Навіны літаратуры

17 сакавіка 2011

Расійскія выдаўцы вырашылі зарабіць на японскім цунамі

Нядаўнія ледзяныя дажджы ў Маскве, летнія пажары і смог, рэвалюцыі на Усходзе і землятрус у Японіі ў блогасферы многія звязваюць з канцом свету, які, паводле календара мая, наступіць 21 снежня 2012 года. Так ці інакш, гэта падагравае цікаўнасць да тэмы апакаліпсісу – прычым не толькі тэарэтычную: акрамя кніг сегменту “Рэлігія і эзатэрыка” папулярнасцю карыстаюцца “практычныя дапаможнікі” па тым, як перажыць канец свету. Як паведаміў рэдактар групы навукова-папулярнай літаратуры выдавецтва “Эксмо” Уладзімір Обручаў, колькасць назваў па тэме “Апакаліпсіс” у мінулым годзе вырасла на 20%. Усяго з 2009 году ў “Эксмо” выйшла 17 найменняў кніг, прысвечаных канцу свету. Тэндэнцыю пацвердзілі і ў выдавецтве “АСТ”: за 2010 год колькасць кніг, прысвечаных навуковаму боку апакаліпсісу, вырасла на траціну. Значная частка навуковай літаратуры так ці інакш закранае гэтую тэму. Кніг жа па “чыстай” эзатэрыцы стала больш на 15%. У той жа час у чытачоў кнігі пра канец свету падвышаным попытам пакуль не карыстаюцца.…

Чытаць цалкам

17 сакавіка 2011

Сёння ўручэнне прэміі часопіса "Дзеяслоў"

Уганараванне лаўрэатаў прэміі адбудзецца ў трох традыцыйных намінацыях: “Проза”, “Паэзія” і “Дэбют”. Таксама будзе ўручаная прэмія “За высокі творчы ўклад у сучасную беларускую літаратуру”, заснаваная летась, першым яе лаўрэатам стаў Віктар Казько. Інтэрнэт-карыстальнікі мелі магчымасць аддаць свой голас за самых вартых, на іх думку, паэтаў і празаікаў у жж-суполцы часопіса “Дзеяслоў”. Лідэрамі “літаратурнай гонкі” сталі: ў намінацыі “Паэзія” – Віка Трэнас, Вольга Гапеева і Сяргей Прылуцкі; у “Прозе” – Паліна Качаткова, Анка Упала, Сяргей Календа, Павел Анціпаў і Юры Несцярэнка; у намінацыі “Дэбют” найбольш галасоў набралі Настасся Кухарэнка і Франак Вячорка. Аднак рэдакцыя часопіса “Дзеяслоў” апошняе слова ў абранні найлепшых публікацый за мінулы год пакідае за сабой, а таму на цырымоніі ўручэння будуць сюрпрызы. Акрамя лаўрэатаў “Залатога апострафа” падчас святочнай вечарыны сваімі новымі творамі, а таксама ўражаннямі…

Чытаць цалкам

15 сакавіка 2011

Падчас “кніжнай ночы” ў Брытаніі раздалі мільён кніг

У Злучаным Каралеўстве і Ірландскай рэспубліцы гэтае свята з 1998 году адзначаецца ў першы чацвер сакавіка і ўключае правядзенне традыцыйных акцый, у тым ліку, напрыклад, вядомую практыку раздавання школьнікам кніжных ваўчараў, якія дазваляюць набыць любую кнігу з адмыслова адабранага асартыменту ўсяго за 1 фунт стэрлінгаў. Міжнародная ноч кнігі (World Book Night) адбылася 5 сакавіка і была адрасаваная ў першую чаргу сталай аўдыторыі. На думку аўтара ідэі мерапрыемства Джэймі Бінга, самы эфектыўны спосаб прасунуць кнігу – аддаць яе людзям і тым самым запусціць “сарафаннае радыё”.Паводле задумы, прадстаўнікі кніжнай галіны краіны яшчэ ўвосень абралі сотню кніг, да якіх, на іх думку, варта было б прыцягнуць увагу чытачоў. Пасля гэтага адмысловы камітэт, у які ўваходзілі прадстаўнікі кніжнай галіны, бібліятэкары і літаратары (напрыклад, адзначыўся Стывен Фрай), адабралі 25 кніг для канчатковага спісу. У яго ўвайшлі творы такіх аўтараў, як Рэмарк, Маркес, Маргарэт Этвуд, Джон ле Карэ і інш.…

Чытаць цалкам

14 сакавіка 2011

У Расіі абяруць найлепшую кнігу 1973 году

“Ідэя разыграць прэмію НОС узору 1973 году ўзнікла з неабходнасці растлумачыць (у тым ліку і самім сабе), што ж мы шукаем у сённяшняй слоўнасці. А шукаем мы пункты перасячэння эстэтычнай навізны, новых моваў літаратуры – і новай глыбіні (вастрыні, шырыні – патрэбнае падкрэсліць) сацыяльнага аналізу. Аб тым, што такія пункты перасячэння магчымыя, сведчыць літаратура нядаўняга мінулага – у тым ліку (а магчыма, і ў першую чаргу) тыя тэксты, якія мы ўключылі ў “шорт-ліст 1973-га году”, – тлумачаць ініцыятары праекту. Шорт-ліст праекту “НОС-1973”: - Аляксандр Галіч. “Генеральная рэпетыцыя” (год напісання); - Венедыкт Ерафееў. “Масква-Петушкі” (першая публікацыя); - Васіль Шукшын. “Характары” (першая публікацыя); - Андрэй Сіняўскі. “Прагулкі з Пушкіным” (першая публікацыя); - Людміла Петрушэўская. “Урокі музыкі” (год напісання); - Фазіль Іскандэр. “Сандра з Чэгема” (публікацыя першых раздзелаў); - Саша Сакалоў. “Школа дурняў” (год напісання); - Аляксандр Салжаніцын. “Архіпелаг ГУЛАГ” (публікацыя…

Чытаць цалкам

12 сакавіка 2011

Салман Рушдзі напіша сцэнар для серыяла

Showtime – платны кабельны канал, які спецыялізуецца на тэлестужках і серыялах. Цяпер гэты канал паказвае такія тэлешоў, як Californication, Dexter, Weeds, United States of Tara. Салман Рушдзі – выхадзец з Бамбея, жыве то ў Вялікабрытаніі, то ў ЗША. У 2007 годзе яму быў прысвоены тытул рыцара Брытанскай імперыі. Рушдзі – лаўрэат шматлікіх літаратурных прэмій, у тым ліку брытанскага “Букера”. Сусветную славу Рушдзі здабыў пасля выхаду ў 1989 годзе кнігі "Сатанінскія вершы". Шматлікія мусульмане назвалі раман блюзнерскім, а духоўны лідар Ірана, аятала Хамейні, выдаў рэлігійны эдыкт – фетву, у якой назваў забойства пісьменніка богаўгоднай справай.

Чытаць цалкам

11 сакавіка 2011

Маскоўскі тэатр ставіць спектакль па кнізе Паўлу Куэлью

Галоўныя ролі ў спектаклі выконваюць Агнія Дыткаўскітэ, Таццяна Лютаева, Аксана Акіньшына, Юрый Васільеў, Васіль Сцяпанаў і іншыя акторы.Прэм'ера спектакля запланаваная на восень 2011 году, але, як адзначаецца ў прэс-рэлізе, "у сувязі з вялікай цікавасцю публікі" першыя перадпрэм’ерныя паказы адбудуцца 27 сакавіка і 16 красавіка на сцэне Тэатра кінаактора. Чакаецца, што на восеньскую прэм'еру прыедзе сам Куэлью.Тэатр Юрыя Васільева – самы малады з маскоўскіх тэатраў. Ён быў створаны менш за год таму. Першым спектаклем тэатра стала п'еса "Гандляр цацкамі" па кнізе Віктара Дабрасоцкага.

Чытаць цалкам

11 сакавіка 2011

У кнігарні “логвінаЎ” Віталь Рыжкоў падпіша сваю новую кнігу

– Віталь, ты даволі шмат выступаеш на імпрэзах, чытаючы свае вершы. Ці чакаюць аматараў тваёй творчасці сюрпрызы, або ўсе вершы з кнігі ўжо гучалі падчас выступаў? – Першая кніга асабіста для мяне ўсё-ткі мае найперш справаздачную функцыю. Вершаў, што не агучваліся ці агучваліся рэдка падчас выступаў, у ёй вобмаль. Таму ўсе сюрпрызы чакаюць найперш уяўную новую чытацкую аўдыторыю, якая не наведвае паэтычныя мерапрыемствы, а кніга магла б яе адшукаць, я спадзяюся. – Акрамя вершаў у кнізе змешчаныя і твае пераклады. Што гэта за аўтары? Як ты прыйшоў да іх? – Гэта Ўістан Х’ю Одэн, Рышард Крыніцкі, Сяргій Жадан, Гага Нахуцрышвілі, Тэйлар Мэлі і Майкл Сэлінджэр. Аўтары надзвычай розныя, і мае дарогі да іх і матывы перакладу – таксама. Тэйлар Мэлі і Майкл Сэлінджэр перакладаліся з цікавасці да з'явы амерыканскай слэм-паэзіі як тэксту; Сяргій Жадан, да якога далучыліся потым Гага Нахуцрышвілі і Рышард Крыніцкі, – з пачуцця белай зайздрасці, што такія аўтары і іх тэксты ёсць у сваіх краінах і мовах,…

Чытаць цалкам

11 сакавіка 2011

Пісьменнік з Нью-Ёрка апублікаваў раман на ліхтарах

Кожная старонка рамана змяшчае ўказанне на тое, дзе можна знайсці наступную. Журналістам The New York Post удалося знайсці сёмую і восьмую старонкі, але першыя шэсць яны знайсці не змаглі. Пра літаратурныя вартасці твора, такім чынам, меркаваць складана, зразумела толькі, што галоўны герой (ці гераіня) застаўся з немаўлём на руках. Мясцовыя жыхары па-рознаму паставіліся да таго, што нехта выкарыстаў ліхтарныя слупы для публікацыі свайго рамана. "Цярпець не магу, калі людзі расклейваюць абы-дзе што захочуць. Калі ёсць інтэрнэт, навошта гэта трэба?" – заявіў гаспадар мясцовай піцэрыі. Бармэн аднаго з манхэтэнскіх бараў, наадварот, вітаў гэта: "Мне падабаецца інтэрактыўнае мастацтва ў любым выглядзе. Я думаю, што гэта крута". Як адзначае брытанская газета, нешта падобнае ў 2010 годзе арганізавалі піяршчыкі рэпера Jay-Z. У рамках прома-кампаніі, якая суправаджала выхад яго мемуараў, усе 320 старонак кнігі былі схаваныя па ўсім Нью-Ёрку, і тым, хто іх знаходзіў, уручаліся квіткі на канцэрт рэпера.

Чытаць цалкам

11 сакавіка 2011

"Вяртанне Веры" Някляева ў "Дружбе народов"

У біяграфічнай даведцы пра аўтара рэдакцыя часопіса наступным чынам ахарактэрызавала Уладзіміра Някляева: “Нарадзіўся ў 1946 г., вядомы беларускі паэт, празаік і грамадскі дзеяч, старшыня праўлення Саюза беларускіх пісьменнікаў (1998-2001), кіраўнік Беларускага ПЭН-цэнтра (2005-2009), ініцыятар і кіраўнік грамадскай кампаніі "Гавары праўду", кандыдат на пасаду прэзідэнта Беларусі. 19 снежня 2010 г на мітынгу апазіцыі быў збіты і заключаны ў следчы ізалятар КДБ Беларусі, пазней адпраўлены пад хатні арышт. Абвінавачваецца ў арганізацыі беспарадкаў у Мінску ў дзень выбараў прэзідэнта. Пастаянны аўтар "ДН". Прачытаць аповесць “Вяртанне Веры” па-руску можна на сайце выдання: magazines.russ.ru/druzhba

Чытаць цалкам

10 сакавіка 2011

Памёр пісьменнік і перакладчык Янка Сіпакоў

Рана страціў бацькоў - у час Вялікай Айчыннай вайны за сувязь з партызанамі іх закатавалі фашысты. Вучыўся ў Зубрэвіцкай сярэдняй школе і адначасова працаваў паштальёнам. Пасля дзесяцігодкі некаторы час (1954-1955) быў літсупрацоўнікам шклоўскай раённай газеты «Чырвоны барацьбіт». У 1960 г. скончыў аддзяленне журналістыкі Беларускага дзяржаўнага ўніверсітэта. Працаваў у часопісе «Вожык» (1960-1973). З 1973 г. - загадчык аддзела мастацтва, крытыкі і бібліяграфіі, з 1989 г. - адказны сакратар) часопіса «Маладосць». Сябра СП СССР з 1961 г. Першы верш надрукаваў у 1953 г. у аршанскай раённай газеце «Ленінскі прызыў». Выдаў кнігі паэзіі «Сонечны дождж» (1960), «Лірычны вырай» (1965), «Дзень» (1968), «З вясны ў лета» (1972), «Веча славянскіх балад» (1973), «У поўдзень, да вады» (1976), «Вочы ў вочы» (выбранае 1978), «Усміхніся мне» (1984), а таксама зборнікі гумарэсак «Лысы юбілей» (1965), «Плюс на мінус» (1973), «Ланцугі для мух» (1980), «Пятніца ў суботу» (1988). Аўтар кніг нарысаў «Па зялёную…

Чытаць цалкам

№21: Знак прысутнасці

Змест