Навіны літаратуры

27 лістапада 2013

Біяграфію Джона Р. Р. Толкіна экранізуюць

У дадзены момант праект знаходзіцца на стадыі распрацоўкі: вядома, што сцэнарам зоймецца Дэвід Глісан. Фільм раскажа пра ключавыя моманты жыцця пісьменніка, а таксама пра падзеі, якія натхнілі яго напісаць “Хобіта” і знакамітую трылогію “Уладар пярсцёнкаў”. Джон Р. Р. Толкін — ангельскі празаік, паэт і філолаг, найбольш вядомы як аўтар аповесці “Хобіт, або Туды і назад”, якую напісаў у 1930-я для сваіх дзяцей, і эпічнай трылогіі “Уладар пярсцёнкаў”, якую лічаць адным з галоўных твораў XX стагоддзя. Экранізаваў гэтыя творы новазеландскі рэжысёр Пітэр Джэксан.

Чытаць цалкам

18 лістапада 2013

Памерла Дорыс Лесінг

Узнагароду Лесінг Нобелеўскі камітэт прысудзіў у 2007 годзе з фармулёўкай: “Аўтару эпічных твораў пра жаночы досвед, якая са скепсісам, запалам і празорчай сілай вывучыла падзеленую цывілізацыю”. Агулам пісьменніца, якая прытрымлівалася ідэй фемінізму, напісала больш за пяцьдзясят твораў, як мастацкіх, так і дакументальных. Дорыс Лесінг, народжаная Дорыс Мэй Тэйлар, з'явілася на свет 22 кастрычніка 1919 году ў сям'і брытанскага афіцэра ў Персіі. У дзяцінстве разам з бацькамі пераехала ў Афрыку, а пасля Другой сусветнай вайны перабралася ў Вялікабрытанію. Лесінг, якая не мела фармальнай адукацыі, змяніла некалькі прафесій і пачала друкавацца ва ўзросце трыццаці гадоў. Акрамя фемінізму ў творчасці пісьменніцы атрымалі адлюстраванне камуністычныя ідэі і містычнае вучэнне суфізму. Сярод галоўных твораў Лесінг — раманы “Трава спявае”, “Залаты сшытак”, “Добры тэрарыст”, трылогія “Дзеці гвалту” і фантастычны цыкл “Канопус у Аргасе”.

Чытаць цалкам

15 лістапада 2013

Забароненую біяграфію Сэлінджэра прададуць з аўкцыёну

Пра гэта паведамляецца на сайце аўкцыёну. Асобнік сігнальнага выпуску кнігі ўпершыню пойдзе з малатка 21 лістапада. Ён выстаўлены на таргі “Літаратура XIX—XX стагоддзя”. Ацэначны кошт выдання складае 4-6 тысяч даляраў. Біяграфія Сэлінджэра была напісаная ангельскім літаратурным крытыкам, біёграфам і паэтам Енам Хэмілтанам. У 1987-м Сэлінджэр дамогся забароны на яе продаж, таму што ў ёй выкарыстоўваліся цытаты з яго неапублікаваных лістоў. Пробны наклад быў знішчаны. Кніга выйшла ў 1988 годзе ў змененым выглядзе: Хэмілтану давялося перапісаць фрагменты, якія Сэлінджэр не ўхваліў. На вокладцы выстаўленага выдання ў прозвішчы аўтара — Hamilton — дапушчаная памылка, у слове прапушчаная літара l. На аўкцыёне Swann Auction Galleries з малатка пойдуць кнігі Джэйн Остэн, Ўільяма Фолкнэра, Джэймса Джойса і іншых аўтараў.

Чытаць цалкам

13 лістапада 2013

Karatkievič international

Падчас мерапрыемства адбудзецца прэзентацыя польскага перакладу рамана “Хрыстос прызямліўся ў Гародні” з удзелам перакладчыцы Малгажаты Бухалік, а таксама гутарка пра легендарнага нямецкага перакладчыка Норберта Рандаў (1929—2013). Вядоўца — Андрэй Хадановіч. Кнігарня “логвінаЎ”, пачатак а 19-й. У межах фестывалю “Лятучы стол Караткевіча”.

Чытаць цалкам

12 лістапада 2013

“Забойства Роджэра Экрайда” прызналі найлепшым дэтэктывам усіх часоў

У конкурсе ўдзельнічалі 10 твораў, сярод якіх таксама былі раман Крысці “Забойства ва Усходнім экспрэсе”, “Сабака Баскервіляў” Артура Конана Дойла і “Глыбокі сон” Рэйманда Чандлера. Падчас апытання пісьменнікі таксама павінныя былі выбраць найлепшага аўтара і найлепшую серыю дэтэктываў. У першай катэгорыі перамагла Агата Крысці, а ў другой — серыя твораў Дойла пра Шэрлака Холмса. Апошні раз CWA праводзіла такое апытанне ў 1998 годзе, і тады найлепшым майстрам дэтэктыўнага жанру назвалі Рэйманда Чандлера, а найлепшым дэтэктывам — “Дзевяць краўцоў” Дораці Лі Сэерс. Нумарам адзін таксама зрабілася серыя апавяданняў і раманаў Чандлера пра прыватнага дэтэктыва Філіпа Марлоў. Брытанскія СМІ адзначаюць, што ў абодвух конкурсах пісьменнікі аддавалі перавагу класіцы, а не сучасным аўтарам і творам. “Забойства Роджэра Экрайда” Агата Крысці апублікавала ў 1926 годзе. Пасля выхаду кнігі пісьменніца атрымала ў яе адрас шмат крытычных водгукаў, у тым ліку праз галоўны літаратурны прыём. Расследаваннем…

Чытаць цалкам

11 лістапада 2013

Чылійскія патолагаанатамы: Пабла Неруда не быў атручаны

Паэт-сацыяліст памёр у 1973 годзе, праз лічаныя дні пасля дзяржаўнага перавароту генерала Аўгуста Піначэта, які зрынуў тагачаснага чылійскага прэзідэнта Сальвадора Альендэ. Цела Неруды эксгумавалі ў красавіку, каб зразумець, ці памёр паэт ад атручвання, як падазраваў яго кіроўца і некаторыя іншыя ў яго атачэнні. Нэруда, якому на момант смерці было 69 гадоў, быў блізкім сябрам зрынутага Альендэ. ”Ніякіх хімічных рэагентаў не было знойдзена”, — сказаў дырэктар патолагаанатамічнай службы Чылі Патрысіё Бустас, адзначыўшы, што афіцыйная версія пра смерць паэта ад раку пацвердзілася. Аднак і гэтае заключэнне не пераканала кіроўцу і асістэнта памерлага паэта Мануэля Арая, які ўсё яшчэ ўпэўнены, што літаратара атруцілі. Паводле словаў Арая, Неруда тэлефанаваў яму з лякарні перад смерцю, запэўніваючы, што яму стала дрэнна пасля ўколу ў жывот. Падазрэнні кіроўцы падзяляюць і ў кампартыі Чылі, паводле словаў прадстаўнікоў якой, у Неруды не было ніякіх сімптомаў раку прастаты ў апошняй стадыі (менавіта…

Чытаць цалкам

6 лістапада 2013

Амаль 70% еўрапейцаў прачыталі за год хаця б адну кнігу

Паводле дадзеных сацыялагічнага сэрвісу Еўракамісіі “Еўрабарометр”, 68% грамадзян ЕС за апошнія 12 месяцаў прачыталі хаця б адну кнігу. Гэта толькі крыху менш, чым колькасць людзей, якія прагледзелі за апошні год хоць бы адну культурную тэлеперадачу ці праслухалі радыёпраграму пра культуру (72%). Больш за ўсё чытаюць у Швецыі (90%), Нідэрландах (86%) і Даніі (82%). Менш за ўсё — у Румыніі (51%) і Грэцыі (50%). Дакладных дадзеных пра тое, колькі чытачоў у Еўропе карыстаецца электроннымі версіямі кніг, няма, аднак вядома, што кнігі, кампакт-дыскі альбо квіткі на культурныя імпрэзы ў інтэрнэце купляе 27% апытаных. Менш за ўсё — толькі 5% апытаных —куплялі такія культурныя прадукты ў Балгарыі, а больш за ўсё — 53% і 52% адпаведна — у Швецыі і Даніі. У Германіі кнігі, дыскі або квіткі купляюць у інтэрнэце 44 % апытаных, а ў Вялікабрытаніі і Францыі — 30% і 31% адпаведна. Адносна няшмат еўрапейцаў ходзіць у бібліятэкі: 31%. Галоўнай прычынай гэтага называюць слабую цікавасць (43% тых, хто не…

Чытаць цалкам

6 лістапада 2013

Ганкураўскую прэмію далі за раман пра лёс салдат Першай сусветнай

62-гадовы П’ер Леметр напісаў пяць раманаў, за якія ён атрымаў каля 10 розных прэмій. Ён таксама вядомы як сцэнарыст тэлевізійных фільмаў. Ганкураўскую прэмію ўручаюць з 1903 году. Пераможцаў выбірае журы з 10 чалавек падчас вячэры ў парыжскім рэстаране “Друан”. Памер узнагароды складае ўсяго 10 еўра, аднак найбольшую каштоўнасць для лаўрэатаў уяўляе тое, што іх кніга будзе выпушчаная вялікім накладам. Летась прэмію ўручылі Жэрому Ферары за кнігу “Казань пра падзенне Рыму”. У гэты ж дзень уручылі прэмію Рэнадо, якая лічыцца другой па значнасці літаратурнай прэміяй Францыі. Сёлета яе лаўрэатам стаў Ян Муа, які раней, у 1996 годзе, атрымаў Ганкураўскую прэмію. Сёлета яго ўзнагародзілі за 1200-старонкавую кнігу “Нараджэнне”.

Чытаць цалкам

4 лістапада 2013

Рукапіс “Франкенштэйна” выклалі ў сеціва

Над праектам таксама працавалі Мэрылэндскі інстытут тэхналогій у гуманітарных навуках, Бадліянская бібліятэка і іншыя ўстановы. Задача праекту была ў тым, каб зрабіць даступным рукапісную спадчыну “першай сям'і ў ангельскай літаратуры” XVIII—XIX ст.: паэта-рамантыка Персі Шэлi, яго другой жонкі Мэры Шэлі і яе бацькоў — філосафа і раманіста Ўільяма Годвіна і пісьменніцы-феміністкі Мэры Ўолстанкрафт . Сайт будзе абнаўляцца паступова, аднак адно з цэнтральных месцаў архіва ўжо цяпер займае “Франкенштэйн”. На сайце адзначаецца, што даследчыкі аблічбавалі ўсе вядомыя рукапісы і чарнавікі, зробленыя Шэлі. У выніку для прагляду даступныя лісты з пяці сшыткаў. Даследчыкі адзначаюць, што публікацыя рукапісу “Франкенштэйна” важная, бо дапамагае зразумець працэс працы над творам і ўбачыць, які быў унёсак у раман Персі Шэлi. Вядома, што пад яго уплывам у выніку нарадзілася фінальная версія твора. Існуе нават гіпотэза, што менавіта паэт — сапраўдны аўтар рамана. На сайце можна паглядзець, якія праўкі…

Чытаць цалкам

4 лістапада 2013

У Мінску пройдзе сустрэча з Раландасам Растаўскасам і Юозасам Будрайцісам

Пачатак імпрэзы: 15.00. Месца правядзення: Пасольства Літоўскай Рэспублікі ў Рэспубліцы Беларусь (вул. Захарава, 68). Уваход вольны.

Чытаць цалкам

№21: Знак прысутнасці

Змест