У Іране п’есу Ібсэна забаранілі “за геданізм”
14 студзеня 2011
![У Іране п’есу Ібсэна забаранілі “за геданізм”](http://i649.photobucket.com/albums/uu212/prajdzisvet/872685BA-067E-4C50-A61B-8DB8E236910A_mw800_mh600_s.jpg)
Далатабадзі заявіў, што п'еса была праблемнай "як з канцэптуальнага пункту гледжання, так і ў тым, што датычыць яе пастаноўкі". Паводле яго словаў, культурнае жыццё Тэгерана мае патрэбу ў "аздараўленні". Для гэтага пры пракуратуры быў створаны спецыяльны камітэт.
Як адзначае агенцтва, гэтая забарона адлюстроўвае агульную супярэчлівую сітуацыю з мастацтвамі ў Іране, дзе вельмі строга выконваюцца законы шарыяту. За апошнія некалькі месяцаў некаторыя высокапастаўленыя іранскія палітыкі выступілі не толькі супраць жорсткіх абмежаванняў у сферы мастацтва, але і ў цэлым супраць палітыкі, якая праводзіцца Махмудам Ахмадзінежадам.
Барацьба з культурным уплывам Захаду вядзецца ў Іране не толькі ў тэатры, але і ў літаратуры і музыцы. Так, увесну 2009 году ў горадзе Шыраза 100 наведвальнікаў рок-канцэрту былі арыштаваныя па абвінавачанні ў сатанізме, а нядаўна ўлады краіны ўвялі забарону на публікацыю кніг вядомага бразільскага пісьменніка Паўлу Куэлью.