№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Змест


Алок Вайд-Мэнан Вулічны гвалт Вершы Фрэнк О’Хара Трымаю воблака ў абдымках Вершы Пэт Паркер Так прагну з табой кахацца і словы замест гэтага пішу Вершы Ўолт Ўітмэн Як Адам на золку ўранні Вершы Эмі Лоўэл Калі б я здолела злавіць зялёны ліхтар светляка Вершы Сара ТысдэйлЭрына Верш Алфрэд Эдвард Хаўсмэн Больш не пытай: баюся, не змаўчу Вершы Гедрэ Казлаўскайтэ Размаўляць на забытых мовах Вершы Івар Сільдпачуццё што нешта не так Вершы Сімона дэ БавуарДругі пол Фрагмент кнігі Жан Както Белая кніга
Іда Ліндэ Мама забойцы Урывак з рамана Жорж Экгаўт Татуіроўка Апавяданне Уладзіслаў Гарбацкі Апошні ўраніст Эсэ
Крысціна Бандурына Something Special Вершы Карэкцыя перспектывы Апавяданне Надзя Гусакоўская не вставать рано утром, чтоб не упасть Вершы Уладзіслаў Гарбацкі Прыдарожныя макі Апавяданне Каровы ды мужыкі Апавяданне Дар’я Трайдэн Нямая Апавяданне Вампірызм Апавяданне Хвароба Апавяданне Дзмітрый Ермаловіч-Дашчынскі Небесный сеанс прерывается Вершы
“Вось так я пішу” Рэпрэзентацыя негетэранарматыўнай сэксуальнасці ў літаратуры Матэрыялы круглага стала
Вольга Гапеева Гульня ў гендар, або Чаму качкі размаўляюць на лавандавай мове Эсэ Альгерд Бахарэвіч “Зразумейце маю адзіноту”: “Дзёньнік” Вітальда Гамбровіча як досьлед уласнае сэксуальнасьці Эсэ Дар’я Трайдэн Бог і мілыя хлопчыкі: рэлігія і гомаэротыка ў творах Герарда Рэвэ Эсэ Кацярына Маціеўская Эфект Пігмаліёна Эсэ Ганна Янкута Гісторыя аднаго сына Эсэ Справа Роджэра Кейсмента Эсэ Літаратурнае жыццё бостанскага шлюбу Эсэ Уладзіслаў Гарбацкі Як беларусы ў 1928 годзе гей-шлюбам палохалі Эсэ Апошні enfant terrible ХХ стагодзьдзя Эсэ Жанчына, што кахала мужчынаў, якія кахалі мужчынаў Эсэ Уладзімір Валодзін Уголовное преследование гомосексуалов в СССР (1946-1991): цифры и дискурсы

У гэты дзень, 25 чэрвеня

  • 1822

    Памёр Эрнст Тэадор Амадэй Гофман (ням. Ernst Theodor Amadeus Hoffmann, нар. 24 студзеня 1776), нямецкі пісьменнік, кампазітар, музычны крытык, мастак рамантычнага кірунку. Герой знакамітай оперы Ж. Афенбаха “Казкі Гофмана”. Арганізаваў філарманічнае таварыства і сімфанічны аркестр у Варшаве, быў дырэктарам і дырыжорам у тэатрах Берліна, Ляйпцыга, Дрэздэна. У 1814 годзе Гофман стварыў адну з першых рамантычных операў “Ундына” (Undine). Аўтар казак “Шчаўкунок і Мышыны кароль” (Nußknacker und Mausekönig, 1816), “Чужое дзіця” (Das fremde Kind, 1817), “Прынцэса Брамбіла” (Prinzessin Brambilla, 1820), рамана “Эліксіры д’ябла” (“Die Elixiere des Teufels,” 1815—1816), зборніка “Начныя апавяданні” (1817). Сярод найлепшых твораў Гофмана — зборнік навэлаў “Серапіёнавы браты” (Die Serapionsbrüder, 1819—1821). Вяршыня творчасці — няскончаны раман “Жыццёвыя погляды ката Мура” (Lebensansichten des Katers Murr, 1820—1822). На беларускую мову асобныя творы Гофмана перакладаў Васіль Сёмуха.

  • 1887

    Нарадзіўся Фрыдзеш Карынці (венг. Karinthy Frigyes, памёр 29 жніўня 1938), венгерскі празаік, драматург, паэт, перакладчык Дж. Свіфта і А. Мілна. У апавяданні “Ланцугі” (Láncszemek, 1929) упершыню сфармуляваў знакамітую псіхалагічную канцэпцыю “шасці ўзроўняў раздзялення”. Напісаў працяг прыгодаў Гулівера — “Вандроўка ў Фа-рэ-мі-до” (Utazás Faremidóba, 1915, у якой Гулівер ратуецца ад Першай сусветнай вайны) і сатырычную “Капіларыю” (Capillária, 1921). Аўтар рамана-гратэску “Паведамленне з выраю” (Mennyei riport, 1937), сатырычна-фантастычнага рамана “Вандроўка вакол уласнага чэрапа” (Utazás a koponyám körül, 1937), некалькіх вершаваных зборнікаў, сатырычных апавяданняў.

  • 1903

    Нарадзіўся Джордж Оруэл (анг. George Orwell, сапр. Эрык Артур Блэр; памёр 21 студзеня 1950), ангельскі пісьменнік і публіцыст. Удзельнік грамадзянскай вайны ў Гішпаніі (1936—1939), падзеі якой адлюстраваныя ў кнізе “Памяці Каталоніі” (Homage to Catalonia, 1938). Аўтар аповесці “Ферма” (Animal Farm, 1945) — алегорыі на падзеі рэвалюцыі 1917 году ў Расіі, вядомага рамана-антыўтопіі “1984” (Nineteen Eighty-Four, 1949), якія ў 2000 г. пабачылі свет па-беларуску ў перакладах Сяргея Шупы.

  • 1907

    Нарадзіўся Арсеній Таркоўскі (руск. Арсений Тарковский, памёр 27 траўня 1989), рускі паэт, перакладчык. Бацька кінарэжысёра Андрэя Таркоўскага. Пасмяротна ўзнагароджаны Дзяржаўнай прэміяй СССР (1989). Аўтар зборнікаў вершаў “Перад снегам” (“Перед снегом”, 1962); “Зямлі зямное” (“Земле земное”, 1966); “Вястун” (Вестник, 1969); “Вершы” (“Стихотворения”, 1974); “Зімні дзень” (“Зимний день”, 1980); “Выбранае” (“Избранное”, 1982).

  • 1926

    Нарадзілася Інгеборг Бахман (ням. Ingeborg Bachmann, памерла 17 кастрычніка 1973), аўстрыйская паэтка і празаік. Лаўрэат Вялікай дзяржаўнай прэміі Аўстрыі па літаратуры (1968). Зрабілася знакамітай пасля публікацыі зборнікаў вершаў “Адтэрмінаваны час” (Die Gestundete Zeit, 1953) і “Заклік да Вялікай мядзведзіцы” (Anrufung des großen Bären, 1957). Працавала на радыё, пісала радыёп’есы, самая вядомая — “Добры Бог з Манхэтэна” (1958). Загінула пасля пажару ў сваёй кватэры ў Рыме. Асабісты архіў забараніла адкрываць да 2025 году. На беларускую мову творы Бахман перакладала Вольга Гронская.