Навіны літаратуры

19 лістапада 2012

Новы год для знявераных у Дзеду Марозу: прэзентацыя кнігі Андрэя Пакроўскага

Андрэй Пакроўскі прэзентуе сваю першую кнігу “Як я перастаў верыць у Дзеда Мароза”, якая выйшла ў падсерыі “Пункт адліку” серыі “Кнігарня пісьменніка” ГА “Саюз беларускіх пісьменнікаў” у выдавецтве “ЛогвінаЎ”. У прэзентацыі, якая пройдзе пры падтрымцы кампаніі “Будзьма беларусамі!”, возьмуць удзел Павел Анціпаў, Кірыл Дубоўскі, Віялета Пачкоўская, Уладзь Лянкевіч, а таксама старшыня СБП Барыс Пятровіч. Чакаецца навагодняя елка! Імпрэза пачнецца 23 лістапада ў 18.30 у галерэі “Ў” па адрасе: Мінск, праспект Незалежнасці, 37А і скончыцца аўтограф-сесіяй аўтара ў кнігарні “логвінаЎ”. Дэбютную кнігу Андрэя Пакроўскага склалі кароткія апавяданні, якія напоўніцу раскрываюць тэму Дзеда Мароза, тэму ровара, тэму Антона, які насамрэч Андрэй, і шмат іншых важных для пісьменніка тэмаў, актуалізуюць праблемы кубка кавы і тралейбуса. Пра аўтара: Празаік і мастак. Нарадзіўся ў Гародні, цяпер жыве ў Мінску. Лаўрэат конкурсаў беларускага ПЭН-Цэнтра. Сябе пісьменнік характарызуе так: “Характар блізкі да…

Чытаць цалкам

16 лістапада 2012

У Мінску пройдзе фестываль Януша Корчака

Гэтае выданне — абноўленыя і дапоўненыя пераклады кніг “Кароль Мацюсь Першы” (пераклала Ядвіга Бяганская) і “Кароль Мацюсь на бязлюдным востраве” (пераклаў Уладзімір Васілевіч), а таксама першае беларускае выданне кнігі “Кайтусь-чарадзей” (пераклала Марына Шода). Ілюстрацыі да трохтомніка зрабіла мастачка Настасся Атраховіч. Таксама ў Мінску пройдзе шэраг мерапрыемстваў, звязаных з імем пісьменніка. 24 лістапада (субота) у галерэі сучаснага мастацтва “Ў” і кнігарні “логвінаЎ” (пр. Незалежнасці, 37А) пройдзе дзіцячы ранішнік “Кароль Мацюсь назаўжды”. У праграме: - прагляд урыўкаў польскага мюзікла “Януш Корчак”; - мастацкія чытанні пра прыгоды караля Мацюся і Кайтуся-чарадзея ад акторкі Ганны Хітрык; - пачастунак для дзяцей. Вядоўца ранішніка — Андрэй Хадановіч. Пачатак а 14-й. Уваход вольны. 27 і 29 лістапада ў другім корпусе гатэля “Мінск” (пр. Незалежнасці, 11), у навучальнай зале №609, адбудуцца адкрытыя…

Чытаць цалкам

13 лістапада 2012

На будынку Джульеты забаранілі прызнавацца ў каханні

Гарадская рада прыняла рашэнне аб тым, што турыстам і тутэйшым жыхарам з гэтага часу нельга пісаць на сценах у вядомым дворыку, дзе сустракаліся шэкспіраўскія героі. У найбліжэйшы час там з’явяцца спецыяльныя панэлі, прызначаныя выключна для надпісаў. Таксама турыстам забароняць есці і піць напоі ў легендарным раёне. Відавочна, улады асцерагаюцца, што магія месца можа пацярпець ад прыземленых патрэбаў народных масаў. Парушэнне правілаў абыдзецца гасцям Вероны ў 25—500 еўра.

Чытаць цалкам

13 лістапада 2012

Брытанцы аддаюць перавагу электронным кнігам

Продаж электронных кніг Amazon ажыццяўляе ў асноўным для сваёй “чыталкі” Kindle, якая з’явілася на рынку летам 2010 года і на працягу некалькіх месяцаў стала адным з самых папулярных тавараў на Amazon. Сямейства рыдэраў Kindle дазваляе ўладальніку загружаць і чытаць кнігі, часопісы, газеты. Працу з інтэрнэтам забяспечвае бесправадны інтэрфейс. Варта адзначыць, што ўсяго за некалькі месяцаў кампанія прадала 2 млн рыдэраў. “Чыталкі” прадаюцца адразу з некаторымі кнігамі — як правіла, творамі класікаў. Па словах кіраўніцтва кампаніі, менавіта дзякуючы гэтаму, верагодна, прылады сталі больш папулярнымі. Акрамя таго, Amazon дала магчымасць зарабіць незалежным аўтарам, якія публікуюць свае кнігі самастойна. Кампанія паведамляе, што за апошні год продаж тэкстаў такіх аўтараў вырас на 400%.

Чытаць цалкам

13 лістапада 2012

Памерла ўдава Томаса Стэрнза Эліята

Валеры Флетчар і Эліят, у якіх розніца ва ўзросце была каля сарака гадоў, пажаніліся ў 1957 годзе. Яны пражылі разам восем гадоў – у 1965 Томас Стэрнз Эліят памёр. Флетчар была другой жонкай драматурга, першы раз ён ажаніўся ў 1915 годзе з балерынай Вів’ен Хейвуд, аднак пасля выявілася, што яна пакутуе на псіхічнае расстройства. Яна памерла ў 1947. Другі шлюб Эліята, паводле ўспамінаў яго сяброў, быў шчаслівым – з Флетчар яны пазнаёміліся ў лонданскім выдавецтве Faber & Faber, якое спецыялізавалася на публікацыі паэзіі. Эліят у ім працаваў з 1925 года на працягу ўсёй сваёй кар'еры. Калі ён сустрэў будучую жонку, ён быў дырэктарам выдавецтва, а яна – яго сакратаром. Пасля смерці аднаго з найбуйнейшых англамоўных паэтаў XX стагоддзя Валеры Эліят стала захавальніцай яго творчай спадчыны, рэдактарам твораў і лістоў. Валеры ў адпаведнасці з воляй паэта адмаўлялася ад супрацоўніцтва са шматлікімі біёграфамі, якія жадаюць даследаваць яго архіў. Магчыма, пасля смерці Эліят навукоўцы атрымаюць доступ…

Чытаць цалкам

12 лістапада 2012

У Гданьску праходзіць семінар “Перакладчыкі без межаў”

У семінары бяруць удзел 15 перакладчыкаў — паланістаў і беларусістаў. Мадэратары сустрэчы — кіраўнікі польскага і беларускага ПЭН-клубаў — Адам Паморскі і Андрэй Хадановіч. Заняткі і майстар-класы па перакладзе вядуць Лявон Баршчэўскі, Лявон Вольскі, Павел Гюле, Гжэгаж Гаўдэн, Ганна Чакановіч ды іншыя. Семінар арганізаваны Каледжам Усходняй Еўропы у Гданьску пры падтрымцы адміністрацыі горада і Еўрапейскага цэнтра салідарнасці ў Гданьску.

Чытаць цалкам

9 лістапада 2012

Вецер з Балкан: прэзентацыя кнігі Міленкі Ергавіча

“Іншала, Мадона, іншала” — гэта зборнік апавяданняў, у якіх мяшаюцца Захад і Усход, учора і сёння, хрысціяне і мусульмане, Асманская і Габсбургская імперыі, старая і новая Югаславія, харваты, баснійцы, сербы, чорныя, белыя… Адзінай канстантай застаецца Боснія. Гэтая кніга напісана не словамі, а тугою і любоўю. На прэзентацыю паўднёва-заходнім ветрам занясе перакладчыка кнігі Сяргея Шупу, заходнім — пісьменніка Альгерда Бахарэвіча, а вятры тутэйшыя прывядуць літаратуразнаўцу Івана Чароту. Кацярына Ваданосава і гурт “Alta Mente” выявяць шматгалоссе Балканаў у песнях, некаторыя з якіх і леглі ў аснову кнігі Міленкі Ергавіча. Вядучая – Юля Цімафеева Пачатак а 19-й. Уваход вольны. Пра аўтара Сяргей Шупа і Міленка Ергавіч Пісьменнік і публіцыст Міленка Ергавіч лічыцца на сёння адным з найлепшых баснійска-харвацкіх пісьменнікаў. Ён нарадзіўся ў 1966 годзе ў Сараеве. Пачынаў як паэт, і яго дэбютны зборнік паэзіі быў не толькі заўважаны публікай, але і адзначаны некалькімі літаратурнымі прэміямі.…

Чытаць цалкам

8 лістапада 2012

Бахарэвіч прэзентуе свой “Гамбургскі рахунак”

Кнігу склалі больш за пяцьдзясят эсэ Альгерда Бахарэвіча, прысвечаных класікам беларускай літаратуры. Тэксты, якія друкаваліся на сайце “Свабоды” і гучалі ў эфіры цэлы год, цяпер пад адной вокладкай. У прэзентацыі возьмуць удзел: - Адам Глобус, - Альгерд Бахарэвіч, - Сяргей Шупа, - Віктар Жыбуль, - Віктар Марціновіч, - Антон Рудак. Імпрэза пройдзе ў памяшканні Інстытута Гётэ ў Мінску (вул. Веры Харужай, 25/3, трэці паверх). Пачатак а 19-й. Уваход вольны.

Чытаць цалкам

8 лістапада 2012

Галоўныя французскія прэміі — за “Казань пра падзенне Рыму” і “Дзеву Марыю Нільскую”

Жэром Ферары нарадзіўся ў 1968 годзе. Цяпер ён выкладае філасофію ў французскім ліцэі ў Абу-Дабі. Яго супернікамі ў барацьбе за прэмію былі Патрык Дэвіль з Peste et choléra (“Чума і халера”), Жаэль Дыкер з La Vérité sur l'affaire Harry Québert (“Праўда пра справу Ары Кебер”) і Лінда Ле з Lame de fond (“Шквал”). Ганкураўская прэмія ўручаецца з 1903 году; яе памер звычайна чыста сімвалічны (цяпер — 10 еўра), аднак прысуджэнне выводзіць раман-пераможцу ў бэстсэлеры. За год да Ферары лаўрэатам стаў Алексіс Жэні. Па традыцыі ў адзін дзень Ганкураўскай у Францыі ўручаюць прэмію Рэнадо, якая шмат у чым і дапаўняе, і парадыюе першую. Сёлета яе лаўрэатам назвалі ўраджэнку Руанды Схаластык Мукасонга за раман “Дзева Марыя Нільская”. Леташнім…

Чытаць цалкам

6 лістапада 2012

Названыя імёны сябраў журы прэміі Гедройца

У журы ўвойдуць таксама чатыры чалавекі з польскага боку. Іх імёны стануць вядомыя пазней.Лонг-ліст прэміі будзе абвешчаны ў першай палове студзеня 2013 году. У яго трапяць 12 кніг. Падрабязней пра мэты і ўмовы, а таксама кантакты для падачы заявак можна прачытаць на афіцыйным блогу прэміі. Прэмія Гедройца — самая шчодрая ўзнагарода пісьменнікам у краіне. Яна незалежная, а ўганароўваюцца ёю за найлепшую кнігу, выдадзеную цягам году.

Чытаць цалкам

№21: Знак прысутнасці

Змест