Навіны літаратуры

11 снежня 2012

Да выдання рыхтуецца 30-томнік твораў Стругацкіх

Ён расказаў, што сёння групе даступны практычна ўвесь архіў пісьменнікаў, як Аркадзя, так і Барыса, цяпер ён аблічбаваны, адсканаваны, і беражліва захоўваецца; менавіта па ім рыхтуецца 30-томны збор твораў, уключаючы перапіску і публіцыстычныя матэрыялы. У гэтым выданні плануецца выпусціць варыянты неапублікаваных тэкстаў, а таксама тэкстаў, якія публікаваліся ў істотна змененым выглядзе. Таксама туды ўвойдуць кнігі братоў, напісаныя не ў суаўтарстве, пад псеўданімамі С. Вітыцкі і С. Яраслаўцаў. Складальнікі плануюць надаць значную ўвагу перапісцы — не толькі паміж аўтарамі, але і лістам да іншых пісьменнікаў, да выдаўцоў і перакладчыкаў. Таксама ў зборніку плануецца выдаць амаль усю публіцыстыку Стругацкіх, якая выходзіла на рускай мове. “Гэта будзе збор твораў, набліжаны да поўнага”, — кажа Уладзімір Барысаў. Цяпер, паводле яго словаў, у рабоце знаходзяцца тамы з сёмага па дзявяты. Абмяркоўваецца пытанне, хто стане выдаўцом шматтомніка. Асноўную працу па складанні вядуць галоўны каардынатар…

Чытаць цалкам

7 снежня 2012

Рукапіс Мандэльштама прадалі за 56 тысяч даляраў

Рукапіс, які ацэньваўся перад таргамі ў 50-70 тысяч даляраў, стаў адным з топ-лотаў праведзенага аўкцыёну “Руская літаратура і творы на паперы”. З малатка таксама пайшоў чарнавік адной з частак рамана Барыса Пастарнака “Доктар Жывага”, які купілі за 37,5 тыс. даляраў. Самым дарагім лотам сталі два альбомы Генрыеты Гіршман (1885—1970), жонкі маскоўскага калекцыянера Уладзіміра Гіршмана, які збіраў жывапіс сучаснікаў, у тым ліку Сярова і Сомава, і антыкварную мэблю. Дом Гіршманаў быў адным з мастацкіх цэнтраў Масквы, а мецэнаты значна ўплывалі на фармаванне культурнага жыцця горада ў пачатку XX стагоддзя. У альбомах Генрыеты Гіршман, якія яна паўсюль вазіла з сабой, запісаныя сотні вершаў, пакінутыя малюнкі, аўтографы і прысвячэнні ад сотні пісьменнікаў, мастакоў і кампазітараў таго часу, напрыклад, Валерыя Брусава, Валянціна Сярова, Максіма Горкага, Ігара Стравінскага, Сяргея Рахманінава, Фёдара Шаляпіна, Уладзіміра Набокава і іншых. Апошні запіс у другім томе альбома, які зрабіўся партрэтам…

Чытаць цалкам

6 снежня 2012

Гісторыя Босніі ў дзевятнаццаці песнях

Колькі б суседзі ні смяяліся з нашай звычкі лічыць нешта “сваім” — будзь гэта Вільня, Адам Міцкевіч ці нацыянальная страва дранікі, — дзякуючы намаганням перакладчыка Сяргея Шупы Міленка Ергавіч так трывала прапісаўся ў беларускай прасторы, што падчас абвяшчэння лаўрэата “Angelus” у першую чаргу крычыш “ура!” і толькі пасля ўспамінаеш: нашым пераможца зрабіўся зусім нядаўна. Кнігу “Сэрда спявае ў сутонні на Духаў дзень” Сяргей Шупа перакласці пакуль не паспеў, затое пераклаў шмат чаго іншага: апавяданне “Другі пацалунак Гіты Данон” (ARCHE-10, 2009), кнігі “Сараеўскае Мальбара” (ARCHE-4, 2011) і “Іншала, Мадона, іншала” (2012). Не ведаю, ці перакладзеная гэтая апошняя на польскую мову і ці цікавейшая яна за “Сэрду…”, але не сумняюся: калі б беларусы ўручалі свой “Angelus”, у гэтым годзе яго таксама атрымаў бы Ергавіч. Кніга “Іншала, Мадона, іншала” адкрывае перад чытачамі таямнічую Боснію і Герцагавіну. Нягледзячы на тое, што гэтая краіна ўжо гадоў дваццаць як атрымала незалежнасць, а гісторыя…

Чытаць цалкам

4 снежня 2012

Уручаны “Рускі Букер”

Апроч пераможцы ў шорт-ліст прэміі сёлета ўвайшлі 5 твораў: “Дневник смертницы. Хадижа” Марыны Ахмедавай, “Арбайт, или Широкое полотно” Яўгенія Папова, “Легкая голова” Вольгі Слаўнікавай, “Женщины Лазаря” Марыны Сцяпновай і “Немцы” Аляксандра Церахава. Журы прэміі ў гэтым годзе склалі: генеральны дырэктар фонду “Пушкінская бібліятэка” Марыя Ведзяняпіна, паэт Уладзімір Салімон, празаік, рэжысёр і сцэнарыст Павел Санаеў, пісьменнік і крытык Раман Сенчын. Старшынём абраны пісьменнік Самуіл Лур'е. “Рускі Букер” уручаецца з 1992 году. Сёлета прызавы фонд узнагароды павялічаны ў 2,5 разу: лаўрэат атрымае 1,5 млн расійскіх рублёў, а фіналісты — па 150 тысяч.

Чытаць цалкам

4 снежня 2012

Паводле рамана Джоан Роўлінг для дарослых здымуць серыял

Пісьменніца паабяцала цеснае супрацоўніцтва са стваральнікамі серыяла. Роўлінг заявіла, што яе апошняя кніга ідэальна падыходзіць менавіта для тэлебачання, а не кінатэатраў. “Бі-бі-сі” вызначыцца з даўжынёй і колькасцю серый у працэсе працы над экранізацыяй. Імёны рэжысёраў і выканаўцаў галоўных роляў пакуль невядомыя. У кнізе расказваецца пра барацьбу за пасаду мэра маленькага ангельскага мястэчка. Роўлінг упершыню ў сваёй пісьменніцкай кар'еры падняла тэмы класавай няроўнасці, палітыкі, наркотыкаў, прастытуцыі і гвалту. “Вольнае месца” з'явілася на прылаўках брытанскіх кніжных крамаў у верасні 2012 году і прадалося тыражом у 125 тысяч асобнікаў за першы тыдзень. Тым не менш водгукі на кнігу былі неадназначнымі — ад “бліскуча” да “нецікава”.

Чытаць цалкам

4 снежня 2012

Вядомы спіс кніг, пададзеных на прэмію імя Гедройца

15 кніг, якія прэтэндуюць на лонг-ліст, надрукаваныя ў выдавецтвах “Логвінаў” і “Галіяфы” (адпаведна 8 і 7). Па 4 выйшлі ў “Кнігазборы” і серыі “Беларускі калегіюм”, па 3 — у выдавецтвах “Літаратура і мастацтва” і “Медысонт”, 2 — у “Гарадзенскай бібліятэцы”, па адной — у “Мастацкай літаратуры” і выдавецтве “Харвест”. Таксама ў спісе фігуруюць два электронныя выданні. Поўны спіс кніг, пададзеных на прэмію: Алесь Анціпенка "Быць (пры)сутным" (Вільня: бібліятэка "Беларускі калегіюм"); Алесь Аркуш "Палімпсест" (Мінск: Галіяфы, Бібліятэка Таварыства Вольных Літаратараў); Сяргей Астравец "Райскія яблычкі" (Камунікат.org: электроннае выданне); Альгерд Бахарэвіч "Гамбургскі рахунак Бахарэвіча" (Мінск: Логвінаў, Радыё Свабодная Еўропа / Радыё Свабода, серыя Бібліятэка Свабоды. ХХІ стагоддзе); Альгерд Бахарэвіч "Шабаны. Гісторыя аднаго знікнення" (Мінск: Галіяфы); Зміцер Баяровіч "Шалі" (Мінск: Галіяфы, серыя “Час Воблы”); Алена Брава "Рай даўно перанаселены" (Мінск: Галіяфы, серыя "Другі фронт мастацтваў");…

Чытаць цалкам

3 снежня 2012

Назвалі лаўрэатаў прэміі Андрэя Белага

У намінацыі “Проза” пераможцамі сталі Марыяна Гейдэ (“Бальзаміны чакаюць”) і Віктар Іваноў (“Чумны Пакемар”). Найлепшым у “Гуманітарных даследаваннях” быў прызнаны Аркадзь Іпалітаў з кнігай “Асабліва Ламбардыя. Вобразы Італіі XXI стагоддзя”, а прэмія ў намінацыі “Літаратурныя праекты/крытыка” адышла да літаратурна-крытычнага альманаху “Трансліт”. Перакладчыцкая прэмія дасталася Юрыю Чайнікаву за “Дзённікі” Вітальда Гамбровіча; за заслугі ў развіцці рускай літаратуры ўзнагародзілі Анры Валахонскага. У журы прэміі сёлета ўваходзілі Барыс Іваноў, Барыс Астанін, Глеб Мораў, Барыс Дубін, Аляксандр Скідан, Аляксандр Уланаў і Грыгорый Дашэўскі. Прэмія Андрэя Белага ўпершыню была ўручаная ў 1978 годзе. У розныя гады яе атрымлівалі Барыс Гройс, Марыя Сцяпанава, Аляксей Цвяткоў, Ірына Прохарава, Уладзімір Сарокін і іншыя. Прызавы фонд прэміі — адзін рубель, яблык і бутэлька гарэлкі.

Чытаць цалкам

30 лістапада 2012

Кніжную архітэктуру прадставілі ў Маскве

У экспазіцыі — прыклады арыгінальных кніжных прастораў з усяго свету. Арганізатары адзначаюць, што сёння кніга выходзіць з бібліятэк у паркі, на плошчы, шукае сабе месца далей ад касавых апаратаў і пылу, бліжэй да патэнцыйных чытачоў. Пункты “буккросінгу” ўзнікаюць на пляжах, у аэрапортах, на прыпынках грамадскага транспарту. Кнігарні робяцца мабільнымі: аўтобусы з літаратурай адкрываюцца ў правінцыі і невялікіх мястэчках. “На выставе мы не дазволілі сабе такой правакацыі, як інсталяцыя з кніг, таму што, у адрозненне ад Еўропы, дзе гэта даўно звыкла, у нас гэта магло б успрымацца як здзек ці блюзнерства, — сказаў куратар выставы Мікалай Малінін. — Аднак мы разумеем, што на зямлі сабралася гіганцкая колькасць ужо непатрэбных кніжак, бо папяровая кніга паступова адыходзіць на задні план. У нас калектыўная траўма, звязаная ў тым ліку з вогнішчамі з кніг у нацысцкай Германіі, таму мы не можам дазволіць сабе знішчыць кнігі. А ў мастакоў адчуванне, што кнігі нездарма ад глінянай таблічкі і скрутка…

Чытаць цалкам

30 лістапада 2012

Лонданскі дом Оскара Ўайлда ацанілі ў 1,8 мільёна даляраў

У будынак на вуліцы Тайт-стрыт у раёне Чэлсі Ўайлд пераехаў у 1884 годзе разам з жонкай Канстанс. Тут ён напісаў “Партрэт Дарыяна Грэя”, “Ідэальнага мужа” і “Як важна быць сур'ёзным”, а таксама стаў бацькам двух сыноў. Пакінуць жыллё пісьменнік быў вымушаны ў 1895 годзе, калі яго асудзілі на два гады па абвінавачанні ў “непрыстойных паводзінах”. Цяпер дом належыць дызайнеру Майсэну Лі, які нядаўна завяршыў яго маштабную рэканструкцыю. Так, бібліятэка Ўайлда цяпер служыць спальняй. У кватэры таксама ёсць гасцёўня з высокімі столямі і адкрытая кухня.

Чытаць цалкам

30 лістапада 2012

У Германіі запусцілі найбуйнейшую анлайн-бібліятэку

У бібліятэцы сабрана 5,6 мільёна кніг, архіваў, фатаграфій помнікаў, рэпрадукцый карцін, аўдыёзапісаў і фільмаў, піша DW-WORLD са спасылкай на dpa. Дзякуючы доступу да іх працэс даследавання і навучання павінен зрабіцца прасцейшым. Над праектам працавала вялікая група спецыялістаў з лета 2007 году. У перспектыве плануецца, што гэтая бібліятэка аб'яднае ўсе нямецкія культурныя і навуковыя ўстановы з іх анлайн-бібліятэкамі і інтэгруе ў праект Europeana, які існуе ўжо чатыры гады. На дадзены момант, як адзначыў эксперт па пытаннях культуры і СМІ фракцыі ХДС/ХСС у бундэстагу Вольфганг Бернзен, DDB дае доступ да фондаў 1,8 тысячы культурных і навуковых установаў, а ў будучыні іх колькасць мае павялічыцца да 30 тысяч. Пры гэтым стваральнікам бібліятэкі даводзіцца лічыцца з аўтарскім правам, якое дзейнічае ў Германіі. У сувязі з гэтым мастацтва, літаратура і навуковыя працы XX — пачатку XXI ст. прадстаўленыя даволі слаба, піша Frankfurter…

Чытаць цалкам

№21: Знак прысутнасці

Змест