Ізраільскі празаік, кінасцэнарыст і перакладчык.
Нарадзіўся ў кібуцы Газіт у 1964 годзе, але гадаваўся ў Тэль-Авіве, дзе жыве і цяпер. Разам з Этгарам Керэтам пісаў сцэнары для тэлекамедыі “Камерны квінтэт”. Вёў з’едлівую гумарыстычную калонку ў гарадской газеце “Га-ір”, дзе не шкадаваў нікога: ні цара Саламона, ні прэм’ера Нетаньягу. Зрабіў першы ў гісторыі Ізраіля краўдфандынг для свайго рамана — збор сродкаў быў завершаны паспяхова, але ініцыятар быў абвінавачаны ў жабраванні.
Узі Вайль добра вядомы беларускаму чытачу па публікацыях у газетах “Наша ніва” і “Мы яшчэ тут!”, у часопісе ARCHE, а таксама па “Начной чытанцы” Радыё Свабода. Апавяданне Вайля “Чалавек, які скраў Сцяну Плачу” дало назву першаму зборніку ізраільскай прозы па-беларуску.
