Навіны літаратуры

11 чэрвеня 2010

У інтэрнэт – з папяровай кнігі

Як паведамляе часопіс The Chronicle, амерыканскі навуковец Сорын Мацей (Sorin Matei) распрацаваў праект пад назвай Ubimark, дзякуючы якому чытачы папяровых выданняў пры жаданні змогуць атрымаць доступ да дадатковых матэрыялаў па тэме кнігі. Сутнасць гэтага праекту складаецца ў наступным: у тэксце кнігі размешчаныя двухмерныя коды, кожны з якіх утрымлівае гіперспасылку, якая вядзе на сайт з дадатковай інфармацыяй. На думку вучонага, гэта можа быць як даведачная інфармацыя - у тэкставым, відэа- ці аўдыёфармаце, так і камунікатыўныя інструменты, напрыклад, форум, дзе меркаваннем аб кнізе дзеляцца іншыя чытачы. Сама тэхналогія - не навіна, але гэты праект стаў адной з першых спробаў “вывесці” яе да шырокай аўдыторыі. Кніга была выдадзеная пры дапамозе CreateSpace – падраздзялення Amazon, якое спецыялізуецца на “самвыдаце” і друку па запатрабаванню.Каб працаваць з гіперспасылкамі, чытачу спатрэбіцца мабільны тэлефон з фотакамерай і доступам у Інтэрнэт і праграма для распазнавання двухмерных…

Чытаць цалкам

11 чэрвеня 2010

Нямецкую Прэмію міру атрымаў ізраільцянін Давід Гросман

56-гадовы пісьменнік афіцыйна атрымае свой прыз, што складаецца 25 000 еўра (30 000 даляраў), на цырымоніі ўзнагароджання, якая пройдзе 10 кастрычніка падчас Франкфурцкага кніжнага кірмашу."Асацыяцыя і яе сябры вырашылі ўганараваць аднаго з найбуйнейшых ізраільскіх пісьменнікаў і актыўнага прыхільніка прымірэння паміж ізраільцянамі і палестынцамі", – гаворыцца ў заяве камітэта прэміі."У сваіх раманах, эсэ і апавяданнях Давід Гросман паслядоўна імкнецца зразумець і данесці не толькі свой ўласны пункт погляду, але і меркаванне тых, хто думае па-іншаму.Кнігі Гросмана – у тым ліку "Гл.: Каханне", што апавядае гісторыі дзяцей, якія перажылі Халакост, і "Жоўты Вецер", развагі па арабска-ізраільскія адносіны – былі перакладзеныя на некалькі моваў.У 2006 годзе разам з іншымі пісьменнікамі Давід Гросман запатрабаваў спынення агню ў ізраільска-ліванскім канфлікце. А праз некалькі дзён яго сын быў забіты ракетай "Хізбала". Гэты досвед пісьменнік апісаў у сваёй кнізе "Да скону зямлі".

Чытаць цалкам

11 чэрвеня 2010

Украінцы абралі найлепшыя творы пра каханне

Першае месца ў намінацыі «Раманы» атрымала Яраслава Бакалец (сяло Раліўка Самборскага раёну Львоўскай вобласці) за раман «З сёмага дна». Другое месца – Цімур Літоўчанка (Кіеў), раман «Орлік, сын Орліка». Трэцяе месца – Міраслава Замойска (Львоў), раман «Хмарагон».Дыпламанты:«Па дарозе на Фрэюнг», Наталля Кудра (горад Локмарыя, востраў Бэль-Іль-ан-мэр, Францыя); «Арахнафобія», Юры Сарока (Хмяльніцкі); «У пошуках Агапога», Леся Вароніна (Кіеў); «Трынаццатая жанчына Фройда», Лілія Бандарэнка (Нікалаеў); «Выведбат», Аляксандра Лапаценка (Дубна, Ровенская вобласць); «Канец гламуру, або Dolce Vita», Вераніка Хідчанка (Львоў); «1000000 $», Арцём Антанюк (Сумы). У намінацыі «П'есы» перамог Эдуард Богуш з Кіева, п'еса «На мянушку Цынцынат» .Другая прэмія – у Багдана Мельнічука і Алега Масійчука (Тэрнопаль) за п'есу «Рэквіем для кларнета без аркестра». Трэцяя прэмія – таксама ў Багдана Мельнічука, праўда, ужо ў суаўтарстве з Уладзімірам Фралянковым (Тэрнопаль), «Прарочы сон, ці Мудры Іванкоў» Дыпламанты…

Чытаць цалкам

11 чэрвеня 2010

Конкурс перакладу слоганаў замежных брэндаў

Удзел у конкурсе можа ўзяць кожны ахвотны, як прафесійныя гульцы рэкламнага рынку, так і маладыя крэатыўныя людзі. Ніякіх абмежаванняў не існуе. Што менавіта трэба зрабіць?1. Перакласці на беларускую мову слоганы міжнародных кампаній, што прапанавалі арганізатары конкурсу.2. Даслаць свой варыянт на паштовую скрыню info@adnak.by разам з кантактнай інфармацыяй.3. Перамагчы і атрымаць каштоўныя прызы ад арганізатараў конкурсу.Пераможца конкурсу атрымае квартальную падпіску на вядомы часопіс «Рекламные идеи».У межах конкурсу арганізатары прапануюць наступны спіс слоганаў міжнародных брэндаў: Слоган Брэнд Get More out of Now Dell Computer The make-up of make-up artists Max Factor Crowdstopper Durex Condoms Grace…. space… pace Jaguar The Passionate Pursuit of Perfection Lexus Свае пераклады дасылайце на паштовую скрыню info@adnak.by да 23 чэрвеня.Усю дадатковую інфармацыю можна атрымаць па тэлефонах +375 29 755-1434, 177-0121, +375 25 978-9787 альбо па адрасе info@adnak.by.

Чытаць цалкам

10 чэрвеня 2010

У Празе пануе “Ерась і бунтарства”

У цікавых, часам няпростых дэбатах ідзе абмеркаванне літаратурных і грамадскіх працэсаў, якія сёння фарміруюць грамадскую думку і заклікаюць да дыялогу культур. У праграме Фестывалю аўтарскія чытанні, сустрэчы з пісьменнікамі, тэатральныя паказы і выставы кнігі.Штогадовыя пражскія пісьменніцкія фестывалі цяпер належаць да яскравых падзеяў еўрапейскага культурнага календара. Іх гісторыя пачалася ў канцы 1970-х гадоў, калі Хельсінкскі камітэт спрабаваў падтрымаць пісьменнікаў у краінах камуністычнага блоку Усходняй Еўропы. «Ерась і бунтарства» - галоўная тэма сёлетняга фестывалю. На думку нязменнага прэзідэнта фестывалю Майкла Марча, кожны пісьменнік па сваёй сутнасці - ерэтык, кожны па сваёй прыродзе -- бунтар. «Гэта не рэвалюцыя, гэта спроба апаніраваць уладнай ідэалогіі, дзяржаўнай прапагандзе і пануючаму спосабу мыслення», - так абгрунтоўвае выбар тэмы фестывалю Майкл Марч. Урэшце, мы жывем у такі час, калі нельга ні на хвіліну спыняцца, губляць з поля зроку дэмакратычныя каштоўнасці…

Чытаць цалкам

10 чэрвеня 2010

Жаночую прэмію Orange атрымала Барбара Кінгсолвер

Дзеянне "Лакуны" пачынаецца ў 30-х гадах XX стагоддзя. Галоўны герой рамана – пісьменнік Харысан Шэпард. Ён жыве ў Мексіцы і мае зносіны з мясцовай багемай – мастакамі Дыегам Рывэрам і Фрыдай Кало, а таксама Львом Троцкім, у якога Шэпард працуе сакратаром. 55-гадовая Барбара Кінгсолвер раней ужо намінаваліся на прэмію Orange: у 1999 годзе яе раман "Біблія атрутнага лесу" (The Poisonwood Bible) увайшоў у шорт-ліст прэміі.Акрамя амерыканскай пісьменніцы, якая выйграла прэмію, у шорт-ліст таксама ўвайшлі Розі Элісан, Хілары Мэнтэл, Лоры Мур, Моніка Руфі і Атыка Лок. Фаварыткай увесь час лічылася брытанская пісьменніца Хілары Мэнтэл, уладальніца Букераўскай прэміі 2009 году.Прэмія Orange лічыцца найбуйнейшай сярод літаратурных прэмій, якія могуць атрымаць жанчыны-пісьменніцы. Прэмія прысуджаецца штогод за мастацкі твор на англійскай мове, напісаны жанчынай і апублікаваны ў Вялікабрытаніі за год да…

Чытаць цалкам

9 чэрвеня 2010

Літаратуры вернуць інтымнасць вінілавымі пласцінкамі

"Шчыра кажучы, гэта эксперымент", - заявіў заснавальнік “Underwood” былы мастацтвазнаўца Натан Дан (Nathan Dunne). На яго думку, цяпер у гонцы за партатыўнасцю і зручнасцю распаўсюджвання запісанага гуку знішчаецца ўся інтымнасць працэсу слухання і, як вынік, скажаецца ўспрыманне.Па словах Дана, да прыкладу, фармат MP3 адрозніваецца лічбавым глянцам, праз які гук робіцца ненатуральным. "Вініл стварае эфект прысутнасці, мацней захапляе слухача", - мяркуе ён.На пласцінках будуць запісаныя невялікія апавяданні ў выкананні саміх аўтараў. На пакуль што адзінай выдадзенай “Underwood” пласцінцы запісаныя "Заяц" Тобі Літа і "Шпацыр па птушынай клетцы" Клэр Вігфал. Канверт пласцінкі аформіў мастак коміксаў Джордан Крэйн.

Чытаць цалкам

9 чэрвеня 2010

Вацлаў Гавал атрымаў прэмію Кафкі

Прафесійнае журы ў складзе Джона Колдэра, Петэра Демеца, Марыяны Груберовай, Олдржыха Крала, Курта Кралопа, Марсэля Райха-Раніцкага, Іржы Странскага і Ганса Дытэра Цымермана абрала дзесятага лаўрэата прэміі ў гэты панядзелак у Празе. Прэмію Франца Кафкі, заснаваную ў 2001 годзе Таварыставам Ф. Кафкі, уручаюць аўтарам за творы выключнай мастацкай якасці, адрасаваныя чытачам незалежна ад іх паходжання, нацыянальнасці і культуры, як і творы самога Кафкі. У розныя гады яе ўладальнікамі былі Філіп Рот, Іван Кліма, Эльфрыда Елінэк і Гаральд Пінтэр, Харукі Муракамі, Іў Банфуа. Двойчы – у выпадку Эльфрыды Елінэк і Гаральда Пінтэра – журы высока ацаніла будучых лаўрэатаў Нобелеўскай прэміі. Лаўрэаты атрымліваюць статуэтку, якая ўяўляе сабой паменшаную мадэль помніка Францу Кафку ў Празе, а таксама грашовую ўзнагароду ў памеры 10 тысяч даляраў.Пра асобу Вацлава Гаўла можна пачытаць тут.

Чытаць цалкам

8 чэрвеня 2010

Лекцыя Пятра Садоўскага “Комплексы двухмоўя, або Маскультурызацыя гуманістыкі” на Сядзібе ТБМ

Запрашаюцца ўсе цікаўныя да праблемаў мовы, яе стану і развіцця ў Беларусі. Як анансуе сам Пятро Садоўскі: “Не будзе надта філософіі, будзе мора прыкладаў”. Сядзіба ТБМ, Румянцава, 13. 19:00 Уваход вольны.

Чытаць цалкам

7 чэрвеня 2010

Манускрыпт кітайскага паэта прадалі за 63,8 мільёны даляраў

Манускрыпт стварыў Хуан Цінцзянь (Huang Tingjian) - паэт і навуковец эпохі праўлення дынастыі Сун (960 - 1279 гады). Першапачаткова скрутак дасягаў у даўжыню 8,24 метры, але на працягу 800 гадоў павялічыўся да 15 метраў, паколькі ўладальнікі скрутку – кітайскія пісьменнікі і чыноўнікі - па меры неабходнасці яго дапісвалі.Скрутак – надзвычай важны артэфакт для даследчыкаў кітайскай гісторыі і літаратуры, бо яго тэкст уяўляе сабой развагі аб правасуддзі і маралі легендарнага дзяржаўнага дзеяча Ўэй Чжэн (Wei Zheng) эпохі Тан (618 - 907 гады).Як паведамляе The New York Times, папярэдні рэкорд на творы класічнага кітайскага мастацтва быў усталяваны ў 2005 годзе на аўкцыёне ў Лондане: ваза часоў дынастыі Юань (1279 - 1368 гады) была прададзеная за 34 мільёны даляраў.

Чытаць цалкам

№21: Знак прысутнасці

Змест