Ангельскі паэт, эсэіст і літаратурны крытык.
Нарадзіўся 15 сакавіка 1867, вучыўся ва Ўінчэстэрскім каледжы, а потым у Нью-Каледжы Оксфарда, які скончыў у 1890 годзе. У 1891 годзе прыняў каталіцтва. Вёў у Лондане самотнае жыццё, поўнае барацьбы з алкагалізмам і падаўлення сваёй гомасэксуальнасці.
Памёр 4 кастрычніка 1902 ад удару пасля падзення на вуліцы. Пры жыцці Джонсана выйшлі яго кнігі “Творчасць Томаса Хардзі” (The Art of Thomas Hardy, 1894), “Вершы” (Poems, 1895), “Ірландыя і іншыя вершы” (Ireland and Other Poems, 1897). Быў адным з сябраў Клуба рыфмароў.
