Нарадзіўся ў сям’і выкладчыкаў, да 18 год жыў у Мінску. Пасля паехаў вучыцца на юрыста-міжнародніка у Маскоўскі дзяржаўны інстытут міжнародных адносін (МГИМО), cкончыў яго у 2004 годзе. Жыве ў Маскве, займаецца адвакацкай практыкай. Кандыдат юрыдычных навук, піша навуковыя юрыдычныя творы, выкладае юрыдычную канфлікталогію. Часам занатоўвае свае жыццёвыя ўражанні ў вершах або эсэ, некаторыя з якіх надрукаваныя ў альманаху “Беларус”, што выдаецца у Нью-Ёрку.