Нарадзілася ў Салігорску, дзе падчас навучання ў гімназіі друкавалася ў рэгіянальных выданнях. У 2008 годзе скончыла Мінскі дзяржаўны лінгвістычны ўніверсітэт, факультэт міжкультурных камунікацый (французская і ангельская мовы).
Аўтар кнігі вершаў “Сонца за тэрыконамі” (Мінск: Мастацкая літаратура, 2007). Сябра суполкі “Літаратурнае прадмесце”. Друкавалася ў часопісах “Полымя”, “Маладосць”, “Вожык”, штотыднёвіку “Літаратура і мастацтва”, у калектыўных зборніках “Свет на дваіх” і “Літаратурнае прадмесце”.
Разам з Вікай Трэнас з’яўляецца арганізатарам культурных мерапрыемстваў, у тым ліку франка-беларускіх, у межах нефармальнай творчай суполкі “Прома-група ВЮ”.
Працуе перакладчыкам з французскай мовы (інтэрнэт-праекты).
Аўтар серыі інтэрв’ю з маладымі творцамі ў розных відах мастацтва (друкаваліся ў асноўным на сайце “Родныя вобразы”) і іх перакладу на французскую мову, вядзе блог “Навіны беларускай культуры па-французску” (пераклады навін і ўласныя матэрыялы) на французскай мове.
