№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Віншую ўсіх прайдзісветаў з днём народзінаў!

27 траўня 2010

Віншую ўсіх прайдзісветаў з днём народзінаў!
Штодзённа абнаўляецца стужка беларускіх і сусветных літаратурных навінаў. Мы разжыліся на новыя рубрыкі: глосы, кніга, мова. Штонумар "ПрайдзіСвет" праводзіць перакладчыцкі конкурс з асаблівай рубрыкай "Кубак Майстра", пераможцы якога публікуюцца на старонках часопіса. 

"ПрайдзіСвет" пры падтрымцы кампаніі "Будзьма беларусамі" заснаваў серыю літаратурных чытанняў у Галерэі Ў, справаздачы з якіх рэгулярна з'яўляюцца на сайце. Пакрысе мы наладжваем супрацоўніцтва з кнігарнямі, тэатрамі, навучальнымі ўстановамі, выдавецтвамі, перыядычнымі выданнямі і СМІ.

Сёлета "ПрайдзіСвет" супольна з беларускім ПЭН-цэнтрам заснаваў перакладчыцкую прэмію, якая мае стацца штогадовай узнагародай па трох намінацыях: Проза, Паэзія, Публікацыя ў "ПрайдзіСвеце". Днямі адбыўся круглы стол па праблемах перакладу, удзел у якім узялі суддзі прэміі і сябры рады часопіса "ПрайдзіСвет".

"ПрайдзіСвет" адкрыты для новых ідэй, тэкстаў і любых формаў супрацоўніцтва! 

Заўтра а 19-й гадзіне ў музеі Багдановіча адбудзецца ўручэнне прэміі часопіса "ПрайдзіСвет" і ўрачыстае святкаванне дня народзінаў "ПрайдзіСвета". Прыходзьце, калі ласка!

Чытайце таксама

530