Нарвежскі пісьменнік, гісторык, музыка.
Нарадзіўся ў Намсусе ў губерні Нур-Трондлаг. Вывучаў літаратуру і гісторыю ў Нарвежскім універсітэце натуральных і тэхнічных навук у Тронхейме.
Дэбютаваў раманам “Схіл” (Skråninga, 2001), за які атрымаў прэмію Тар’ея Весаса (Tarjei Vesaas’ debutantpris) і некалькі іншых за найлепшы дэбют, а таксама намінаваўся на найбуйнейшую прэмію Брагі (Brageprisen). Вялікім поспехам карыстаўся і трэці раман пісьменніка “Замыкаючы кола” (Innsirkling, 2007): ён атрымаў Прэмію Асацыяцыі нарвежскіх крытыкаў (Kritikerprisen), Еўрапейскую літаратурную прэмію (EU Prize for Literature, 2009) і намінаваўся на галоўную літаратурную ўзнагароду Скандынавіі — Літаратурную прэмію Паўночнай Рады (Nordisk råds litteraturpris). Раманы пісьменніка перакладзеныя на некалькі моваў.
Як музыка грае ў гурце Kong Ler.Photo: Aschehoug and Akam1k3
