Паэтка і музыка з Новай Зеландыі. Нарадзілася ў горадзе Крыстчэрч, жыла ў гарадах Факатанэ і Нэльсан. У 2002 годзе атрымала ступень магістра па творчым пісьме ва Універсітэце каралевы Вікторыі ў Велінгтане.
Хінемаана мае змяшанае паходжанне: яе бацька — напалову маоры, таксама яна мае ангельскія і баварскія карані. Яна вывучыла мову маоры ў сталым веку, працавала як настаўніца і папулярызатарка гэтай мовы. Працавала таксама гандлёвай прадстаўніцай, радыёжурналісткай, прадусаркай.
Аўтарка трох кніг паэзіі: "Голка" (mātuhi | needle, 2004), “Косткі” (koiwi koiwi | bone bone, 2010), “Вусны” (waha | mouth, 2014). Два яе вершы былі прызнаныя вершамі году ў Новай Зеландыі (2004, 2006).
Хінемаана выступае на радзіме і як музыка ў складзе трыё “Таніфа” — поп-фолк гурта, асаблівасць якога — ігра на самаробных інструментах з паўторна выкарыстаных рэчаў.
У Новай Зеландыі жыве на Капіці Кост, але ў 2015 — 2016 годзе знаходзіцца на творчай стыпендыі ў Берліне (Германія).
Піша па-ангельску і на маоры.
Фота Роберта Кроса, http://www.hinemoana.co.nz/
