Нарвежскі пісьменнік (сапраўднае імя Кнуд Педэрсэн), лаўрэат Нобелеўскай прэміі па літаратуры 1920 году з фармулёўкай “за манументальны твор “Сокі зямлі” пра жыццё нарвежскіх сялян, якія захавалі сваю старадаўнюю прывязанасць да зямлі і вернасць патрыярхальным традыцыям”. Аўтар больш як 30 раманаў і шэрагу п’ес, апавяданняў, публіцыстычных кніг, вершаў. На беларускую мову перакладзеныя тры раманы К. Гамсуна — “Голад” (пераклаў Лявон Баршчэўскі), “Пан” і “Вікторыя” (пераклала Лідыя Ёхансэн), а таксама нобелеўская прамова пісьменніка (пераклала Лідыя Ёхансэн).