№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Элізабэт Бішап (Elizabeth Bishop)

(1911-1979)

Элізабэт Бішап

Амерыканская паэтка.

Нарадзілася ў горадзе Вустэр, штат Масачусэтс. Бацька дзяўчынкі памёр, калі ёй было восем месяцаў. Маці Элізабэт псіхічна захварэла і пажыццёва была змешчаная на лячэнне. Дзяўчынку выхоўвалі родзічы ў канадскай правінцыі Новая Шатландыя. Бішап атрымала добрую адукацыю і скончыла прыватны Васар-каледж. Там Элізабэт пазнаёмілася з вядомай паэткай Мэрыян Мур, якая спрыяла друку першых вершаў Бішап.

Бішап вельмі шмат вандравала. Жыла ў Францыі, Мексіцы, у штаце Фларыда, з пачатку 1950-х доўгі час пражыла ў Мексіцы разам са сваёй партнёркай Лотай дэ Масэда Суарэш. Апошнія гады паэтка пражыла ў Бостане.

Першая кніга вершаў Элізабэт Бішап “Поўнач і поўдзень” (North and South) выйшла ў 1946 годзе. Кніга была прынятая чытацкай публікай досыць прыязна. За свой другі зборнік “Вершы: Поўнач і Поўдзень — Халодная вясна” (Poems: North and South — A Cold Spring, 1955) яна атрымала Пулітцэраўскую прэмію.

У 1965 годзе выйшаў новы зборнік яе паэзіі “Праблемы вандровак” (Questions of Travel), а за поўны збор вершаў (1969) Элізабет Бішап атрымала Нацыянальную кніжную прэмію.

Апошняй яе прыжыццёвай кніга была “Геаграфія, частка трэцяя” (Geography III, 1976).

6 кастрычніка 1979 года Элізабэт Бішап нечакана памерла ад анеўрызмы сасудаў галаўнога мозгу.

Падрабязней пра жыццё і творчасць Элізабэт Бішап можна прачытаць у артыкуле Наталлі Паваляевай “Элизабет Бишоп, awful but cheerful”.

Чытайце таксама

Людвіг Бехштайн

Людвіг Бехштайн

Нямецкі пісьменнік і складальнік зборнікаў народных казак

Ален Гінзберг

Ален Гінзберг

Культавы амерыканскі паэт, адзін з лідараў біт-пакалення, аўтар паэмы "Сковыт"

Густаў Майрынк

Густаў Майрынк

Аўстрыйскі празаік, драматург перакладчык, прадстаўнік “Пражскай школы”

Браты Грымы

Браты Грымы

Якаб Грым (1785—1863) і Вільгельм Грым (1786—1859) — нямецкія лінгвісты, даследчыкі нямецкай народнай культуры, збіральнікі фальклору.

1478