№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

У архівах Віславы Шымборскай знайшлі недрукаваны раман

12 красавіка 2012

У архівах Віславы Шымборскай знайшлі недрукаваны раман
Мяркуюць, што раман пад назвай “Бляск рэвальвера” (Blysk Rewolweru) Шымборска напісала яшчэ ў школе. Паводле словаў Русінэка, дэтэктыў напісаны ў стылі ранняй Агаты Крысці. Сакратар таксама расказаў, што твор не плануецца публікаваць, аднак ён будзе ўключаны ў архівы Шымборскай.

Архіў паэткі будзе захоўвацца ў літаратурным музеі ў Кракаве, які плануецца адкрыць у будучыні. Улады горада ўжо ўхвалілі адпаведны праект.

Віслава Шымборска нарадзілася ў 1923 годзе недалёка ад Познані. У пачатку 1930-х яна пераехала ў Кракаў, дзе і жыла да канца сваіх дзён. Яна аўтарка больш чым 30 вершаваных зборнікаў, а таксама перакладчыца французскай паэзіі. Апошні зборнік вершаў Шымборскай выйдзе ў Польшчы 20 красавіка.

Нобелеўскую прэмію па літаратуры паэтка атрымала ў 1996 годзе з фармулёўкай “за паэзію, якая з іранічнай дакладнасцю адлюстроўвае ў фрагментах чалавечай рэальнасці гістарычны і біялагічны кантэкст”. Шымборска таксама была ўзнагароджаная прэміяй Гётэ і прэміяй Гердэра. Памерла 1 лютага 2012 у сябе дома.
паводле lenta.ru

Чытайце таксама

Вера Бурлак стала сёлетняй лаўрэаткай прэміі Шэрмана

Прэмія імя Карласа Шэрмана была ўручана Веры Бурлак за паспяховы сінтэз перакладчыцкіх тэхнік пры пераўвасабленні мастацкага ўніверсуму Льюіса Кэрала ў перакладзе кнігі «Скрозь Люстэрка і што ўбачыла там…

Выйшла дэтэктыўная кніга Роберта ван Гуліка пра Старажытны Кітай

У выдавецтве “Кнігазбор” выйшаў зборнік дэтэктыўных апавяданняў Роберта ван Гуліка “Следства вядзе суддзя Дзі”. Перакладчыца — Ганна Янкута. Кніга падрыхтаваная сумесна Саюзам беларускіх пісьменнікаў і…

іншыя навіны
288