№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Джэфры Чосэр (Geoffrey Chaucer)

каля 1340/1345 — 1400

Джэфры Чосэр

Ангельскі паэт, якога ўважаюць за аднаго з заснавальнікаў ангельскай нацыянальнай літаратуры і літаратурнай ангельскай мовы. Галоўны твор — вершаваны зборнік навел "Кентэрберыйскі аповеды".

Нарадзіўся ў Лондане. Дзякуючы таму, што ягоны бацька пастаўляў віно на каралеўскі двор, Джэфры Чосэр у 17 гадоў зрабіўся пажам Елізаветы, жонкі Ліянэля, сына Эдуарда ІІІ. Удзельнічаў у паходзе супраць Францыі падчас Стогадовай вайны, дзе трапіў у палон і быў выкуплены каралём. Наведваў юрыдычную школу, затым быў каралеўскім камердынерам.

Першы буйны твор Чосэра — паэма "Кніга герцагіні" (Book of the Duchess) — датуецца 1369 г. 1370-я гг. ў біяграфіі Джэфры Чосера звязаны з дыпламатычнай дзейнасцю. У 1372 г. адбылася яго першая паездка ў Італію для вядзення перамоваў з кіраўніком Генуі. Вывучыў італьянскую мову, дзякуючы чаму пазнаёміўся з творамі Петраркі, Дантэ і інш.

Атрымаўшы ў 1374 г. ад караля дом у Олдгейце і пасаду мытнага інспектара, ён ужо ў наступным годзе ператварыўся ў важную прыдворную персону, а ў вольны ад выканання адміністрацыйных абавязкаў час пісаў вершы. З 1379 г. Чосэр стала жыў у ангельскай сталіцы і працягваў актыўна займацца творчасцю, хоць і быў абраны ў 1386 годзе прадстаўніком ад графства Кент у парламент.

Памёр Чосэр 25 кастрычніка 1400 году ў арандаваным доме непадалёк ад Вестмінстэрскага абацтва. Стаў першым, хто быў пахаваны ў "Кутку паэтаў" гэтага абацтва.

Чытайце таксама

Эльфрыдэ Елінэк

Эльфрыдэ Елінэк

Аўстрыйская пісьменніца, паэтка, эсэістка, драматург, літаратурны крытык. Лаўрэатка Нобелеўскай прэміі па літаратуры (2004).

Мойшэ Кульбак

Мойшэ Кульбак

Беларуска-габрэйскі пісьменнік і перакладчык, пісаў на мове ідыш

Габрыэле Д'Анунцыё

Габрыэле Д'Анунцыё

Пералічэнне фактаў з біяграфіі не зможа даць нават аддаленага ўяўлення пра гэту неардынарную асобу

Віслава Шымборска

Віслава Шымборска

Польская паэтка, эсэістка, літаратурны крытык, перакладчыца

1165