чытаць цалкам

15 траўня 2013

Знойдзены дзённік Ўістана Х’ю Одэна

У дзённіку, які эксперты называюць “неверагоднай знаходкай”, гаворыцца пра пачатак вайны і перыяд, калі паэт напісаў адзін з самых вядомых сваіх твораў, “1 верасня 1939”. У гэты час Одэн пераехаў з Вялікабрытаніі ў ЗША, праз некаторы час пасля таго, як сустрэўся з каханнем усяго свайго жыцця Чэстэрам Колмэнам (Chester Kallman), якога называе ў дзённіку “С.”. Манускрыпт на 96 старонак ацэнены ў 60-90 тысяч даляраў. Настрой дзённікавых запісаў у асноўным невясёлы, але ў іх знайшлося месца гумару і дасціпным назіранням. “У 32 гады я думаю, што нямоцна змянюся ў фізічным плане цягам жыцця, акрамя, мабыць, вагі, якая цяпер складае 154 фунты, — пісаў Одэн. — Я шчаслівы, хоць і ў даўгах. У мяне няма працы. У маёй візе памылка. Магчыма, хутка пачнецца вайна. Але мне трэба пісаць эпіталаміён, і мне няма пра што перажываць”. Адносіны паміж Одэнам і Колмэнам, які быў маладзейшы за паэта на 14 гадоў, былі прычынай шматлікіх спекуляцый біёграфаў аўтара, аднак цяпер стала бачна, што з першых вуснаў яны…

Чытаць цалкам

8 траўня 2013

Аўтарка “Забіць перасмешніка” аспрэчвае правы на раман у судзе

Паводле словаў адваката пісьменніцы Глорыі Фэйз, у 2007 годзе, калі Х. Лі знаходзілася ў доме для састарэлых г. Манровіль (штат Алабама) пасля інсульту, С. Пінкус, скарыстаўшыся дрэнным станам яе здароўя, а таксама парушэннямі зроку і слыху, падманам прымусіў яе падпісаць дакумент аб перадачы правоў на публікацыю рамана “Забіць перасмешніка” яму і ягонаму выдавецтву. Права на публікацыю было вернутае пісьменніцы судом у 2012 годзе, аднак, як паведаміла Г. Фэйз, С. Пінкус па-ранейшаму працягвае атрымліваць грошы ад перавыдання рамана. Раман “Забіць перасмешніка”, апублікаваны ў 1960 годзе ў ЗША, апавядае аб дыскрымінацыі афраамерыканскага насельніцтва паўднёвых штатаў ЗША. Агульны наклад кнігі складае больш за 30 млн асобнікаў. У 1961 годзе кніга атрымала прэстыжную Пулітцэраўскую прэмію. У 2003 годзе раман заняў 6 радок у спісе 200 найлепшых кніг па версіі ВВС. Вывучэнне гэтага твора з'яўляецца часткай абавязковай праграмы ў амерыканскіх школах.

Чытаць цалкам

30 красавіка 2013

Знайшлі новы аўтограф Максіма Багдановіча

Сапраўдны аўтограф Максіма Багдановіча знойдзены ў фондах бібліятэкі Яраслаўскага дзяржаўнага педагагічнага ўніверсітэта. Пра гэты адметны факт распавяла дырэктар дома-музея Максіма Багдановіча ў Яраслаўлі Наталля Прохарава. Паводле яе словаў, плануецца перадаць гэтую знаходку беларускаму боку. Дом-музей Максіма Багдановіча размешчаны ў тым жа будынку, у якім пражываў паэт з 1912 па 1914 год. Тут праводзіцца шмат розных мерапрыемстваў, конкурсаў, канцэртаў, створана група па вывучэнні беларускай мовы. Штогод дом-музей наведваюць каля 6 тысяч чалавек, па жаданні якіх тут праводзяцца і беларускамоўныя экскурсіі. Як вядома, Максім Багдановіч пражываў у Яраслаўлі з 1908 па 1916. Яраслаўцы захоўваюць памяць пра беларускага класіка: акрамя дома-музея ў горадзе ўсталяваны помнік Максіму Багдановічу, ёсць і вуліца, якая носіць яго імя.

Чытаць цалкам

30 красавіка 2013

Уручылі Варшаўскую літаратурную прэмію

У намінацыі “Проза” перамог Казімеж Орлась за кнігу “Дом пад Лютняй”. У кнізе аўтар апісвае жыццё мазурскай вёскі, дзе пасля вайны знайшлі свой дом украінцы, палякі, нямецкамоўныя палякі. Орлась паказвае, як у цяжкія часы людзі кіраваліся ва ўзаемных стасунках не паняццямі народу альбо рэлігіі, а простай сумленнасцю. Сам Казімеж Орлась адзначыў: “Некаторыя здзівіліся, што я заўсёды быў аўтарам, які рэальна і жорстка піша пра свет, паказвае чорную рэчаіснасць. А тут нечакана — ідылія. Ды яшчэ і ў пасляваенных умовах, калі быў сталінізм і вельмі сумныя часы. Я гэта пісаў з перспектывы 9-гадовага хлопца, мне падказвала памяць. Я трошкі памятаю сталінізм — з размоваў бацькоў, з хатняй атмасферы, але і ў той жа час памятаю сонечнае святло, Варшаву ў руінах, але сонечную. І гэтыя цудоўныя Мазуры, дзе я правёў першыя пасляваенныя канікулы. Я быў там з бацькамі тройчы, як і Томэк з майго рамана. У намінацыі “Паэзія” галоўную ўзнагароду здабыў Кшыштаф Карасэк за зборнік вершаў “Дзённік героя”. Прэмію…

Чытаць цалкам

30 красавіка 2013

Расійскі мільярдэр купіў рукапіс “Сняданку ў Тыфані”

Аўкцыён праходзіў з 18 па 25 красавіка. Перад пачаткам таргоў арганізатары заяўлялі, што плануюць выручыць за лот не менш за 250 тысяч даляраў. 84-старонкавы тэкст “Сняданку ў Тыфані” быў надрукаваны Капотэ ў 1958 годзе для выдавецкага дома Random House. Рукапіс змяшчае шматлікія аўтарскія пазнакі, у тым ліку аб змене імя галоўнай гераіні з Коні Густафсан (Connie Gustafson) на Холі Голайтлі (Holly Golightly). Першапачаткова правы на “Сняданак у Тыфані” набыў часопіс Harper's Bazaar, аднак ён адмовіўся ад публікацыі рамана праз “сумнеўны” вобраз галоўнай гераіні — маладой дзяўчыны, якая жыве за кошт багатых палюбоўнікаў. У Harper's Bazaar правы на раман выкупіў часопіс Esquire, дзе ў 1958 годзе і быў упершыню надрукаваны “Сняданак у Тыфані”. Амаль адначасова з публікацыяй рамана ў Esquire “Сняданак у Тыфані” выпусціла ў выглядзе кнігі выдавецтва Random House. У 1961 годзе на экраны выйшла экранізацыя рамана, галоўную ролю ў якой грала Одры Хэпберн. Фільм “Сняданак у Тыфані”, зняты рэжысёрам…

Чытаць цалкам

29 красавіка 2013

Беларус Міхаіл Шэлехаў атрымаў “Рускую прэмію”

Міхаіл Шэлехаў удастоены трэцяй прэміі ў намінацыі “Малая проза” за зборнік “Колодец потопа. Ориентальные новеллы”. У катэгорыі “Малая проза” пераможцам стаў аўтар з Украіны — журы ўзнагародзіла журналіста і перакладчыка Мар'яну Ганчарову за аповесць “Дракон из Перкалаба”. Другой прэміяй уганаравалі Кацю Каповіч з ЗША за зборнік апавяданняў “Вдвоем веселее”. Першую прэмію ў намінацыі “Буйная проза” атрымаў Уладзімір Рафеенка з Украіны за кнігу “Демон Декарта. Роман-сновиденье”. У намінацыі “Паэзія” лаўрэатам “Рускай прэміі” стаў Алег Дразмораў з Вялікабрытаніі за зборнік “Смотреть на бегемота”, другое месца дасталася Вячаславу Шапавалаву з Кыргызстана (зборнік “Евроазис”), а трэцяе — Ганне Глазавай за зборнік вершаў “Для землеройки”. Міжнародны літаратурны конкурс “Руская прэмія” заснаваны ў 2005 годзе пры падтрымцы Прэзідэнцкага цэнтра Б.М.Ельцына. “Руская прэмія” прысуджаецца штогод аўтарам літаратурных твораў, напісаных на рускай мове. У конкурсе могуць браць удзел пісьменнікі і паэты,…

Чытаць цалкам

24 красавіка 2013

Прэмію Сервантэса атрымаў Кабальера Бональд

Прэмію, грашовы эквівалент якой складае 125 тысяч еўра, традыцыйна ўручаюць аўтару, які жыве цяпер і піша на гішпанскай мове, а цырымонія ўручэння праходзіць 23 красавіка, у дзень смерці Сервантэса. Узнагароду Бональду ўручыў наследны прынц Гішпаніі Феліпэ ў прысутнасці прэм’ер-міністра краіны Марыяна Рахоя, міністра адукацыі, культуры і спорту Хасэ Ігнасіё Верта і іншых высокапастаўленых асобаў. 86-гадовы Бональд быў уганараваны прэміяй Сервантэса ў лістападзе мінулага году “за майстэрскае валоданне мовай, за плённую і паспяховую кар’еру, у якой ён змог раскрыцца ў розных жанрах, нягледзячы на тое, што асноўнай для яго была паэзія”. Кабальера Бональд нарадзіўся ў 1926 годзе. За жыццё напісаў мноства твораў і быў ганараваны шэрагам прэстыжных узнагарод і прэмій, сярод якіх Нацыянальная прэмія ў галіне літаратуры, Нацыянальная прэмія ў галіне паэзіі, прэмія каралевы Сафіі, а таксама прэмія імя Федэрыка Гарсіі Лоркі. Прэмія Сервантэса, заснаваная ў 1976 годзе, лічыцца гішпанскім эквівалентам…

Чытаць цалкам

24 красавіка 2013

Па-беларуску выйшла кніга вершаў латыша Улдыса Бэрзыньша

Улдыс Бэрзыньш У дзвярах рагочуць, альбо Мастацтва паэтычнага перакладу Бярэ пяро Фрэд піша Слова і Так і Не і ўсё папера ўсё папера Так і Не (стой Так ці Не?) і ўсё папера ўсё папера ўсё папера (чуй у эстонца адно слова ёсць ні Так ні Не а файнае як быццам Так і трапнае як быццам Не) ці Так ці Не туфля слізгоча сраная папера (атрамант дзе: ёсць Слова! ёсць яно ні Так ні Не) альбо ёсць Так альбо ўжо ж Не (ці так ці не?) і ўсё папера ўсё папера ўсё папера смяецца Не трасецца барада ў казла ўсыхаецца бярэзіна і на вайну сыходзіць брат ліса з’ядае вінаград і Кемпе мацае сябе за сэрца так прамаўляецца з паперы Так квіт- нее піва гордым коласам дзядзькі ідуць з аплатай кныр у хлеве рохкае і рана певень будзіць (будзе сотня кніг і ўсюды Так і Так) так і так і не і ўсё папера Пацее даланя прылушчваецца слова есць пазногаць Кемпе моташна і чорт і Вяйнямёйнен у дзвярах рагочуць. (з “Помніка Дону Алфрэда”) Пераклаў з латышскай Андрэй Гуцаў Улдыс Бэрзыньш (Uldis…

Чытаць цалкам

23 красавіка 2013

Сёння — Сусветны дзень кніг і аўтарскага права

Менавіта 23 красавіка ў 1616 годзе памерлі Мігель дэ Сервантэс, Ўільям Шэкспір, Інка Гарсіласа дэ ла Вега. У гэты дзень нарадзіліся Уладзімір Набокаў, Марыс Друон, Мануэль Вальеха. Цяпер Сусветны дзень кніг і аўтарскага права адзначаецца ў 190 краінах свету. Сама ж традыцыя святкавання ўзнікла ў Каталоніі, дзе 23 красавіка на Дзень Юрыя за кожную набытую кнігу дарылі ружу.

Чытаць цалкам

№21: Знак прысутнасці

Змест