Ангельскі паэт. Большую частку жыцця пражыў у Францыі. Пачаў друкавацца ў 1880-я гг., у 1890-я яго вершы з’явіліся ў часопісах “Жоўтая кніга” (Yellow Book) і “Савой” (The Savoy), вакол якіх сабраліся паэты, крытыкі і мастакі, што выступалі з праграмай “мастацтва дзеля мастацтва”. Адзін з самых яркіх творцаў з Клуба рыфмароў, які стварыў малады Ўільям Батлер Ейтс і які збіраўся ў карчме “Чэшырскі сыр”. Апроч Ейтса і Доўсана ў клуб уваходзілі Артур Сайманз, Лаянэл Джонсан і іншыя паэты-дэкадэнты. Памёр Доўсан у жабрацтве, хворы і змучаны алкаголем. Больш падрабязна пра жыццё і творчасць Доўсана можна прачытаць у эсэ Артура Сайманза “Эрнэст Доўсан”.