Нарадзілася ў Мінску напрыканцы зімы. Па адукацыі — гісторык, па прафесіі — архівіст. Літаратар. Сябра ПЭН-цэнтра і Саюза беларускіх пісьменнікаў. Чацвёрты год працуе кіраўніком літаратурна-драматургічнай часткі Купалаўскага тэатра і архівістам Нацыянальнага гістарычнага архіва. Напісала некалькі апавяданняў, кнігу эсэ па гісторыі штодзённасці ВКЛ "...І цуды, і страхі", а таксама шэраг навуковых і навукова-папулярных артыкулаў і эсэ. У 2010 годзе атрымала літаратурную прэмію імя Францішка Багушэвіча. Займаецца таксама даследаваннем і выданнем тэстаментаў беларускай шляхты XVI—XVIII стст. Ведае, што нічога не ведае, але шмат што адчувае.