Габрэйскі навэліст, паэт і журналіст.
Нарадзіўся Абрам (Аўром, Аўраам) Рэйзен у 1876 годзе і за свае 77 гадоў паспеў многае — яго творы выдаваліся аж у 12 тамах. Яго прызнавалі і як паэта, і як майстра апавяданняў, і як выдаўца. Служыў у расійскім войску, жыў і ў Мінску, і ў Варшаве. У юнацтве захапляўся левай ідэалогіяй, падтрымліваў Бунд. Атабарыўшыся ў 1911 годзе ў Злучаных Штатах Амерыкі, ён пісаў пра цяжкі лёс амерыканскіх працоўных; відаць, таму ў 1928 годзе яго запрасілі ў СССР. На мяжы ў Негарэлым, зусім побач з родным мястэчкам Рэйзена, госця вітала група яўрэйскіх пісьменнікаў, у тым ліку і пралетарскі паэт Ізі Харык, які да таго часу вярнуўся з Масквы…
