Навіны літаратуры

14 лютага 2013

Слугі стануць галоўнымі героямі “Пыхі і перадузятасці”

У цэнтры сюжэту — раман служанкі сямейства Бэнэт і лёкая, які паступіў на службу ў іх дом у Лонгбарне. Іх рамантычныя стасункі развіваюцца на фоне галоўнай любоўнай лініі рамана Остэн — адносінаў містэра Дарсі з Элізабэт Бэнэт. Паводле словаў Бэйкер, “Пыха і перадузятасць” была яе першым досведам чытання “дарослай літаратуры”. Пісьменніца прызналася, што калі б яна жыла ў пачатку XIX стагоддзя, то не ездзіла б на балі, а сядзела б дома з шыццём (асабліва ўлічваючы тое, што доўгія гады ў яе сям'і былі слугі). Менавіта гэта прымусіла Бэйкер напісаць працяг гісторыі Остэн, аднак галоўнымі героямі яна зрабіла людзей, якім у арыгінальным творы няма месца. У пачатку лютага правы на публікацыю рамана набылі амерыканскае выдавецтва Knopf і брытанскае Doubleday. Правы на пераклад твора купілі ў Гішпаніі, Італіі, Нарвегіі, Даніі, Германіі, Францыі і іншых краінах. Нагадаем, што ў 2013 годзе спаўняецца 200 гадоў з моманту выхаду самага папулярнага рамана Джэйн Остэн.

Чытаць цалкам

12 лютага 2013

У Ерусаліме адкрыўся самы прэстыжны ў свеце кніжны кірмаш

Шэсцьсот выдаўцоў і аўтараў з больш чым 30 краінаў свету прадставяць паліграфічную прадукцыю планеты. У праграме мерапрыемства — дыскусіі, майстар-класы, прэзентацыі навінак, семінары і сімпозіюмы. Галоўная падзея кірмашу — уручэнне Ерусалімскай прэміі за прапаганду ідэі свабоды асобы ў грамадстве. Яе лаўрэатамі былі Борхес, Кундэра, Мілер. Сёлета ўзнагароду атрымае гішпанскі літаратар і журналіст Антоніё Муньяс Маліна.

Чытаць цалкам

12 лютага 2013

Лінгвісты распрацавалі алгарытм, здольны ажыўляць старажытныя мовы

“Мы спадзяемся, што наш алгарытм зробіць рэвалюцыю ў гістарычнай лінгвістыцы прыкладна гэтак жа, як статыстычны аналіз і вылічальныя магутнасці кампутараў змянілі эвалюцыйную біялогію. І хоць нашая сістэма не знойдзе ўсіх нюансаў, якія заўважаць лінгвісты-прафесіяналы, яна дапаможа ім выкарыстоўваць больш моваў падчас рэканструкцыі іх “продкаў”, — заявіў Аляксандр Бушар-Катэ з універсітэта Брытанскай Калумбіі ў Ванкуверы (Канада). Бушар-Катэ і яго калегі навучылі кампутар “ажыўляць” старажытныя мовы, распрацаваўшы статыстычную мадэль, здольную знаходзіць роднасныя сувязі паміж словамі ў роднасных мовах. Алгарытм шукае гэтыя сувязі, аналізуючы словы на ўзроўні найпрасцейшых гукавых элементаў, з якіх складаюцца аналізаваныя гаворкі. Дадзеныя па дзясятках тысяч словаў аб'ядноўваюцца з дапамогай статыстычных алгарытмаў, якія паступова аднаўляюць аблічча старажытнай мовы, ад якой пайшлі аналізаваныя гаворкі. Для дэманстрацыі працаздольнасці свайго вынаходніцтва Бушар-Катэ і яго калегі рэканструявалі…

Чытаць цалкам

11 лютага 2013

Абвясцілі шорт-ліст прэміі імя Ежы Гедройца

На сустрэчы выступілі: ганаровы старшыня журы, надзвычайны і паўнамоцны пасол Рэспублікі Польшча ў Рэспубліцы Беларусь Лешак Шарэпка, старшыня Беларускага ПЭН-Цэнтра, паэт, перакладчык Андрэй Хадановіч, старшыня Саюза беларускіх пісьменнікаў, празаік Барыс Пятровіч. Спачатку пан Шарэпка падкрэсліў, што галоўная мэта прэміі — ацаніць мастацкую вартасць кніг і падтрымаць сучасную беларускую прозу. Барыс Пятровіч падзякаваў за ідэю стварэння прэміі польскаму боку і “Сомбелбанку”, расказаў, як працавала журы. Больш за 40 кніг сёлета было пададзена на прэмію, і выбар для сябраў журы быў няпросты. Цягам студзеня на сайце прэміі былі апублікаваныя рэцэнзіі крытыкаў на 12 кніг, што трапілі ў лонг-ліст. У шорт-ліст увайшлі: Сяргей Балахонаў “Зямля пад крыламі Фенікса”; Альгерд Бахарэвіч “Гамбурскі рахунак Бахарэвіча”; Адам Глобус “Сказы”; Уладзімір Някляеў “Аўтамат з газіроўкай з сіропам і без”; Людміла Рублеўская “Авантуры Пранціша Вырвіча, шкаляра і шпега”; Юры Станкевіч “Шал”. Віншуем празаікаў,…

Чытаць цалкам

11 лютага 2013

Дзеці любяць Маер і Роўлінг больш за Руала Дала

Амерыканская адукацыйная кампанія Renaissance Learning высветліла: хоць Руал Дал застаецца найбольш чытаным аўтарам у дзяцей, ніводная з яго кніг не трапіла ў дзясятку ўлюбёных твораў у межах даследавання “Што чытаюць дзеці”. Апытанне паказала: самая папулярная кніга — “Шкляны дом: Вампіры Морганвіля” Рейчэл Кейн, першы раман з 15-часткавай фэнтэзійнай серыі, разлічанай на падлеткаў. Некаторыя кнігі серыі ўвайшлі ў спіс бэстсэлераў паводле версіі Тhe New York Times. Першая частка суперпаспяховай сагі пра вампіраў Стэфані Маер — “Змярканне” — таксама трапіла ў спіс перавагаў юных чытачоў, заняўшы трэцяе месца. Знайшлося месца і для двух раманаў Джоан Роўлінг — “Гары Потэр і вязень Азкабана”, “Гары Потэр і Кубак агню”, — і для “Кракадзілавых слёз” Энтані Горавіца. Зрэшты, Дал стаў “любімым аўтарам настаўнікаў” у 2012 годзе. “Нягледзячы на тое, што творы Дала да гэтага часу шырока вывучаюць у школах, густы дзяцей вельмі змяніліся пад уплывам тэле- і кінаіндустрыі: напрыклад, цяпер мода на…

Чытаць цалкам

8 лютага 2013

Названыя імёны фіналістаў Прэміі Белкіна — 2012

Сёлета ў журы прэміі ўвайшлі пісьменнік Юрый Буйда, галоўны рэдактар часопіса “Арион” Аляксей Алёхін, літаратурны крытык Леанід Бахноў, дырэктар Дзяржаўнага музея імя Пушкіна Яўгеній Багатыроў, пісьменнік Дзяніс Драгунскі. Фіналісты атрымаюць па 50 тысяч расійскіх рублёў, лаўрэат — 150 тысяч. Як паведамілі арганізатары прэміі, “лаўрэат стане вядомы на Масленіцу”. Урачыстая цырымонія адбудзецца ў атрыюме Дзяржаўнага музея імя Пушкіна. Нацыянальная літаратурная прэмія Івана Пятровіча Белкіна была заснаваная ў 2001 годзе. Гэта адзіная ў свеце літаратурная прэмія, названая імем літаратурнага персанажа. Арганізатарам прэміі выступае фонд “Руская літаратурная ініцыятыва”, а афіцыйным партнёрам і галоўным спонсарам — Прэзідэнцкі цэнтр Б. Ельцына.

Чытаць цалкам

7 лютага 2013

Тры найбуйнейшыя выдавецтвы ЗША запусцілі анлайн-рэсурс Bookish

Акрамя заснавальнікаў ініцыятыву падтрымалі яшчэ пятнаццаць выдаўцоў: у базе на дзень запуску рэсурсу налічвалася каля двух мільёнаў ISBN з інфармацыяй па кожнай назве, каля 400 тысяч старонак з дадзенымі пра аўтараў, старонкі з кніжнымі рэцэнзіямі з розных СМІ і ўласныя матэрыялы рэдакцыі рэсурсу, найважнейшыя рэйтынгі бэстсэлераў. Карыстальнікі партала атрымліваюць магчымасць дадаваць на сайт уласныя рэцэнзіі, дзяліцца рэкамендацыямі, складаць свае рэйтынгі і г.д. Кантэнт павялічваецца штодня. Набыць кнігі, прычым як друкаваныя, так і ў лічбавым і аўдыёфармаце, таксама прапануецца, прычым як наўпрост праз сайт, так і на іншых рэсурсах (у ліку партнёраў — Amazon, Barnes&Noble, Books-A-Million, IndieBound і Kobo), на якія тут жа даюцца спасылкі. Сярод іншых найважнейшых партнёраў праекту — газета USA Today, з “кніжным” анлайн-раздзелам якой новы рэсурс будзе інтэграваны. Фактычна Bookish уяўляе сабой камбінацыю сэрвісу рэкамендацый з элементамі сацыяльнай сеткі і галіновага СМІ і анлайн-рытэйлера.…

Чытаць цалкам

6 лютага 2013

Агату Крысці падазравалі ў сувязях з сакрэтнай службай

Шыфравальнікі з маёнтка Блэтчлі-Парк выконвалі асаблівую ролю ў брытанскай арміі. Менавіта яны ўзламалі нямецкі шыфравальны код “Энігма”. Пра існаванне падраздзялення мала хто ведаў, у той час як ад працы яго супрацоўнікаў залежалі ключавыя рашэнні, якія прымалі ў штабе войскаў Вялікабрытаніі. У 1941 годзе ў Агаты Крысці выйшаў шпіёнскі раман “Н ці М?”. Адзін з герояў кнігі, былы вайсковец індыйскай арміі, быў названы маёрам Блэтчлі. Герой сцвярджаў, што ведае планы брытанскіх войскаў па барацьбе з Гітлерам. Пасля выхаду кнігі супрацоўнікі МІ-5 западозрылі, што пісьменніца ведае пра існаванне сакрэтнага шыфравальнага падраздзялення Блэтчлі-Парк. Больш за тое, у Агаты Крысці сярод сяброў быў супрацоўнік гэтага падраздзялення Дылі Нокс. Контрразведчыкі не рызыкнулі дапытаць Агату Крысці, баючыся агалоскі такіх дзеянняў. Замест гэтага яны дапыталі Нокса. Шыфравальнік пераканаў МІ-5, што ён нічога не расказваў пісьменніцы пра сваю працы. Ён паабяцаў даведацца, адкуль Агата Крысці ўзяла імя…

Чытаць цалкам

5 лютага 2013

Прэзентацыя кніг — намінантаў на прэмію імя Ежы Гедройца

6 лютага 17.00. Уладзімір Някляеў з прэзентацыяй кнігі “Аўтамат з газіроўкай з сіропам і без”. 17.30. Андрэй Пакроўскі з кнігай “Як я перастаў верыць у Дзеда Мароза”.. 7 лютага 16.00. Андрэй Федарэнка з кнігай “Ланцуг”. 17.00. Уладзімір Сцяпан з кнігай “Адна капейка”. 17.30. Алесь Пашкевіч з кнігай “Сімъ побѢдиши”. 8 лютага 16.30. Адам Глобус з кнігай “Сказы”. 17.00. Людміла Рублеўская з кнігай “Авантуры Пранціша Вырвіча, шкаляра і шпега”. 9 лютага 15.30. Сяргей Балахонаў з кнігай “Зямля пад крыламі Фенікса”. 16.00. Паліна Качаткова з кнігай “Матылі”. Плануецца, што прэзентацыі пройдуць на стэндзе пасольства Рэспублікі Польшча. Пасля прэзентацый адбудуцца аўтограф-сесіі на стэндзе выдавецтва “Логвінаў”, дзе можна будзе набыць вышэйзгаданыя кнігі. Прэзентацыі правядуць Андрэй Хадановіч і Ганна Кісліцына. Уваход на выставу бясплатны.

Чытаць цалкам

5 лютага 2013

У Мінску пройдзе Другі паэтычны фестываль памяці Міхася Стральцова

Сярод замежных удзельнікаў — паэты з Германіі, Літвы, Расіі, Украіны, Швецыі, Эстоніі. У праграме — міжнародны паэтычны слэм, традыцыйныя паэтычныя чытанні, а таксама некалькі прэзентацый, у тым ліку кніжных серый “Кнігарня пісьменніка” і “Пункт адліку”, узнагароджанне пераможцаў конкурсу імя Максіма Танка. Праграма фестывалю 14 лютага 2013 18.30 — адкрыццё фестывалю: Уладзімір Арлоў, Ігар Бабкоў, Адам Глобус, Галіна Дубянецкая, Ігар Коцюх (Эстонія), Барыс Пятровіч, Данатас Пятрошус (Літва), Алесь Разанаў. Андрусь Такінданг і гурт “Recha” (Рэха). 19.30 — “Слэм Святога Валянціна”: Андрэй Адамовіч, Георгій Барташ, Сяргей Бірукоў (Расія—Германія), Вольга Гронская, Віктар Жыбуль, Кацярына Зыкава, Аня Кампман (Германія), Павел Капанскі, Інга-Ліна Ліндквіст (Швецыя), Сярж Мядзведзеў, Алесь Плотка, Антон Рудак, Віталь Рыжкоў, Арцём Паляжака (Украіна), Дзмітрый Строцаў, Павел Свярдлоў, Андра Тээдэ (Эстонія), Цімур Хоміч, Юля Цімафеева, Воля Чайкоўская. Вядоўца — Андрэй Хадановіч. 15 лютага 2013…

Чытаць цалкам

№21: Знак прысутнасці

Змест