Габрэйскі паэт і празаік родам з Жытоміршчыны, класік сучаснай паэзіі на іўрыце і ідышы.
У 1902 г. выдаў першы зборнік вершаў. Створаная пасля кішынёўскага пагрому 1903 г. паэма “У горадзе разні” зрабіла яго адным з самых вядомых габрэйскіх паэтаў свайго часу.
Удзельнічаў у Сіянісцкіх кангрэсах 1907 і 1913 гг. Летам 1921 г. атрымаў грамадзянства БНР. З 1924 г. жыў у Тэль-Авіве.
Перакладаў на іўрыт творы Ў. Шэкспіра, М. Сервантэса, Ф. Шылера. У 1933 і 1934 гг. намінаваўся на Нобелеўскую прэмію па літаратуры.
