Раней пра пісьменніцу і яе раман пісаў на “ПрайдзіСвеце” перакладчык Сяргей Сматрычэнка ў сваім аглядзе сучаснай чэшскай літаратуры.

Выдуманая дзяўчына паспела атрымаць прэмію Кніжнага клуба ў памеры 50 тысяч крон, за тры месяцы прадаць 8 тысяч асобнікаў кнігі і даць шэраг інтэрв'ю – кожны раз па электроннай пошце.

Кніга выклікала шырокі грамадскі рэзананс шмат у чым праз тое, што раней шматлікія в’етнамскія эмігранты ў Чэхіі літаратурнай актыўнасці не праяўлялі. Акрамя таго, чэшскія чытачы не выстаялі перад спакусай даведацца "з першых рук" пра тое, як жывецца в'етнамскай дыяспары.

Цэмпірэк старанна прадумаў сваё "другое я". На ўручэнні прэміі Кніжнага клуба нават паказалі відэазварот ад імя пісьменніцы, якая нібы з'ехала вучыцца ў Малайзію, паведамляе "Радыё Прага".

Сябры журы прэміі і выдаўцы пачуваюцца ашуканымі: паводле іх меркавання, пісьменнік зрабіў несумленна, не расказаўшы пра містыфікацыю хоць бы пасля таго, як узнагарода была прысуджаная.

Сам Цэмпірэк адмовіўся растлумачыць журналістам, навошта ён выдаваў сябе за дзяўчыну, абмежаваўшыся агульнымі словамі пра тое, што ўсё трэба разглядаць у шырэйшым кантэксце. Зрэшты, ствараючы "віртуальную" пісьменніцу, ніякіх законаў ён не парушыў, так што зацікаўленым асобам застаецца толькі крыўдзіцца.