Навіны літаратуры

15 студзеня 2013

Прэмія Т. С. Эліята ўпершыню адышла ў ЗША

У “Скачок аленя” ўвайшлі вершы, прысвечаныя разводу Олдс з яе мужам. Сябры журы на чале з шатландскай паэткай Кэрал Эн Дафі назвалі зборнік “кранальнай кнігай пра прыгажосць і мужнасць”. Прэмію, памер якой складае 15 тысяч фунтаў стэрлінгаў, амерыканцы ўручылі ў лонданскім музеі Wallace Collection. Прэмію ўручае Таварыства паэтычнай кнігі, якое заснаваў англа-амерыканскі паэт Т. С. Эліят. Яна даецца за найлепшы зборнік новых вершаў, апублікаваны ў Вялікабрытаніі або Ірландыі. Сёлета ў шорт-ліст увайшло дзесяць чалавек. Усе лаўрэаты атрымалі тысячу фунтаў стэрлінгаў. Шэран Олдс, якая нарадзілася ў Сан-Францыска ў 1942 годзе, раней двойчы намінавалася на прэмію Эліята. Першы яе зборнік вершаў “Слова Сатаны” выйшаў у 1980-м. З таго часу яна выпусціла яшчэ 11 кніг. Цяпер Олдс выкладае пісьменніцкае майстэрства ў Нью-ёркскім універсітэце.

Чытаць цалкам

14 студзеня 2013

Дэмбельскі альбом Францыска Скарыны ў кнігарні “логвінаЎ”

З гэтай нагоды 19 студзеня ў кнігарні “логвінаЎ” адбудзецца прэзентацыя кнігі, падмацаваная магутным усходнебеларускім дэсантам. У імпрэзе акрамя аўтара ўдзел бяруць: бард Андрэй Мельнікаў, літаратуразнавец Аксана Бязлепкіна, пісьменніца Анка Упала, рэдактар кнігі Аўген Касцюшка. Вядоўца — Ігар Бабкоў. У дадатак Сяргей Балахонаў выканае некалькі песняў а капэла. Кнігарня “логвінаЎ” (пр-т Незалежнасці, 37А), Пачатак а 19-й. Уваход вольны. Пра кнігу: Думаеш, ты ведаеш беларускую гісторыю? Скажы тады, у якіх стагоддзях птушка Фенікс і аднарогі насялялі наш край. Што маляваў Францыск Скарына ў сваім дэмбельскім альбоме? Як адзначалі старадаўнія літвіны сваё вяртанне з Месяца? Дарадца ў гэтых пытаннях — кніга Сяргея Балахонава. Чытайце! Здзіўляйцеся! Спрачайцеся! Кніга “Зямля пад крыламі Фенікса” ўваходзіць у лонг-ліст прэміі імя Гедройца за найлепшую прозу 2012 году.

Чытаць цалкам

12 студзеня 2013

Муракамі выпусціў мабільны дадатак з новымі апавяданнямі

Дадатак уключае шэсць новых апавяданняў і цытаты з папярэдніх твораў Муракамі, у прыватнасці з яго апошняга рамана 1Q84. Як гаворыцца на сайце пісьменніка, дадатак, які можна запампаваць за $3,2, дапаможа прыхільнікам увесь год “жыць” у выдуманым сусвеце Муракамі.Дадатак прызначаны для смартфонаў iPhone і планшэтаў iPad. Загрузіць праграму можна з інтэрнэт-крамы iTunes. Ідэя запусціць такі дадатак прыйшла ў галаву рэдактару Vintage Books. Па сутнасці, дадатак паўтарае штодзённік пісьменніка, апублікаваны ў друкаваным выглядзе ў 2009 годзе. Запуск дадатку супадзе з перавыданнем рамана 1Q84, які апісвае гісторыю кахання выкладчыка матэматыкі Тэнга і інструктара фітнэсу Аомамэ, у мяккай вокладцы. Харукі Муракамі, самаму вядомаму сучаснаму японскаму аўтару, 12 студзеня споўнілася 64 гады. Яго раман “Нарвежскі лес” толькі ў Японіі быў прададзены накладам 4 млн асобнікаў. Муракамі — лаўрэат прэміі Франца Кафкі, прэміі Танідзакі, а таксама Ерусалімскай прэміі.

Чытаць цалкам

11 студзеня 2013

Аўтагенератарам тэкстаў мастацкая літаратура пакуль не па зубах

Спецыялісты, што ствараюць кампутарныя праграмы, даўно займаюцца распрацоўкай софту, які можа аўтаматычна генераваць розны тэкставы кантэнт. Напрыклад, вынайдзеная кампаніяй Narrative Science праграма не толькі дае рады складанню справаздач пра спартыўныя матчы і каментаванню іх у рэальным часе, але і піша эканамічныя агляды для часопіса Forbes. Сур'ёзная эканомія для выдаўцоў на ганарарах дапаўняецца адсутнасцю імавернасці трапіць пад рызыку “чалавечага фактару”. Сур'ёзна захоплены распрацоўкай і ўдасканаленнем алгарытму аўтаматычнай генерацыі тэкстаў Філіп Паркер, прафесар эканомікі, выкладчык маркетынгу бізнэс-школы INSEAD. Ён ужо 10 гадоў займаецца сваёй запатэнтаванай праграмай, якая здольная напісаць кнігу за 20 хвілінаў і з поспехам гэта робіць: працы “аўтапісьменніка” прадаюцца на сайце Amazon, які цяпер прапануе больш за 100 тысяч кніг аўтарства Паркера: толькі тры з іх ён напісаў самастойна, астатняе — вынік працы праграмы. Гэта нон-фікшн творы па розных навуках і бізнэс-напрамках,…

Чытаць цалкам

11 студзеня 2013

Google адкрыў рэгістрацыю на другі курс прасунутага пошуку

Пошук адказаў на пытанні, якія нельга знайсці з дапамогай аднаго запыту, можа хутка ператварыцца ў цэлае даследаванне. Як піша Дэн Расэл, які займае ў Google пасаду тэхнічнага убер-кіраўніка па якасці пошуку і шчасці карыстальнікаў, новы курс прасунутага пошуку дапаможа атрымаць больш глыбокае разуменне таго, як стаць лепшым даследчыкам. Абяцаюць, што цягам курса ўдзельнікі на парадак палепшаць свае навыкі пошуку з дапамогай сучасных і незалежных пошукавых задач, будуць працаваць над іх вырашэннем разам, а таксама змогуць задаваць пытанні пошукавым экспертам Google праз відэасустрэчы ў Google+ і праз форум праграмы. Зарэгістравацца для ўдзелу ў праграме можна тут. Курс пачнецца 23 студзеня і працягнецца да 8 лютага. Паспяхова скончыўшы курс, удзельнікі атрымаюць сертыфікат пра яго заканчэнне.

Чытаць цалкам

11 студзеня 2013

У Італіі знайшлі статуі персанажаў Авідыя

Двухметровыя статуі былі пахаваныя на дне басейна вілы, якая належала, на думку археолагаў, заступніку Авідыя Валерыю Месалу Корвіну. Кіраўнік групы даследчыкаў Элена Каландра расказала, што яны нядаўна знайшлі сляды, якія сведчылі пра існаванне статуй на гэтай тэрыторыі. Спачатку былі праведзеныя пошукавыя працы, пасля чаго пачаліся поўнамаштабныя раскопкі. Навукоўцы мяркуюць, што скульптуры вышынёй каля двух метраў маглі зваліцца ў басейн падчас землятрусу. Усе статуі ў добрым стане і маюць выключную важнасць для гісторыі. Галоўная задача археолагаў заключаецца ў датаванні статуй: гэта дазволіць вызначыць, былі яны створаныя да напісання “Метамарфозаў” ці пасля. Як паведамляецца на сайце Partito Democratico, скульптуры пасля рэстаўрацыі хутчэй за ўсё будуць дастаўленыя ў родны горад Авідыя Сульмону. Міф пра Ніобу апавядае, што яна, заганарыўшыся сваімі 14 дзецьмі, вырашыла зраўнацца з Лета, маці боскіх блізнятаў Апалона і Артэміды. За сваю ганарыстасць Ніоба была пакараная: Апалон і Артэміда…

Чытаць цалкам

11 студзеня 2013

“Дом цішыні” Архана Памука намінаваны на “азіяцкага Букера”

“Дом цішыні”, напісаны Памукам у 1983 годзе, расказвае пра тыдзень з жыцця турэцкай сям'і — пра тое, як трое ўнукаў прыязджаюць наведаць сваю бабулю ў прыгарад Стамбула. Аповед вядзецца ад імя пяці герояў. Дзея рамана, які стаў другой вялікай працай пісьменніка, разгортваецца ў Турцыі летам 1980-га, напярэдадні дзяржаўнага перавароту. Праз гісторыю адной сям'і Памук паказвае карціну жыцця турэцкага народа ў XX стагоддзі. На рускую мову раман быў перакладзены ў 2007, праз год пасля таго, як пісьменнік атрымаў Нобелеўскую прэмію па літаратуры. Творы Памука перакладзеныя прыкладна на 60 моваў. Ангельскі пераклад кнігі зрабіў Роберт Фін, літаратуразнаўца і былы дыпламат. Акрамя рамана Памука на “азіяцкага Букера” намінаваная кніга пісьменніка малайзійскага паходжання Тан Тван Энга “Сад вечаровых туманаў” і дэбютны раман “Наркаполіс” індыйца Джыта Тайла: абедзве кнігі былі ў шорт-лісце брытанскага “Букера”. У пяцёрку фіналістаў таксама выйшаў раман японскай пісьменніцы Каваку Хіромі “Партфель”…

Чытаць цалкам

11 студзеня 2013

Вызначаны лонг-ліст прэміі Гедройца

Сяргей Балахонаў Зямля пад крыламі Фенікса Альгерд Бахарэвіч Гамбурскі рахунак Бахарэвіча Алена Брава Рай даўно перанаселены Адам Глобус Сказы Паліна Качаткова Матылі Уладзімір Някляеў Аўтамат…

Чытаць цалкам

10 студзеня 2013

“Дзікае паляванне караля Стаха” выйшла ў Вялікабрытаніі

“Дзікае паляванне караля Стаха” — гэта містычны трылер на гістарычным фоне, — гаворыцца ў анатацыі кнігі на сайце выдавецтва. — З першых старонак чытач занураецца ў атмасферу цёмнага страху перад непазбежным. Яму не спатрэбіцца шмат часу, каб пачаць з трывогай суправаджаць Беларэцкага на балотах у сустрэчах з дзіўнымі асобамі, якія аказваюцца вар’ятамі ці напалоханымі або хаваюць нешта важнае, а часам і проста няшчаснымі”. Адзначаецца, што канва аповесці “ўключае і асабістую тэму сумных разважанняў аўтара пра лёс нацыі”. Як паведамляецца на сайце выдавецтва Glagoslav Publications, кніга выдадзеная ў мяккім і цвёрдым пераплётах, ёсць таксама магчымасць купіць яе ў электронным выглядзе. Цана выдання ў цвёрдай вокладцы складае 25,5 фунтаў, у мяккай — 18,8 фунта, у электронным выглядзе — 9,95 фунта.

Чытаць цалкам

10 студзеня 2013

Колькасць чытачоў электронных кніг у ЗША вырасла на 7% за год

Колькасць чытачоў е-кніг пастаянна расце. За мінулы год колькасць тых, хто аддаў перавагу электронным версіям кніг, у ЗША вырасла з 16 да 23%. За той самы перыяд колькасць тых, хто чытае друкаваныя кнігі, знізілася з 72 да 67 %. Даследаванні праводзіліся сярод амерыканцаў ад 16 гадоў і вышэй аналітычнай кампаніяй Pew Research Center. Было апытана больш за 2000 рэспандэнтаў. Што да колькасці чытачоў у цэлым па Амерыцы, то ў параўнанні з 2011 годам у 2012-м яна ўпала на 3 працэнтныя пункты — з 78 да 75 %. На думку аўтараў даследавання, зборны партрэт “сучаснага чытача е-кнігі” выглядае так: гэта прадстаўнік сярэдняга класа, ва ўзросце паміж 30 і 49 гадамі, які скончыў каледж ці ўніверсітэт і зарабляе больш за 75 тыс. даляраў у год. Зразумела, рост чытання е-кніг прывёў і да павелічэння колькасці ўладальнікаў электронных прыладаў для чытання. З 18% у канцы 2011 году да 33% у канцы 2012 вырасла колькасць уладальнікаў планшэтаў або букрыдэраў. Гэтыя дадзеныя яшчэ не канчатковыя, таму што ў студзені…

Чытаць цалкам

№21: Знак прысутнасці

Змест