№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Змест


Алок Вайд-Мэнан Вулічны гвалт Вершы Фрэнк О’Хара Трымаю воблака ў абдымках Вершы Пэт Паркер Так прагну з табой кахацца і словы замест гэтага пішу Вершы Ўолт Ўітмэн Як Адам на золку ўранні Вершы Эмі Лоўэл Калі б я здолела злавіць зялёны ліхтар светляка Вершы Сара ТысдэйлЭрына Верш Алфрэд Эдвард Хаўсмэн Больш не пытай: баюся, не змаўчу Вершы Гедрэ Казлаўскайтэ Размаўляць на забытых мовах Вершы Івар Сільдпачуццё што нешта не так Вершы Сімона дэ БавуарДругі пол Фрагмент кнігі Жан Както Белая кніга
Іда Ліндэ Мама забойцы Урывак з рамана Жорж Экгаўт Татуіроўка Апавяданне Уладзіслаў Гарбацкі Апошні ўраніст Эсэ
Крысціна Бандурына Something Special Вершы Карэкцыя перспектывы Апавяданне Надзя Гусакоўская не вставать рано утром, чтоб не упасть Вершы Уладзіслаў Гарбацкі Прыдарожныя макі Апавяданне Каровы ды мужыкі Апавяданне Дар’я Трайдэн Нямая Апавяданне Вампірызм Апавяданне Хвароба Апавяданне Дзмітрый Ермаловіч-Дашчынскі Небесный сеанс прерывается Вершы
“Вось так я пішу” Рэпрэзентацыя негетэранарматыўнай сэксуальнасці ў літаратуры Матэрыялы круглага стала
Вольга Гапеева Гульня ў гендар, або Чаму качкі размаўляюць на лавандавай мове Эсэ Альгерд Бахарэвіч “Зразумейце маю адзіноту”: “Дзёньнік” Вітальда Гамбровіча як досьлед уласнае сэксуальнасьці Эсэ Дар’я Трайдэн Бог і мілыя хлопчыкі: рэлігія і гомаэротыка ў творах Герарда Рэвэ Эсэ Кацярына Маціеўская Эфект Пігмаліёна Эсэ Ганна Янкута Гісторыя аднаго сына Эсэ Справа Роджэра Кейсмента Эсэ Літаратурнае жыццё бостанскага шлюбу Эсэ Уладзіслаў Гарбацкі Як беларусы ў 1928 годзе гей-шлюбам палохалі Эсэ Апошні enfant terrible ХХ стагодзьдзя Эсэ Жанчына, што кахала мужчынаў, якія кахалі мужчынаў Эсэ Уладзімір Валодзін Уголовное преследование гомосексуалов в СССР (1946-1991): цифры и дискурсы

У гэты дзень, 28 красавіка

  • 1853

    Памёр Людвік Ёган Цік (ням. Ludwig Johann Tieck, нар. 31 траўня 1773), нямецкі паэт, празаік, драматург, перакладчык. Перакладамі драмаў Шэкспіра Цік займаўся сумесна з Аўгустам Шлегелем і лічыў, што пераклады неабходныя для стварэння новага мастацтва. Апроч гэтага, перакладаў “Дон Кіхота” Сервантэса. Напісаў шэраг працаў пра тэатр і драматургію.

  • 1902

    Нарадзіўся Юхан Борген (нарв. Johan Collett Müller Borgen, памёр 16 кастрычніка 1979), нарвежскі пісьменнік, журналіст, крытык. У п’есах, напісаных у 1930-я гг., паказаў сябе майстрам псіхалагічнага аналізу. Раман “Я” (Jeg, 1959) прысвечаны метаду фрэйдысцкага псіхааналізу. Найбольш вядомая яго трылогія з раманаў “Маленькі лорд” (Lillelord, 1955), “Цёмныя воды” (De merke kilder, 1956) і “Цяпер яму не ўцячы” (Vi har ham na, 1957).

  • 1918

    Дзяржаўнай і абавязковай мовай БНР абвешчаная беларуская.

  • 1926

    Нарадзілася Харпер Лі (анг. Nelle Harper Lee), амерыканская пісьменніца, вядомая дзякуючы раману “Забіць перасмешніка” (To Kill a Mockingbird, 1960), які адразу пасля выхаду зрабіўся бэстсэлерам і ў тым жа годзе атрымаў Пулітцэраўскую прэмію. У аснову рамана леглі ўражанні ад Скотсбарскай справы, якая пачалася ў красавіку 1931 году, калі дзевяцёх чарнаскурых ледзь не пакаралі смерцю за згвалтаванне, нягледзячы на медыцынскія дадзеныя, якія абвяргалі злачынства. Праз некалькі гадоў абвінавачанне было знятае. Паводле апытання, праведзенага “Бібліятэчным часопісам” у ЗША ў 1999 годзе, раман быў названы найлепшай кнігай стагоддзя.

  • 1944

    Памёр Ільдэфонс Бобіч (псеўд. Пётра Просты; нар 10 студзеня 1890), беларускі рэлігійны і культурны дзеяч, каталіцкі святар, прыхільнік беларусізацыі касцёла, празаік, драматург. Супрацоўнічаў з беларускімі часопісамі “Беларус” і “Крыніца”.

  • 1944

    Памерла Катры Вала (фінск. Katri Vala, сапр. Карын Аліса Вадэнстром; нар. 11 верасня 1901), адна з самых вядомых паэтак Фінляндыі. Як мадэрнізатарку фінскай паэзіі яе часта параўноўваюць са шведскай паэткай Эдыт Сёдэргран. Пісаць вершы пачала ў 11 гадоў. Раннія творы Катры Вала друкаваліся ў 1920-х гадах у перыядычным выданні Nuori Voima. У гэты час яна выдала першы зборнік вершаў “Далёкі сад” (Kaukainen puutarha, 1924). У 1928 годзе захварэла на туберкулёз, ад якога так ніколі канчаткова не паправілася. У 1930 годзе паэтка выйшла замуж за Армаса Хейкеля. У гады Вялікай дэпрэсіі Вала падпрацоўвала, пішучы для часопісаў і перакладаючы на фінскую мову шведскую паэзію, а таксама творы Генрыха Гайнэ, Бертальта Брэхта, некаторых кітайскіх паэтаў. Другая кнігі Катры Вала “Сінія дзверы” (Sininen ovi, 1926) уяўляла сабой панегірык каханню і жыццю. У пачатку 1930-х гадоў паэтка працавала крытыкам у часопісе Tulenkantajat (“Носьбіты агню”), дзе друкавала агляды і рэцэнзіі пад псеўданімам Пека (Pecka), часта крытыкуючы нацызм і расізм Трэцяга Рэйху, а таксама мілітарызм, і насміхаючыся з такой значнай асобы ў літаратуры, як Міка Валтары. Апошні зборнік вершаў Вала “Роднае гняздо гарыць” (Pesäpuu palaa) выйшаў у 1942 годзе. На беларускую мову вершы Вала перакладаў Якуб Лапатка.

  • 1948

    Нарадзіўся Тэры Пратчэт (анг. Terry Pratchett), ён жа сэр Тэрэнс Дэвід Джон Пратчэт, папулярны ангельскі пісьменнік. Самы вядомы твор Пратчэта — сатырычны фэнтэзійны цыкл “Плоскі свет” (Discworld). Паводле статыстыкі, ў 1990-я гады Пратчэт быў самым чытаным пісьменнікам Вялікабрытаніі — яго кніг толькі ў цвёрдай вокладцы прададзена больш, чым усіх кніг любога іншага жывога пісьменніка. Паводле некаторых падлікаў, яго кнігі складаюць каля 1% усіх кніг, што прадаліся ў Вялікабрытаніі, а агульны іх тыраж (лічачы пераклады) — 40 мільёнаў. У спіс 200 найлепшых кніг паводле версіі ВВС трапіла 15 раманаў Пратчэта.

  • 1953

    Нарадзілася Валянціна Аксак, беларуская паэтка, аўтарка зборнікаў паэзіі “Цвінтар” (1992), “Капліца” (1994), “Антычны дождж” (1999), “Віно з Каліфорніі” (2003), “Ружоўніца” (2008).