Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары
Чытаць далей
Пра кнігу: Апавяданні, якія пральюць святло на неасветленае ў афіцыйных СМІ жыццё шараговых беларусаў: мінскіх кухарак-футуролагаў, смаргонскіх кантрабандыстак-серпентолагаў і гродзенскіх спартоўцаў-алкаголікаў. Назву кнізе дало апавяданне, у якім дзейнічае паўміфічная каманда, што адначасова гуляе ў пола на сланах, скокае з трампліна на вярблюдах і гуляе ў падводны хакей.
Чытаць цалкам
Над стварэннем інтэрактыўнага рамана “Дыкенс: Цёмны Лондан” (Dickens: Dark London) працавала крэатыўнае агенцтва Brother and Sisters. Як паведамляюць аўтары праграмы, у яе ўвайшлі выбраныя эпізоды з твораў пісьменніка, начытаныя акторам Маркам Стронгам. У аснову “Dickens: Dark London” легла ранняя серыя кароткіх апавяданняў пісьменніка пад назвай “Нарысы Боза”. Яна прысвечаная жыццю і побыту простых лонданцаў ХІХ стагоддзя. Таксама ў дадатак увойдуць некаторыя часткі з іншых вядомых працаў Дыкенса, у тым ліку з раманаў “Халодны дом” і “Олівер Твіст”. У дадатку будуць выкарыстаныя ілюстрацыі да гэтых твораў, створаныя мастаком Дэвідам Фолдвары. Пакуль праграма распаўсюджваецца бясплатна. Пазней яе стваральнікі плануюць выпусціць яшчэ некалькі частак інтэрактыўнага рамана. Паводле іх словаў, кожная новая частка будзе прадавацца на iTunes за 1,49 фунта (прыкладна 2,33 даляра). Выстава ў Музеі Лондана, прысвечаная двухсотгадоваму юбілею Дыкенса, працягнецца з 9 снежня 2011 па чэрвень 2012,…
Чытаць цалкам
Абодва паэты выступілі супраць новага фундатара прэміі — інвестыцыйнай кампаніі Aurum Funds, дзейнасць якой, паводле словаў Освальд і Кінсэлы, супярэчыць іх палітычным і этычным поглядам. Аўстраліец выказаў шкадаванне, што адмовіўся ад барацьбы за прэмію ў такі цяжкі для яе арганізатараў момант. Брытанскае паэтычнае грамадства Poetry Book Society, якое заснавала прэмію Эліята ў 1993 годзе, у 2011-м страціла дзяржаўнае фінансаванне і было вымушанае шукаць новага фундатара. Poetry Book Society заключыла трохгадовы кантракт з Aurum Funds, што і выклікала незадавальненне намінантаў. Кінсэла адзначыў, што яго бянтэжыць сам факт наяўнасці фундатара ў выглядзе хэдж-фонду, які ўяўляе сабой “скрайнюю форму капіталізму”. Пры гэтым, як адзначае The Daily Telegraph, абодва паэты не звярнулі ўвагі на тое, што Aurum Funds выдаткоўвае грошы і на добрыя мэты. Кампанія, у прыватнасці, ахвяруе сродкі чатыром дабрачынным арганізацыям. Выданне таксама падкрэслівае, што доўгі час сам Томас Стэрнз Эліят працаваў…
Чытаць цалкам
Прымеркаваная да гэтай падзеі, 9 снежня адбудзецца музычная прэм’ера на сцэне Вялікай залы Белдзяржфілармоніі — “Апокрыф” Максіма Багдановіча. Аўтар ідэі і кампазітар — Л. Сімаковіч. Выканаўцы — Нацыянальны акадэмічны народны аркестр імя І. Жыновіча пад кіраўніцтвам народнага артыста Беларусі, прафесара Міхаіла Казінца, Дзяржаўны камерны хор Рэспублікі Беларусь (мастацкі кіраўнік і дырыжор — Наталля Міхайлава), фальклор-тэатр “Госціца”, артысты і майстры беларускай сцэны. А на кінастудыі "Беларусьфільм" да юбілея паэта прадставілі новы дакументальны фільм пра Максіма Багдановіча. Рэжысёр фільма — Дар’я Юркевіч. Максім Багдановіч ніколі не быў у Парыжы. Але яго вершы, калі яны ёсць часткай духоўнага жыцця сучаснага чалавека, які жыве ў эпоху глабалізацыі, арганічна гучаць і ў вялікім еўрапейскім горадзе, і ў роднай паэту Беларусі. Аўтарскі фільм рэжысёра-дакументаліста студыі "Беларусьфільм" Дар’і Юркевіч уяўляе сабой рэфлексіі гераіні пра Багдановіча, у якіх праз яго паэзію, што адкрывае…
Чытаць цалкам
Эксгумацыя парэшткаў Неруды, паведаміў Кантрэрас, неабходная, каб высветліць прычыну смерці паэта. Неруда памёр 23 верасня 1973, праз 12 дзён пасля ўзброенага перавароту, у выніку якога да ўлады прыйшоў Аўгуста Піначэт. Паводле афіцыйнай версіі, прычынай смерці стаў рак прастаты. Аднак шафёр Неруды Мануэль Арая сцвярджае, што паэта забілі. У чэрвені 2011 Арая папрасіў чылійскія ўлады расследаваць смерць Неруды. Паводле словаў Араі, Неруда сам сказаў яму, што 22 верасня ў шпіталі Святой Марыі яму зрабілі ін'екцыю. Шафёр лічыць, што паэту ўвялі атруту па загадзе Піначэта. Падчас расследавання суддзя Марыё Кароса высветліў, што Неруда памёр не ад раку, а ад сардэчнага прыступу. Разам з гэтым, як перадае Terra Chile, фонд Пабла Неруды (Fundación Pablo Neruda) выступае супраць эксгумацыі парэшткаў паэта. У фондзе вераць афіцыйнай версіі смерці Неруды. Пабла Неруда ў 1971 годзе атрымаў Нобелеўскую прэмію па літаратуры. Ён быў актыўным сябрам Камуністычнай партыі Чылі, праз што ў перыяд праўлення…
Чытаць цалкам
Раман "Ты на ўзгорку" — не першае ў кар'еры Чжан Вэя мастацка-гістарыясофскае даследаванне сучаснай гісторыі Кітая: так, падобная тэматыка ў аснове яго самага вядомага рамана, які выйшаў у 1987 годзе, — "Старажытны карабель", прысвечанага жыццю трох пакаленняў трох сем'яў на фоне бурных пераменаў у жыцці Кітая цягам чатырох дзесяцігоддзяў пачынаючы з 1949 году. Так ці інакш, нават досыць складана пабудаванаму “Караблю” няпроста будзе спаборнічаць з новым раманам пісьменніка, які стаў самай доўгай кнігай у гісторыі кітайскай літаратуры. Раман прасочвае лёсы прыкладна чатырох з паловай мільёнаў асноўных і эпізадычных персанажаў. Галоўныя героі кнігі нарадзіліся ў 1950-я, аднак раман так ці інакш датычыць усіх грамадскіх пераменаў, што адбыліся ў Кітаі за апошняе стагоддзе, і мноства людзей, непасрэдна або ўскосна з імі звязаных. “Гэта мая самая складаная праца”, — сцвярджае Чжан Вэй. Так ці інакш, характэрна, што продажы рамана ў Кітаі абнадзейваюць: на цяперашні момант прададзена 500 тысяч…
Чытаць цалкам
Малюнак знайшла вядомая даследчыца творчасці Остэн Пола Бірн, і тыя, хто звярнуў увагу на знаходку, ужо паспелі адзначыць, што пісьменніца выглядае на партрэце нашмат больш рашучай і самастойнай, чым на іншых нешматлікіх малюнках, па якіх раней даводзілася меркаваць пра яе выгляд. Згодна з паралеллю, праведзенай аглядальнікам Telegraph Рычардам Алэйнам, на знойдзеным малюнку Джэйн Остэн упершыню выглядае як галоўная гераіня “Пыхі і перадузятасці” Элізабэт Бэнэт, а не як яе легкадумная сястра Лідзія. “Гэта выява Джэйн Остэн, якой мы ўсе так доўга чакалі”, — так ахарактарызавала партрэт сама Пола Бірн, якая цяпер працуе над біяграфіяй пісьменніцы. Даследчыца здолела апазнаць жанчыну на партрэце як Остэн дзякуючы характэрным абрысам носа. Зрэшты, каб пераканацца ў тым, што на малюнку сапраўды Остэн, спатрэбілася дадатковая дапамога экспертаў. Кніга Полы Бірн The Real Jane Austen выйдзе ў свет у 2013 годзе.
Чытаць цалкам
Вынікі прэміі былі абвешчаныя 1 снежня. У шорт-ліст уваходзіла шэсць аўтараў.У рамане “Купэ № 6” апісваецца падарожжа на цягніку праз Расію. Галоўная гераіня едзе з Масквы ў Сібір у адным купэ з забойцам, які расказвае ёй жудасныя гісторыі са свайго жыцця. Розу Ліксам, чыя пісьменніцкая кар’ера пачалася ў 1985 годзе, называюць майстрам гіпербалізацыі. Яна аўтарка раманаў, апавяданняў, п’есаў і твораў для дзяцей. Таксама пісьменніца малюе коміксы. Яе кнігі перакладзеныя на 16 моваў свету.
Чытаць цалкам
З агульнай колькасці апытаных не маюць кніг каля 33,2%. На аснове вынікаў даследавання Фонд выказаў здагадку, што агулам сваіх кніг няма ў 3,8 млн брытанскіх дзяцей. Апошні раз такое апытанне Фонд праводзіў сем гадоў таму — тады высветлілася, што ўласных кніг няма ў аднаго з дзесяці апытаных. У 2004 годзе ў даследаванні ўдзельнічалі каля 8 тысяч юных рэспандэнтаў. Цяперашняе даследаванне фонду таксама паказала, што дзяўчынкі маюць кнігі часцей, чым хлопчыкі, а тыя школьнікі, у каго ёсць кнігі, лепш вучацца. Акрамя таго, навукоўцы ўсталявалі залежнасць паміж колькасцю кніг дома і ўзроўнем чытання падлетка — чым больш кніг, тым вышэйшы ўзровень. Як адзначае The Daily Telegraph, дадзеныя даследаванні засмуцілі шматлікіх брытанскіх пісьменнікаў і журналістаў. Фонд правёў апытанне напярэдадні Раства — перад святам арганізацыя таксама плануе запусціць дабрачынную акцыю “Чытанне ў падарунак” (Gift of Reading), у межах якой можна ахвяраваць нейкую суму на кнігі для дзяцей. Паводле даследавання,…
Чытаць цалкам
У шорт-лісце прэміі таксама была беларуска Наталка Бабіна з раманам “Рыбін горад”. Прэмія Angelus — найбольшая паводле прызавога фонду літаратурная прэмія Польшчы, якая ўручаецца за празаічныя творы, перакладзеныя на польскую мову, пісьменнікам з 21 краіны Цэнтральнай Еўропы. Прыз складаецца са статуэткі Angelus і чэка на 150 тысяч злотых. Узнагароду таксама атрымлівае перакладчык у памеры 20 тысяч злотых.
Чытаць цалкам