Навіны літаратуры

2 снежня 2011

Прэмію Сервантэса атрымаў чылійскі паэт

Імя пераможцы самай прэстыжнай прэміі ў галіне гішпанамоўнай літаратуры абвясціў 1 снежня ў Мадрыдзе міністр культуры Гішпаніі Анхелес Гансалес-Сіндзі. 97-гадовы паэт атрымае грашовае ўзнагароджанне ў памеры 125 тысяч еўра. Першы паэтычны зборнік чылійца быў апублікаваны ў 1937 годзе. У 1969 і 1981 гадах Пара за свае творы быў уганараваны чылійскай Нацыянальнай прэміяй у галіне літаратуры. Яго вершы называюць “антыпаэзіяй” за тое, што ён змешвае гутарковую мову з класічнымі вершаванымі формамі. Ніканор Пара зрабіў значны ўплыў на паэтаў Лацінскай Амерыкі. Цырымонія ўручэння прэміі адбудзецца 23 красавіка — у дзень смерці Мігеля дэ Сервантэса. Прэмія Сервантэса, як і Нобелеўская прэмія па літаратуры, уручаецца не за канкрэтны твор, а за сукупныя заслугі. У розныя гады лаўрэатамі прэміі рабіліся Хорхе Луіс Борхес, Алеха Карпэнтэр, Гансала Торэнт Бальестэр, Марыё Варгас Льёса.

Чытаць цалкам

2 снежня 2011

У Расіі абралі “Букера дзесяцігоддзя”

Аляксандр Чудакоў (1938—2005) — літаратуразнаўца і пісьменнік, прафесар Літаратурнага інстытута імя Горкага, вядомы спецыяліст па творчасці Антона Чэхава. Яго аўтабіяграфічны раман “Ложится мгла на старые ступени...”, назву якому даў радок з верша Аляксандра Блока, выйшаў у 2000 годзе, а праз год быў намінаваны на “Рускі Букер”. Заснавальнікі літаратурнай прэміі прынялі рашэнне зноў прагаласаваць і выбраць найлепшыя творы з шорт-ліста “Рускага Букера” апошніх дзесяці гадоў. Усяго на прэмію прэтэндавалі 42 раманы. Пяць з іх, якія набралі найбольшую колькасць галасоў сябраў журы, склалі шорт-ліст прэміі, у які акрамя кнігі Аляксандра Чудакова ўвайшлі: - Алег Паўлаў “Карагандинские девятины, или Повесть последних дней” (лаўрэат 2002 году); - Захар Прылепін “Санька” (фіналіст 2006 году); - Раман Сенчын “Елтышевы” (фіналіст 2009 году); - Людміла Уліцкая. “Даниэль Штайн, переводчик” (фіналіст 2007 году). Мэтай прысуджэння “Рускага Букера дзесяцігоддзя” было “праверыць перспектыўную справядлівасць…

Чытаць цалкам

2 снежня 2011

Памерла пісьменніца Крыста Вольф

Пісьменніцкім дэбютам Вольф стала аповесць “Маскоўская навела”, апублікаваная ў 1961 годзе. З 1974 году яна была сябрам Акадэміі мастацтваў Германіі, а ў 1982 годзе яе прынялі ў Еўрапейскую акадэмію навук і мастацтваў у Парыжы. Вольф нарадзілася ў 1929 годзе ў прускім горадзе Ландсберг-на-Варце (Landsberg an der Warthe), які цяпер знаходзіцца на тэрыторыі Польшчы. Пасля ўцёкаў ад савецкіх войскаў у 1945 годзе яе сям'я асела ў Мекленбургу. Пасля вайны, у 1949 годзе, Крыста Вольф уступіла ў Сацыялістычную адзіную партыю Германіі і заставалася яе сябрам да 1989 году. У пачатку 1990-х гадоў высветлілася, што яна з 1959 па 1962 гг. супрацоўнічала са спецслужбай “Штазі” і напісала для ўсходнегерманскай выведкі тры справаздачы. У іх яна станоўча ахарактарызавала людзей, якімі цікавілася “Штазі”. Пазней, аж да аб'яднання Германіі, агенты ўнутранай выведкі сачылі за самой пісьменніцай. У пачатку 1990-х у Германіі на яе абрынулася хваля крытыкі праз сувязі з выведкай, і яна часова з'ехала ў ЗША.

Чытаць цалкам

1 снежня 2011

Помнік на магіле Оскара Ўайлда абаранілі ад пацалункаў

Над магілай Ўайлда ўзвышаецца крылаты сфінкс з каменя працы скульптара Джэйкаба Эпстайна. Да 1985 году сфінкс знаходзіўся ў досыць добрым стане, аднак затым яго ўсё часцей пачалі пакрываць графіці, і надмагілле неаднаразова чысцілі. У канцы 1990-х гадоў прыхільнікі Ўайлда заклалі незвычайную традыцыю: яны пачалі цалаваць надмагілле, і за некалькі гадоў помнік пакрыўся слоем губной памады. І хоць фарбавальнік, які змяшчаецца ў касметыцы, з часам выпараецца, тлушчавая аснова застаецца на сфінксе прыкметнай, што дрэнна адбіваецца як на стане каменнай статуі, так і на яе выглядзе. У выніку да 111-годдзя з дня смерці Ўайлда — 30 лістапада 2011 — сфінкса было вырашана абнесці ахоўнай шкляной агароджай. Праект рэалізаваны Ірландскім культурным цэнтрам. Оскар Ўайлд памёр у Парыжы ў 1900 годзе. Прычынай смерці стаў менінгіт, які ўзнік на фоне вушной інфекцыі. Пісьменніка пахавалі на могілках Баё, аднак праз некалькі гадоў ён быў перапахаваны на Пэр-Лашэз. Штогод на магілу пісьменніка прыязджаюць…

Чытаць цалкам

30 лістапада 2011

Выдалі страчаны раман Керуака

Рукапіс, пра які было вядома са згадак у перапісцы з сям'ёй і сябрамі, быў знойдзены ў архіве Керуака адным з яго сваякоў. Для даследчыкаў творчасці Керуака каштоўнасць знаходкі перш за ўсё ў тым, што яна дазволіла прасачыць яго станаўленне як пісьменніка. Раман быў напісаны адразу пасля вайны, калі Керуаку не было і 25 гадоў, аднак да гэтага моманту ён паспеў паслужыць у гандлёвым флоце. Галоўны герой кнігі Ўэслі Марцін (Wesley Martin), паводле словаў самога пісьменніка, “любіць мора дзіўным і самотным каханнем”. Як казаў сам Керуак, “Мора — мой брат” апісвае “просты бунт чалавека супраць грамадства, якім яно ёсць, з яго няроўнасцю, расчараваннямі і пакутамі, што яно прыносіць само сабе”. На думку выдаўца Дoна Ўорда (Dawn Ward), гэтая кніга важная тым, што паказвае нам пісьменніка з таго боку, які мы ніколі не змаглі б разгледзець у астатніх творах. У 2008 годзе ў ЗША быў выдадзены раман “Гіпапатамаў зварылі ў іх чанах” (And the Hippos Were Boiled in Their Tanks), напісаны Керуакам сумесна…

Чытаць цалкам

30 лістапада 2011

“Вялікую кнігу” атрымаў Міхаіл Шышкін

Другую прэмію атрымаў Уладзімір Сарокін за аповесць “Метель”, трэцюю — Дзмітрый Быкаў за раман “Остромов, или Ученик чародея”. Спецыяльны прыз “За гонар і годнасць” прысуджаны Фазілю Іскандэру. Акрамя таго, фіналістамі сёлета былі: ● Юрый Арабаў “Орлеан”; ● Юрый Буйда “Синяя кровь”; ● Дзмітрый Данілаў “Горизонтальное положение”; ● Сяргей Кузняцоў “Хоровод воды”; ● Вольга Слаўнікава “Лёгкая голова”; ● Аляксей Слапоўскі “Большая книга перемен”; ● Сяргей Салавух “Игра в ящик”. Пераможцамі народнага галасавання на сайце літаратурнай прэміі “Вялікая кніга”, якое завяршылася ў ноч з 22 на 23 лістапада, сталі творы Міхаіла Шышкіна, Дзмітрыя Быкава і Юрыя Буйды. Агульны прызавы фонд “Вялікай кнігі” ў 2011 годзе складае 5,5 млн расійскіх рублёў. Памер першай прэміі — 3 млн рублёў, другой — 1,5 млн рублёў, трэцяй — 1 млн рублёў. Прэмія “Вялікая кніга” была заснаваная ў 2005 годзе “з мэтай пошуку і заахвочвання…

Чытаць цалкам

30 лістапада 2011

Юбілей “Мышалоўкі”

Акрамя таго, п'еса перакладзеная на 23 мовы і пастаўленая ў больш чым 40 краінах. У 2002 годзе, калі “Мышалоўка” адзначала 50-гадовы юбілей, чарговы спектакль наведала каралева Елізавета II, (адзначым, што менавіта на асабістую просьбу яе бабулі, жонкі караля Георга V Марыі Тэкскай, п'еса і была напісаная, дакладней, перапісаная на аснове кароткага радыёспектакля “Трое сляпых мышанятаў”). “Мышалоўка” вядомая сваім нечаканым фіналам: на спектаклях гледачоў просяць не раскрываць яго тым, хто яшчэ не бачыў п’есы на сцэне (а ў 2010 годзе, калі імя забойцы раскрылі ў артыкуле на англамоўнай Вікіпедыі, нашчадкі Агаты Крысці адрэагавалі на гэта з абурэннем). З нагоды чарговага юбілею знакамітай п'есы Тэатр Св. Марціна плануе правесці маштабныя гастролі па краіне: за 60 тыдняў тэатр аб'едзе 60 гарадоў, а кожнаму актору трэба будзе граць сваю ролю цягам 12 тыдняў. Брытанскія тэатральныя дзеячы лічаць, што п'еса захоўвае папулярнасць дзякуючы эфектным сюжэтным паваротам, а тэмы, узнятыя ў ёй, застаюцца…

Чытаць цалкам

29 лістапада 2011

Стартуе Фэст аднаго верша — 2011

Мова: любая. Для ўдзелу у фестывалі неабходна на адрас gggbbb2007@gmail.com або dorefa@yandex.ru даслаць (з пазнакай “фэст”) ліст, які змяшчае: 1) верш на зімовую, калядную або навагоднюю тэматыку; 2) псеўданім, пад якім ваш тэкст будзе прадстаўлены журы; 3) вашыя імя, прозвішча, горад, краіну, нумар хатняга і мабільнага тэлефонаў, e-mail. Дасылаць хатні адрас не трэба. Вечарына па выніках конкурсу адбудзецца ў сярэдзіне студзеня 2012 г. Сябрамі журы па стане на 15 лістапада пагадзіліся быць: Андрэй Васілеўскі, галоўны рэдактар часопіса “Новы свет”; Кірыл Кавальджы, кіраўнік праграмы інтэрнэт-часопіса для маладых пісьменнікаў “Пралог” (Фонд СЭІП); Людмiла Рублеўская, літаратурны аглядальнік газеты “Савецкая Беларусь”; Наталля Капа, загадчык аддзела крытыкі часопіса “Нёман”.

Чытаць цалкам

29 лістапада 2011

Прэзентацыя кнігі Паўла Анціпава

У прэзентацыі возьмуць удзел: Анка Упала, Наста Манцэвіч, Марыя Мартысевіч, Уладзь Лянкевіч, Андрэй Пакроўскі, Кірыл Дубоўскі, Аляксандр Грыгор’еў з добрай гітарай і Саша Захарык з прыемным голасам. Павел Анціпаў нарадзіўся 30 гадоў таму ў Мінску. Вучыўся ў Беларускім Калегіюме і Літаратурным інстытуце. Працаваў аранжыроўшчыкам, упакоўшчыкам, кур’ерам, галоўным бухгалтарам, журналістам. Пісьменнікам не працаваў. Апавяданні друкаваліся ў часопісах і зборніках, якія нават пералічваць нудна. Жыве ў памяшканні 2,5 на 2,5 метры. Зарабляе 49 даляраў на месяц. Першая кніжка апавяданняў “Дыпломная работа” сёлета выйшла ў выдавецтве Логвінаў. Гэтым фактам Анціпаў збіраецца ганарыцца да пенсіі, калі дажыве і калі дзяржава пагодзіцца яму гэтую пенсію налічыць. Кніга змяшчае ўласна аўтабіяграфічную аповесць “Дыпломная работа” (прыгоды на пусты страўнік беларускага літаратара ў Маскве), а таксама колькі апавяданняў. Сустрэча з ужо…

Чытаць цалкам

29 лістапада 2011

Выявы-2011: Трохмоўе

Удзельнічаюць: - літаратуразнаўца, укладальнік выдання “Максім Багдановіч: вядомы і невядомы” Ціхан Чарнякевіч; - пісьменнікі, куратары і перакладчыкі 4-томнага выдання Чэслава Мілаша па-беларуску Андрэй Хадановіч і Марына Шода; - аўтары і куратары праекту “Czeladnik czasu\Laiko pameistrys\Чаляднік часу” (Літва-Польшча-Беларусь); - прадстаўнікі інтэрнэт-часопіса “ПрайдзіСвет” Юля Цімафеева і Уладзь Лянкевіч, літаратары і перакладчыкі Віталь Рыжкоў і Анка Упала; - рэжысёр і паэтка Ганна Федарук, танцавальны дуэт “Алія Аціка”, тэатр вогненнай імправізацыі “Асмігурд”; - беларускамоўны trip-hop/downtempo гурт “B_SIDE". Пры падтрымцы дызайн-студыі http://www.pix.by/ і сайта http://kurs.by/. Наведнікам у падарунак — унікальны дыск да трохгоддзя прома-групы ВЮ! Вядуць імпрэзу Віка Трэнас і Юлія Новік. Пачатак а 18-й. Уваход па квітках у музей (3 000 руб.).

Чытаць цалкам

№21: Знак прысутнасці

Змест