Нарвежскі пісьменнік. Нарадзіўся ў Осла, рос на востраве Тромёй і ў Крысціянсане.
Дэбютаваў у 1998 годзе раманам “Па-за светам” (Ute av verden), за які атрымаў Прэмію Асацыяцыі нарвежскіх крытыкаў (Kritikerprisen), прычым упершыню гэтай прэміяй быў уганараваны дэбютны твор. Яго другі раман, “Усяму свой час” (En tid for alt), атрымаў некалькі ўзнагародаў і быў намінаваны на Літаратурную прэмію Паўночнай рады (Nordisk råds litteraturpris).
Самы вядомы твор Кнаўсгара — шэсць аўтабіяграфічных раманаў пад назвай “Мая барацьба” (Min kamp). У краіне з насельніцтвам 5 млн чалавек кніга разышлася накладам у 450 тысяч асобнікаў і была перакладзеная на ангельскую, шведскую, дацкую і іншыя мовы.
Photo: Oktober and Thomas Wågström
