Навіны літаратуры

29 кастрычніка 2013

Адкрыццё фестывалю “Лятучы стол Караткевіча” ў кнігарні “логвінаЎ”

Пра свайго Караткевіча раскажуць: Адам Глобус, Уладзімір Арлоў, Кася Камоцкая, Анатоль Івашчанка і Антон Рудак. Чакаюцца нечаканыя госці. Адрас кнігарні “логвінаЎ”: пр-т Незалежнасці, 37А. Пачатак а 19-й гадзіне. Уваход вольны Пра фестываль. Кнігарня “логвінаЎ” атрымала ў падарунак легендарны пісьмовы стол, за якім Уладзімір Караткевіч напісаў “Каласы пад сярпом тваім” і “Чорны замак Альшанскі”. І гэта выдатная нагода для літаратурнага фестывалю! Цэлы лістапад раз на тыдзень у кнігарні “логвінаЎ” і галерэі “Ў” будуць адбывацца літаратурныя, музычныя і мастацкія імпрэзы, прысвечаныя Уладзіміру Караткевічу, з удзелам паэтаў, спевакоў і мастакоў. На кожнай імпрэзе фестывалю самых актыўных чакаюць “лятучыя” прэзенты ад кампаніі “Будзьма беларусамі!”.

Чытаць цалкам

29 кастрычніка 2013

“ПрайдзіСвет” палохае чытачоў па-беларуску

Зборнік улучае шэраг твораў, што ў розныя гады друкаваліся на старонках часопіса “ПрайдзіСвет”, а таксама пераклады, якія былі зробленыя спецыяльна для гэтага выдання і друкуюцца па-беларуску ўпершыню. Над кнігай працавалі 17 перакладчыкаў з ангельскай, французскай, шведскай, нямецкай, польскай, партугальскай і ўкраінскай моваў. Укладальнік — Ганна Янкута, аўтар прадмовы — выкладчык МДЛУ Наталля Калядка. Творы, змешчаныя ў зборніку, напісаныя рознымі аўтарамі ў розныя часы, аднак іх аб’ядноўвае агульная атмасфера таямніцы. У кнізе можна прачытаць і класічныя гатычныя апавяданні Мантэгю Родса Джэймса (пераклады Веры Бурлак і Лаўрэна Юрагі), заснавальніка жанру так званага “антыкварнага” апавядання, і арабескі Эдгара По (пераклала Ганна Янкута), і іранічныя гісторыі Макса Бірбама (пераклала Юля Цімафеева), Жэрара дэ Нэрваля (пераклала Кацярына Маціеўскага) і Сакі (пераклала Алена Казлова), і мадэрнісцкія навелы Ўільяма Батлера Ейтса (пераклаў Антон Францішак Брыль), і дзіўнаватыя казкі Баляслава…

Чытаць цалкам

24 кастрычніка 2013

Архіў Эмілі Дыкінсан выклалі ў інтэрнэт

У анлайн-бібліятэцы сабраныя тысячы рукапісаў з архіва Гарвардскага ўніверсітэта, Амхерцкага каледжа, Бостанскай публічнай бібліятэкі і яшчэ пяці іншых установаў. Праект быў ініцыяваны і ажыццёўлены Гарвардскім універсітэтам, які разам з Амхерцкім каледжам валодае самай вялікай колькасцю рукапісаў Дыкінсан і іншымі матэрыяламі, якія належалі ёй. Як адзначае The New York Times, паміж дзвюма арганізацыямі, якія рознымі шляхамі атрымалі рукапісы і рэчы паэткі, заўсёды было спаборніцтва на тэму таго, чый архіў большы і лепшы. Напружанне абвастрылася ў працэсе працы над парталам, якая вялася каля двух гадоў. Некаторыя даследчыкі былі незадаволеныя тым, як Гарвардскі ўніверсітэт рабіў адбор рукапісаў Эмілі Дыкінсан для публікацыі ў інтэрнэце. Складанасць выбару была абумоўленая, у прыватнасці, тым, што многія вершы былі напісаныя Дыкінсан у некалькіх версіях. У выніку на сайце ў асноўным прадстаўленыя рукапісы твораў, якія ўвайшлі ў зборнік “Вершы Эмілі Дыкінсан”, выдадзены Гарвардскім універсітэтам…

Чытаць цалкам

22 кастрычніка 2013

Аксана Забужка атрымала прэмію Angelus

“У гэтую хвіліну я разумею, чаму галівудскія зоркі на ўручэнні “Оскара” пачынаюць плакаць. Яшчэ сёння раніцай я была ў Лондане і падпісвала тую ж кнігу на ангельскай мове. Уроцлаў цяпер для мяне ірэальны. Украіна атрымала прызнанне Еўропы! І за гэта дзякуй Уроцлаву”, — расчуленая і кранутая нечаканасцю, сказала Аксана Забужка, якая выйшла на сцэну для атрымання ўзнагароды. Украінская пісьменніца стала ўладальніцай унікальнай статуэткі аўтарства Евы Расана “Ангелус” і пераможцам адной з самых прэстыжных літаратурных узнагарод. Украінскі аўтар ужо другі раз атрымаў гэтую прэмію. У 2006 годзе перамог Юрый Андруховіч з раманам “12 абручоў”. У 2011 годзе прэмію атрымала беларуска Святлана Алексіевіч са сваёй кнігай “У вайны не жаночае аблічча”. У розныя гады на прэмію таксама прэтэндавалі Наталка…

Чытаць цалкам

21 кастрычніка 2013

Эліс Манро не прыедзе на ўручэнне Нобелеўскай прэміі

Пра гэта ў сваім блогу паведаміў пастаянны сакратар Шведскай акадэміі прафесар Петэр Энглунд. Прычынай Энглунд называе слабае здароўе 82-гадовай пісьменніцы. “Усе да гэтага датычныя, у тым ліку і сама спадарыня Манро, вельмі шкадуюць, але зрабіць нічога нельга”, — напісаў акадэмік. Хто будзе атрымліваць узнагароду замест пісьменніцы і ў якой форме пройдзе традыцыйная нобелеўская лекцыя, невядома. Згодна з традыцыяй, лекцыя, прачытаная лаўрэатам у Стакгольме, мусіць быць апублікаваная ў афіцыйным зборніку Нобелеўскага камітэта. Цырымонія ўручэння Нобелеўскай прэміі ва ўсіх намінацыях, акрамя прэміі міру (яна праходзіць у Осла), штогод праводзіцца ў Стакгольме 10 снежня, у дзень смерці заснавальніка ўзнагароды Альфрэда Нобеля. Разам з грашовай прэміяй, якая пералічваецца на рахунак лаўрэатаў, кароль Швецыі ўручае ім залаты медаль і дыплом. У 2013 годзе сума Нобелеўскай прэміі склала 1,2 мільёна даляраў. Нобелеўская прэмія па літаратуры была прысуджаная Эліс Манро з фармулёўкай “майстру сучаснага…

Чытаць цалкам

16 кастрычніка 2013

Тэатралізаваныя прэзентацыя кніг графа Фрэдры

На прэзентацыі акторы Купалаўскага разыграюць некалькі ўрыўкаў з твораў драматурга. Таксама ўдзельнічаюць перакладчыкі Андрэй Хадановіч і Марыя Мартысевіч. Вядоўца — Лявон Баршчэўскі. Пачатак а 18-й.

Чытаць цалкам

16 кастрычніка 2013

18 кастрычніка — дыскусія “Беларуская літаратура на парозе сусветнага прызнання”

Каму трэба беларуская літаратура за мяжой? Хто яе чытае? Якія тэмы цікавяць замежнікаў? Як папулярызаваць беларускую прозу і паэзію ў Еўропе? У імпрэзе прысвечанай гэтым тэмам, бяруць удзел: Артур Клінаў, Наталка Бабіна, Валянцін Акудовіч, Павал Касцюкевіч, каардынатар міжнародных праектаў выдавецтва “Логвінаў”. Мадэратар — Альгерд Бахарэвіч. Час і месца: 18 кастрычніка ў кнігарні “логвінаЎ” (Незалежнасці, 37А). Пачатак а 19-й.

Чытаць цалкам

16 кастрычніка 2013

“Букера” за 2013 год атрымала пісьменніца з Новай Зеландыі

832-старонкавая гісторыя пра залатую ліхаманку, што ахапіла свет у XIX стагоддзі, стала самым доўгім творам, які атрымліваў прэмію за ўсю яе 45-гадовую гісторыю. “Гэта бліскучая праца. Гэта выбітная праца. Яна аб'ёмная, але не зацягнутая”, — так ахарактарызаваў кнігу старшыня журы Роберт Макфарлейн. Раман Э. Кэтан — гэта дэтэктыў у стылі віктарыянскай эпохі. Характэрная структура твора — кожная новая яго частка роўна ўдвая карацейшая за папярэднюю. Прэмію пераможцы ў Лонданскай ратушы ўручала герцагіня Корнуальская Каміла, жонка наследнага брытанскага прынца Чарлза. Э. Кэтан стала самай маладой уладальніцай прэстыжнай літаратурнай узнагароды — ёй 28 гадоў, а свой раман яна завяршыла ў 27. Пісьменніца стала другім прадстаўніком Новай Зеландыі, якому была прысуджаная Букераўская прэмія — пасля Кэры Х'юма, ганараванага ў 1985 годзе за раман “Людзі-шкілеты”. Летась Букераўскую прэмію атрымала брытанская пісьменніца Хілары Мэнтэл. Яна стала першай жанчынай, каму гэтая ўзнагарода прысуджалася…

Чытаць цалкам

15 кастрычніка 2013

Прэзентацыя кнігі Роберта Вальзэра “Шпацыр”

У імпрэзе бяруць удзел: Вольга Гапеева; Маціяс Цшоке (Швейцарыя); Міхал Гворэцкі (Славакія); Вядоўца — Ірына Герасімовіч. Тэкст па-беларуску прачытае актор Аляксандр Марчанка. Адрас: Рэспубліканскі тэатр беларускай драматургіі, вул. Крапоткіна, 44. Пачатак а 19-й. Уваход вольны.

Чытаць цалкам

15 кастрычніка 2013

Конкурс рэцэнзій для чытачоў, якім ёсць што сказаць

“У Беларусі ёсць пэўнае кола ўжо вядомых літаратурных крытыкаў, але новыя рэцэнзенты з’яўляюцца рэдка, — расказвае намеснік ПЭН-цэнтра Павел Анціпаў. — Мы б хацелі, каб конкурс дапамог адкрыць новыя імёны і нечаканыя падыходы да рэцэнзавання літаратуры. Таму мы заклікаем далучыцца найперш маладых аматараў чытання, якія не маюць вялікага досведу ў напісанні крытычных артыкулаў, але хацелі б паспрабаваць сябе ў гэтай справе”. Конкурс стартуе 14 кастрычніка — у дзень народзінаў самага значнага беларускага крытыка 1920-х гадоў Адама Бабарэкі, аднаго з заснавальнікаў літаратурных аб’яднанняў “Маладняк” і “Узвышша”, які быў рэпрэсаваны. Сказаць сваё крытычнае слова прапануецца як пра сучасную беларускую прозу, паэзію, драматургію, так і пра класічныя творы. У асобную намінацыю вынесеныя рэцэнзіі на кнігі, вылучаныя на прэмію імя Ежы Гедройца-2014, спіс якіх будзе паступова папаўняцца на сайце gedroyc.by. “Самыя яркія рэцэнзіі,…

Чытаць цалкам

№21: Знак прысутнасці

Змест