№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Фрэнк О’Хара (Frank O'Hara)

1926-1966

Фрэнк О’Хара

Поўнае імя — Фрэнсіс Расэл О’Хара. Амерыканскі празаік, паэт і мастацкі крытык. Лічыцца адным з самых значных прадстаўнікоў нью-ёркскай паэтычнай школы.

Нарадзіўся ў сям’і ірландскіх каталікоў у Балтымары, вырас у горадзе Графтан (Масачусэтс).

У пачатку 1940-х вучыўся ў Музычнай кансерваторыі Новай Англіі, падчас Другой сусветнай вайны служыў у ВМФ ЗША. Пасля дэмабілізацыі паступіў у Гарвардскі ўніверсітэт, дзе пазнаёміўся з яшчэ адным яркім прадстаўніком нью-ёркскай школы — Джонам Эшберы — і пачаў друкавацца ў літаратурным часопісе “Гарвард Адвакат”. Яго любімымі паэтамі былі П’ер Рэвердзі, Арцюр Рэмбо, Стэфан Малармэ, Барыс Пастарнак і Уладзімір Маякоўскі. О’Хара быў цудоўным піяністам, але нягледзячы на сваю любоў да музыкі, у Гарвардзе вывучаў літаратуру.

У 1951 годзе пасяліўся ў Нью-Ёрку, дзе пражыў да канца жыцця. З 1960 году працаваў куратарам у нью-ёркскім Музеі сучаснага мастацтва (Museum of Modern Art).

О’Хара друкаваўся ў авангардных часопісах і малымі накладамі ў дробных выдавецтвах. Ён быў практычна невядомы па-за вузкім колам паэтаў і мастакоў, шырокую папулярнасць набыў толькі незадоўга да смерці. Сваю творчасць ён разглядаў як надзвычай легкадумную, і яго творы захаваліся ў многім дзякуючы сябрам. Яго першы паэтычны зборнік выйшаў у 1952 годзе, у 1971-м сябры выдалі “Выбраныя вершы Фрэнка О’Хары”, за якія паэт пасмяротна атрымаў Нацыянальную кніжную прэмію ў галіне паэзіі.

Свой аўтарскі стыль Фрэнк О’Хара акрэсліваў як “персанізм”. Многія з яго вершаў гучаць як “дзённікавыя запісы”. Гэты стыль у выніку зрабіў вялікі ўплыў на развіццё не толькі амерыканскай, але і сусветнай паэзіі, парушаючы межы паміж “паэтычным” і “непаэтычным” маўленнем.

Памёр Фрэнк О’Хара ў 1966 годзе ў аўтааварыі.

Чытайце таксама

Павал Орсаг Гвездаслаў

Павал Орсаг Гвездаслаў

Славацкі паэт, драматург, перакладчык, грамадскі дзеяч. Класік славацкай літаратуры

Аксана Драгаманава

Аксана Драгаманава

Украінская эмігранцкая пісьменіца, карыталася псеўданімам Аксана Гард

Ян Балабан

Ян Балабан

Чэшскі пісьменнік, перакладчык, эсэіст. Перакладаў Лаўкрафта

Таня Малярчук

Таня Малярчук

Украінская пісьменніца. Паводле ўласнага прызнання, “ці то кабета, ці то празаік”

1456